ଏବେ ମହିଳା ଶିକ୍ଷୟିତ୍ରୀଙ୍କ ଭୂତ ଦେବ ତାଲିମ! ୩ ମାସ ପୂର୍ବରୁ ଯାହାଙ୍କର ହୋଇଥିଲା ମୃତ୍ୟୁ, ତାଙ୍କର ଡ୍ୟୁଟି ଲଗାଇଛି ଶିକ୍ଷା ବିଭାଗ

ବିହାରର ଶିକ୍ଷା ବିଭାଗ ପ୍ରାୟତଃ ଚର୍ଚ୍ଚାରେ ଥାଏ । ଏବେ ଶିକ୍ଷା ବିଭାଗ ଏପରି କିଛି କାରନାମା କରିଛ. ଯାହା ଯୋଗୁଁ ଅଧିକାରୀମାନେ ଲଜ୍ଜିତ ହେଉଛନ୍ତି । ପ୍ରକୃତରେ, ଜଣେ ମୃତ ଶିକ୍ଷୟିତ୍ରୀଙ୍କୁ ମଧ୍ୟ ତାଲିମ ନେବା ପାଇଁ ନିର୍ଦ୍ଦେଶ ଦିଆଯାଇଛି । ଏହି ଅଜବ ଘଟଣା ମୋତିହାରୀ ଜିଲ୍ଲାରେ ଘଟିଛି ।

ସୂଚନା ଅନୁଯାୟୀ, ଛାତୌନି ସ୍ଥିତ ଡାଏଟରେ ଶିକ୍ଷା ବିଭାଗ ଦ୍ୱାରା ପ୍ରସ୍ତାବିତ ଶିକ୍ଷକଙ୍କ ପାଇଁ ଏଫଏଲଏନ ଏବଂ ଆଇସିଟି ତାଲିମରେ ମୃତ ଶିକ୍ଷୟିତ୍ରୀଙ୍କ ନାମ ଜାରି ହୋଇଥିଲା । ରାଜ୍ୟ ଶିକ୍ଷା, ଗବେଷଣା ଏବଂ ତାଲିମ ନିର୍ଦ୍ଦେଶକଙ୍କ ଦ୍ୱାରା ଇ-ଶିକ୍ଷା ପୋର୍ଟାଲରେ ଅପଲୋଡ୍ କରାଯାଇଥିବା ସ୍ଥାୟୀ ବିକାଶ ଯୋଜନା ଅଧୀନରେ, ପ୍ରଥମରୁ ପଞ୍ଚମ ଶ୍ରେଣୀର ଶିକ୍ଷକମାନଙ୍କ ପାଇଁ ୧୭ ରୁ ୨୧ ମାର୍ଚ୍ଚ ପର୍ଯ୍ୟନ୍ତ ଏକ ପାଞ୍ଚ ଦିନିଆ ତାଲିମ ଆୟୋଜନ କରାଯାଇଛି । ଏଥିପାଇଁ ବିଭିନ୍ନ ସ୍କୁଲରୁ ୨୫୦ ଜଣ ଶିକ୍ଷକଙ୍କୁ ଚୟନ କରାଯାଇଛି ।

ଏହି ଶିକ୍ଷକମାନଙ୍କ ମଧ୍ୟରୁ ରାଣୀ କୁମାରୀ, ଯିଏ ଅପଗ୍ରେଡେଡ୍ ମିଡିଲ୍ ସ୍କୁଲ ଭଗବାନପୁର କୋଟୱାରେ ସିରିଏଲ୍ ନମ୍ବର ୨୨ ରେ ନିଯୁକ୍ତ ଥିଲେ, ଯାହାଙ୍କର ଶିକ୍ଷକ କୋଡ୍ ୨୨୦୬୦୨୧୦୧୬୦୬, ତାଙ୍କର ଗତ ଡିସେମ୍ବରରେ ମୃତ୍ୟୁ ହୋଇଥିଲା । ପରିବାର ସଦସ୍ୟମାନେ କହିଛନ୍ତି ଯେ ରାଣୀ କୁମାରୀଙ୍କ ଅକାଳ ମୃତ୍ୟୁ ବିଷୟରେ ବିଭାଗୀୟ ଅଧିକାରୀଙ୍କୁ ସମୟ ମଧ୍ୟରେ ସୂଚନା ଦିଆଯାଇଥିଲା ।