ଇସ୍ତଫା ଦେଲେ ବ୍ରିଟେନ୍ ପ୍ରଧାନମନ୍ତ୍ରୀ ଲିଜ୍ ଟ୍ରସ୍: ମାତ୍ର ୪୫ ଦିନ ପରେ ଛାଡ଼ିଲେ ପଦବୀ
ନୂଆଦିଲ୍ଲୀ: ବ୍ରିଟେନ୍ ପ୍ରଧାନମନ୍ତ୍ରୀ ପଦରୁ ଆଜି ଇସ୍ତଫା ଦେଇଛନ୍ତି ଲିଜ୍ ଟ୍ରସ୍ । ଦାୟିତ୍ୱ ଗ୍ରହଣର ୪୪ ଦିନ ପରେ ଟ୍ରସ୍ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ବଜେଟକୁ ନେଇ ଜନ ଆକ୍ରୋଶର ଶିକାର ହୋଇଥିଲେ । ପ୍ରତିଶ୍ରୁତି ପାଳନରେ ଖିଲାପ ନେଇ ଅସନ୍ତୋଷ ତେଜିଥିଲା । ପ୍ରଧାନମନ୍ତ୍ରୀ ପଦ ସହିତ କଞ୍ଜରଭେଟିଭ ଦଳର ନେତା ପଦରୁ ମଧ୍ୟ ସେ ଇସ୍ତଫା ଦେଇଛନ୍ତି ।
ଇସ୍ତଫା ଦେବା ପରେ ଟ୍ରସ୍ ନିଜର ପ୍ରତିକ୍ରିୟାରେ କହିଛନ୍ତି ଯେ, ‘ବର୍ତ୍ତମାନର ପରିସ୍ଥିତିକୁ ଦେଖି ଲାଗୁଛି କି ଯେଉଁ କାମ ପାଇଁ ନିର୍ବାଚିତ ହୋଇଥିଲି, ତାହା କରିପାରିଲି ନାହିଁ । ସେଥିପାଇଁ ମୁଁ ଏବେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଉଛି । ମୁଁ ଯେବେ ପ୍ରଧାନମନ୍ତ୍ରୀ ହୋଇଥିଲି, ସେବେ ଦେଶରେ ଆର୍ଥିକ ଅବସ୍ଥା ସ୍ଥିର ନଥିଲା । ପରିସ୍ଥିତିକୁ ଦୃଷ୍ଟିରେ ରଖି ମୁଁ କନଜରଭେଟିଭ୍ ପାର୍ଟି ଦ୍ୱାରା ମନୋନୀତ ହୋଇଥିବା ଆଦେଶ ପ୍ରଦାନ କରିପାରିନାହିଁ। ତେଣୁ ମୁଁ କନଜରଭେଟିଭ୍ ଦଳର ନେତା ପଦରୁ ଇସ୍ତଫା ଦେଉଛି ବୋଲି ମହାରାଜାଙ୍କ ସହ କଥା ହୋଇଛି ।’
