ଦୁର୍ଗାପୂଜା ଲାଗି ଲୋକଙ୍କୁ ସଚେତନ କରାଇଲେ ମମତା ବାନାର୍ଜୀ

ଓଡ଼ିଶା ଭାସ୍କର: ଆଗକୁ ଆସୁଛି ଦୂର୍ଗାପୂଜା, ଏବେଠୁ ଚଳଚଞ୍ଚଳ ହେଲାଣି କଲିକତା ସହର । ଦୁର୍ଗାପୂଜା ଲାଗି ରାଜ୍ୟରେ କିପରି ଶାନ୍ତି ଓ ସୌହାର୍ଦ୍ଦ୍ୟ ଭଙ୍ଗ ନହେବ ସେଥିପ୍ରତି ବିଶେଷ ଧ୍ୟାନ ରଖିଛନ୍ତି ଦିଦି । କୌଣସି ପ୍ରକାର ଉତ୍ତେଜନାରେ ନ ଫସିବାକୁ ଲୋକଙ୍କୁ ସତର୍କ କରାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ବଙ୍ଗଳାରେ ତୃଣମୂଳ କଂଗ୍ରେସର ଦଳୀୟ ଅଙ୍ଗ ‘ଜାଗୋ ବାଙ୍ଗଲା’ର ମହୋତ୍ସବ ସଂସ୍କରଣର ଭର୍ଚୁଆଲ ଉଦ୍ ଘାଟନୀ ଉତ୍ସବରେ ଯୋଗଦେଇ ମୁଖ୍ୟମନ୍ତ୍ରୀ କହିଛନ୍ତି ଯେ ଯେହେତୁ ଦୁର୍ଗାପୂଜା କେବଳ ଏକ ଧାର୍ମିକ ପର୍ବ ନୁହେଁ ଏବଂ ପାର୍ବଣ ଋତୁର ଆଗାମୀ ଦିନରେ ଏହି ଭାବନାକୁ ଅନୁସରଣ କରାଯିବା ଉଚିତ୍ । ଏଭଳି ବାର୍ତ୍ତା ଦେଇଛନ୍ତି ଦିଦି । ଗତ ମାସରେ ସ୍ପେନରୁ ଫେରିବା ପରେ ନିଜ ଘରେ ବିଶ୍ରାମ ନେଉଥିଲେ ମମତା । ଗତ ଜୁଲାଇ ମାସରେ ସିଲିଗୁଡ଼ିରେ ଜରୁରୀ କାଳୀନ ଅବତରଣ କରିଥିବା ହେଲିକପ୍ଟରରୁ ଓହ୍ଲାଇବା ସମୟରେ ତାଙ୍କ ଗୋଡ଼ରେ ଆଘାତ ଲାଗିଥିଲା।

ସେଥିଲାଗି ପଶ୍ଚିମବଙ୍ଗ ପାଇଁ କେନ୍ଦ୍ର ପକ୍ଷରୁ ପାଣ୍ଠି ପ୍ରଦାନ କୁ ନେଇ ଦିଲ୍ଲୀରେ ତୃଣମୂଳ କଂଗ୍ରେସ (ଟିଏମସି)ର ବିକ୍ଷୋଭରେ ମଧ୍ୟ ସେ ଯୋଗ ଦେଇନଥିଲେ।
“ଆପଣ ଜାଣନ୍ତି ହେଲିକପ୍ଟରରୁ ଖସି ପଡ଼ିବା ସମୟରେ ମୁଁ ଆହତ ହୋଇଥିଲି। ମୁଁ ସେହି ଆଘାତ ସହ ବାର୍ସିଲୋନା ଯାଇଥିଲି ଏବଂ ସେଠାରେ ପଡ଼ିଯାଇଥିଲି, ଯେଉଁକାରଣରୁ ମୁଁ ଆଘାତକୁ ବଢାଇଥିଲି । ଅକ୍ଟୋବର ୨୭ ତାରିଖରେ ମୁଁ ବ୍ୟକ୍ତିଗତ ଭାବେ ପୂଜା ମଣ୍ଡପ ପରିଦର୍ଶନ କରିବି। ଆଗାମୀ ଦୁର୍ଗାପୂଜା ପାଇଁ ସମସ୍ତଙ୍କୁ ମୋର ହାର୍ଦ୍ଦିକ ଅଭିନନ୍ଦନ ବୋଲି ମମତା ବାନାର୍ଜୀ କହିଛନ୍ତି।”