ସଲମାନ ଖାନ ଓ ଜିଶାନ ସିଦ୍ଦିକିଙ୍କୁ ଧମକ ଦେଇଥିବା ଯୁବକ ଗିରଫ

ମୁମ୍ବାଇ: ବଲିଉଡ୍ ଅଭିନେତା ସଲମାନ ଖାନ୍ ଓ ଏନସିପି ନେତା ଜିଶାନ ସିଦ୍ଦିକିଙ୍କୁ ହତ୍ୟା ଧମକ ଦେବା ଅଭିଯୋଗରେ ମୁମ୍ବାଇ ପୁଲିସ ଉତ୍ତରପ୍ରଦେଶର ନୋଏଡାରୁ ଜଣେ ୨୦ ବର୍ଷୀୟ ଯୁବକଙ୍କୁ ଗିରଫ କରିଛି। ନ୍ୟୁଜ୍ ଏଜେନ୍ସି ପିଟିଆଇ ଜଣେ ଅଧିକାରୀଙ୍କ ବୟାନ ଦେଇ ଏହି ସୂଚନା ଦେଇଛି।

ନିର୍ମଳ ନଗର ଥାନାର ଜଣେ ଅଧିକାରୀକହିଛନ୍ତି, ଜିଶାନ ସିଦ୍ଦିକିଙ୍କ ହେଲ୍ପଲାଇନ ନମ୍ବରକୁ ଫୋନ୍ କରାଯାଇଥିଲା ଏବଂ ସିଦ୍ଦିକି ଏବଂ ସଲମାନ ଖାନଙ୍କୁ ହତ୍ୟା ଧମକ ଦିଆଯାଇଥିଲା।ଅଧିକ ତଦନ୍ତ ପାଇଁ ଅଭିଯୁକ୍ତକୁ ମୁମ୍ବାଇ ଅଣାଯାଇଛି। ନିକଟରେ ଜିଶାନ ସିଦ୍ଦିକିଙ୍କ ବାପା ବାବା ସିଦ୍ଦିକିଙ୍କୁ ମୁମ୍ବାଇର ବାନ୍ଦ୍ରା ଇଷ୍ଟରେ ଗୁଳି କରି ହତ୍ୟା କରାଯାଇଥିଲା।

ପାଖାପାଖି ୪୮ ବର୍ଷ ଧରି କଂଗ୍ରେସରେ ଥିବା ବାବା ସିଦ୍ଦିକି ଚଳିତ ବର୍ଷ ଫେବୃଆରୀରେ ଏନସିପି (ଅଜିତ ପାୱାର ଗୋଷ୍ଠୀ)ରେ ଯୋଗ ଦେଇଥିଲେ।