(Video) ସମ୍ପତି ଆଗରେ ହାର ମାନିଲା ରକ୍ତ ସମ୍ପର୍କ! ଆଖି ପିଛୁଳାକେ କାର୍ ଚକା ତଳେ ବଡ଼ ଭାଇ ପରିବାରକୁ ଦଳି, ଚକଟି ଦେଲା ସାନ ଭାଇ
ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି ପରିବାର । ସ୍ୱାମୀ, ସ୍ତ୍ରୀ ଫେରାର୍ ।
ଚଣ୍ଡିଗଡ଼: ସମ୍ପତି ପାଇଁ ସବୁ ସୀମା ଟପିଗଲା ସାନ ଭାଇ । ବଡ଼ ଭାଇ, ଭାଉଜ ଏବଂ ଝିଆରି ଉପରେ କାର୍ ଚଢ଼ାଇ ଦେଲା ସାନ ଭାଇ । ଏଭଳି ଅଭାବନୀୟ ଘଟଣା ପଞ୍ଜାବର ଗଟି ଜତନ ଗ୍ରାମ ମୋଗାର ଧରମକୋଟରେ ଘଟିଛି ।
ଘଟଣାର ଭିଡିଓ ସିସିଟିଭିରେ କଏଦ ହୋଇଥିବାବେଳେ ସୋସିଆଲ ମିଡିଆରେ ଫୁଟେଜ ଭାଇରାଲ ହେବାରେ ଲାଗିଛି । ଗୁରୱିନ୍ଦର ତାଙ୍କ ସ୍ତ୍ରୀ ଓ ଝିଅ ଘର ବାହାରେ ଛିଡ଼ା ରହିଥିବାବେଳେ ସାନ ଭାଇ ଦିଲବାଗ ସିଂ ହଠାତ୍ ଆସି ସେମାନଙ୍କ ଉପରେ କାର୍ ଚଢ଼େଇ ଦେଇଥିଲା ।
୩ ଜଣଯାକ ଗୁରୁତର ଆହତ ହୋଇଥିବାବେଳେ ସେମାନଙ୍କୁ ତୁରନ୍ତ ନିକଟସ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁରୱିନ୍ଦରଙ୍କ ଅଭିଭାବକ ତାଙ୍କ ସହ ରହୁଥିବାବେଳେ ସମ୍ପତି ପାଇଁ ଦୁଇ ଭାଇଙ୍କ ଭିତରେ କଳିଗୋଳ ଲାଗି ରହିଥିଲା ।
କିଛିଦିନ ହେବ ଦିଲବାଗ୍ ଗୁରୱିନ୍ଦରଙ୍କ ଉପରେ ଆକ୍ରମଣ କରିବା ଧମକ ଦେଇ ଆସୁଥିଲେ । ଘଟଣାକୁ ନେଇ ସ୍ଥାନୀୟ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଥିବାବେଳେ ଦିଲବାଗ ସିଂ ଓ ତାଙ୍କ ସ୍ତ୍ରୀ ଫେରାର ଥିବା ଜଣାପଡ଼ିଛି ।
In Punjab’s Moga district, a man rammed a car over his own brother due to a land dispute. pic.twitter.com/1stp7Ds57p
— Akashdeep Thind (@thind_akashdeep) July 16, 2025