ଧାନକିଣାରେ ହେରଫେର: ମହୁଲପାଲି ଲ୍ୟାମ୍ପ ଏମଡି ନିଲମ୍ବିତ

ସୁନ୍ଦରଗଡ଼, ୨୭ା୧ (ଓଡିଶା ଭାସ୍କର): ସୁନ୍ଦରଗଡ଼ ଜିଲ୍ଲା ମହୁଲପାଲି ଲ୍ୟାମ୍ପ ଏମଡି ବିକାଶ ଅମାତ ନିଲମ୍ବିତ ହୋଇଛନ୍ତି । ତେବେ ଧାନକିଣାରେ ଅନିୟମିତତା ଅଭିଯୋଗରେ ବିକାଶଙ୍କୁ ନିଲମ୍ବନ କରାଯାଇଥିବା ଜଣାପଡ଼ିଛି । ମହୁଲପାଲି ଲ୍ୟାମ୍ପ ସିଇଓ ତାଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ସୂଚନା ମିଳିଛି । ପୂର୍ବରୁ ଅନେକ ସମୟରେ ସୁନ୍ଦରଗଡ଼ ଜିଲ୍ଲାରେ ଚାଷୀଙ୍କ ଠାରୁ ଧାନ କିଣା ନେଇ ବିଭିନ୍ନ ପ୍ରକାର ଅନିୟମିତାତା କାର୍ଯ୍ୟ ଚାଲୁଥିବା ଅଭିଯୋଗ ହୋଇଆସୁଥିଲା ।