ମର୍ଜ ହେବାକୁ ଯାଉଛି LIC: ଏହି ୪ ସରକାରୀ ବିମା କମ୍ପାନୀର ହେବ ମିଶ୍ରଣ!

ନୂଆଦିଲ୍ଲୀ: ଦେଶରେ ହେଉଥିବା ଘରୋଇକରଣ ଓ ମିଶ୍ରଣ ମଧ୍ୟରେ ସାମ୍ନାକୁ ଆସିଛି ବଡ଼ ଖବର । ଏବେ ଏଲଆଇସିରେ ଦେଶର ୪ଟି ସରକାରୀ କମ୍ପାନୀ ମିଶ୍ରଣ ହେବାକୁ ଯାଉଛି । ଏଥିରେ ନ୍ୟାସନାଲ ଇସସୁରାନ୍ସ, ନ୍ୟୁ ଇଣ୍ଡିଆ ଆସୁରାନ୍ସ, ଓରିଏଣ୍ଟାଲ ଇନସୁରାନ୍ସ ଏବଂ ୟୁନାଇଟେଡ୍ ଇଣ୍ଡିଆ ଇନସୁରାନ୍ସ କମ୍ପାନୀ ସାମିଲ ରହିଛି ।

ବ୍ୟବସାୟ ବିଶେଷଜ୍ଞମାନେ କହିଛନ୍ତି ଯେ, ବୀମା ନିୟାମକ ଏବଂ ବିକାଶ ପ୍ରାଧିକରଣ (ଆଇଆରଡିଏ) ଅଧିନିୟମ ୧୯୯୯ ଏବଂ ବୀମା ଅଧିନିୟମ ୧୯୩୮ ଅନୁଯାୟୀ ଏହାକୁ ସଂଶୋଧନ କରିବାକୁ ପ୍ରସ୍ତାବ ଦିଆଯାଇଛି ।

ପ୍ରସ୍ତାବିତ ସଂଶୋଧନଗୁଡ଼ିକରେ ଦର୍ଶାଯାଇଛି ଯେ, ଦେଶରେ ଜୀବନ ଏବଂ ଅଣ-ଜୀବନ ବୀମା ପଲିସି ବିକ୍ରି ପାଇଁ କେବଳ ଗୋଟିଏ ସ୍ୱୀକୃତିପ୍ରାପ୍ତ କମ୍ପାନୀ ରହିବା ଉଚିତ, ଯାହା ଆବଶ୍ୟକ ସର୍ବନିମ୍ନ ପୁଞ୍ଜି ନିର୍ଦ୍ଦେଶ ଦେଇ ବୀମା ନିୟାମକକୁ ଆଇନଗତ ସୀମା ଦୂର କରିବାରେ ସହଜ କରିବ । ଅନ୍ୟ ଏକ କୃଷି ବୀମା କମ୍ପାନୀ ଏହା ସହିତ ମିଶ୍ରିତ ହୋଇପାରେ ବୋଲି ମଧ୍ୟ ସୂଚନା ଦିଆଯାଇଛି ।

ଅନ୍ୟପଟେ ଏକ ବଡ ଖବର ଆସୁଛି କି, ଏଲଆଇସିରେ ଏବେ ଘରୋଇ କ୍ଷେତ୍ରର ଲୋକମାନେ ଚେୟାରମ୍ୟାନ୍ ହେବାର ସୁଯୋଗ ପାଇବେ । ସୂଚନାଯୋଗ୍ୟ ଯେ ୬୬ ବର୍ଷ ମଧ୍ୟରେ ଏହା ପ୍ରଥମ ଥର ପାଇଁ ହେବ, ଯେତେବେଳେ ଏଲଆଇସି ଏକ ଘରୋଇ ଚେୟାରମ୍ୟାନଙ୍କ ହାତରେ ରହିବ । ବର୍ତ୍ତମାନ ପର୍ଯ୍ୟନ୍ତ ନିୟମ ଅନୁଯାୟୀ, କମ୍ପାନୀର ଏମଡିଙ୍କୁ ଏହାର ଚେୟାରମ୍ୟାନ୍ କରାଯାଇଥାଏ ।

Get real time updates directly on you device, subscribe now.