ପୁଣି ଉଡ଼ିବେ ହ୍ରିତିକ୍: ବଲିଉଡ୍ ହେବ ହୁଲସ୍ତୁଲ, ‘Krrish 4’ର ରିଲିଜ୍ ତାରିଖକୁ ନେଇ ଆସିଲା ବଡ଼ ଅପଡେଟ୍
ମୁମ୍ୱାଇ: ହ୍ରିତିକ ରୋଶନଙ୍କ ଫିଲ୍ମ ‘Krrish 4’କୁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି। ଏବେ ପୁଣି ଥରେ ଫିଲ୍ମକୁ ନେଇ ବଡ ଖବର ସାମ୍ନାକୁ ଆସୁଛି । ଏହି ଖବର ଶୁଣିବା ପରେ ପ୍ରଶଂସକମାନେ ୨୦୨୫ ର ଆଗମନକୁ ଅପେକ୍ଷା କରିଛନ୍ତି ।
ଏହି ଖବର ଆସିବା ପରେ ସୋସିଆଲ ମିଡିଆରେ ହଇଚଇ ସୃଷ୍ଟି ହୋଇଛି । ସମସ୍ତେ ଜାଣିବାକୁ ଚାହାଁନ୍ତି କେବେ ଏବଂ କେଉଁ ଦିନ ସେମାନଙ୍କ ପ୍ରିୟ ତାରକାଙ୍କ ଫିଲ୍ମ ରିଲିଜ ହେବ ?
‘Krrish 4’ ପୂର୍ବରୁ ୨୦୧୩ରେ ଆସିଥିଲା ‘Krrish 3’। ଏହି ସିନେମା ବ୍ଲକବଷ୍ଟର ସାବ୍ୟସ୍ତ ହୋଇଥିଲା । ଏହା ପୂର୍ବରୁ ୨୦୦୬ରେ ହ୍ରିତିକ ରୋଶନ କ୍ରିଶ ହୋଇ ପ୍ରଶଂସକଙ୍କୁ ଖୁସି କରିଥିଲେ । ତେବେ ଏହି ପୁରା ସିରିଜ ଫିଲ୍ମ ‘କୋଇ ମିଲ ଗେୟା’ରୁ ଆରମ୍ଭ ହୋଇଥିଲା ।
ଗତ ୧୧ ବର୍ଷ ମଧ୍ୟରେ ହ୍ରିତିକ୍ ରୋଶନ ଏବଂ ତାଙ୍କ ବାପା ରାକେଶ ରୋଶନ ମଧ୍ୟ Krrish 4 ର ସଙ୍କେତ ଦେଇଛନ୍ତି। ଏବେ ଖବର ଆସୁଛି ଯେ ‘ୱାର୍-୨’ର ଫିନାଲେ ସିକ୍ୱେନ୍ସ ସୁଟିଂ ହେବା ମାତ୍ରେ ‘କ୍ରିଶ-୪’ର ପରଦାକୁ ଆଣିବାକୁ ଯୋଜନା କରାଯାଇଛି।
ସୂଚନା ଅନୁଯାୟୀ, ୨୦୨୫ ଗ୍ରୀଷ୍ମଋତୁରେ ‘Krrish 4’ର ସୁଟିଂ ପାଇଁ ଯୋଜନା କରାଯାଉଛି, ଯେଉଁଥିରେ ସୁପରହିଟ୍ କ୍ରିଶ ମୁମ୍ବାଇ ଏବଂ ୟୁରୋପର କିଛି ଦେଶରେ ଉଡ଼ିବେ।
ସେବେଠାରୁ ପ୍ରଶଂସକମାନେ କହୁଛନ୍ତି ଯେ ଯଦି ୨୦୨୫ ଗ୍ରୀଷ୍ମ ଋତୁରେ ଫିଲ୍ମର ସୁଟିଂ ଆରମ୍ଭ ହୁଏ ତେବେ ଫିଲ୍ମଟି ଅତି କମରେ ୧ରୁ ୨ ବର୍ଷ ଅର୍ଥାତ ୨୦୨୬ କିମ୍ବା ୨୦୨୭ ପର୍ଯ୍ୟନ୍ତ ଫ୍ଲୋରକୁ ଆସିପାରେ ।
