ଗୋଟିଏ ବର୍ଷ ମଧ୍ୟରେ ୨୩ ସନ୍ତାନଙ୍କ ବାପା ହେଲେ ଯୁବକ, ଜାଣନ୍ତୁ କିପରି
ଏକଥା ଆମେ ସମସ୍ତେ ଜାଣୁ ଯେ, ଗୋଟିଏ ବର୍ଷ ମଧ୍ୟରେ ଜଣେ ବ୍ୟକ୍ତି ଗୋଟିଏ କିମ୍ବା ଯମଜ ସନ୍ତାନର ବାପା ହୋଇପାରିବ । ଯଦି ଜଣେ ଯୁବକ ଗୋଟିଏ ବର୍ଷ ମଧ୍ୟରେ ଦୁଇଟି କି ତିନୋଟି ନୁହେଁ, ୨୩ଟି ସନ୍ତାନର ବାପା ହୁଅନ୍ତି, ତେବେ ଏକଥାକୁ କେହି ବିଶ୍ୱାସ କରିବେ ନାହିଁ ।
ଏହି ଅଜବ ଘଟଣାଟି ଘଟିଛି ଅଷ୍ଟ୍ରେଲିଆରେ । ଏଲନ ଫାନ ନାମକ ଜଣେ ବ୍ୟକ୍ତି ଆରମ୍ଭରୁ ଉତ୍ସାହର ସହିତ ଶୁକ୍ରାଣୁ ଦାନ କରିଆସୁଥିଲେ । ତେବେ ପରବର୍ତ୍ତୀ ସମୟରେ ଏଲନ ଏହାକୁ ପେଶା ଭାବେ ଗ୍ରହଣ କରିନେଇଥିଲେ । ଏଲନ ସ୍ପର୍ମ ଦାନ କରି ଗୋଟିଏ ବର୍ଷରେ ୨୩ ସନ୍ତାନଙ୍କ ବାପା ହୋଇଛନ୍ତି । ଘଟଣାଟି ପ୍ରଘଟ ହେବା ପରେ ପୋଲିସ ଏହାର ସତ୍ୟତା ନେଇ ତଦନ୍ତ ଆରମ୍ଭ କରିଦେଇଛି । ଏଲନଙ୍କର ନିଜର ଦୁଇଟି ସନ୍ତାନ ରହିଛନ୍ତି । ଏଲନ ଏକ ଘରୋଇ ତଥା ପଞ୍ଜୀକୃତ ପ୍ରଜନନ କ୍ଲିନିକ୍ ମାଧ୍ୟମରେ ଶୁକ୍ରାଣୁ ଦାନ କରିଥାନ୍ତି । ଏଲନ ନିଜ ପଞ୍ଜୀକୃତ କ୍ଲିନିକ ବ୍ୟତୀତ ବାହାରେ ମଧ୍ୟ ସ୍ପର୍ମ ଦାନ କରିଥାନ୍ତି । ପୁରୁଷମାନେ ଦଶଥର ସ୍ପର୍ମ ଦାନ କରିବାର ନିୟମ ଅଷ୍ଟ୍ରେଲିଆରେ ରହିଛି । କ୍ୱାଲିଟି ସ୍ପର୍ମ ଯୋଗୁଁ ମହିଳାମାନେ ତାଙ୍କୁ ପସନ୍ଦ କରୁଥିବା ଏଲନ କହିଛନ୍ତି ।
