(Video) ‘ମେ ନିକଲା ଗାଡ୍ଡି ଲେ କେ’… ପିଲାର Dance ଦେଖି ଦିୱାନା ହୋଇଯିବେ ଦର୍ଶକ

ଓଡ଼ିଶା ଭାସ୍କର: ୨ ଦଶନ୍ଧି ପରେ ସନ୍ନି ଦେଓଲଙ୍କ ସୁପରହିଟ ସିନେମା ‘ଗଦର’ର ସିକ୍ୱେଲ ଆଣିଥିଲେ ନିର୍ମାତା । ଅନେକ ଫିଲ୍ମକୁ ପଛରେ ପକାଇ ରେକର୍ଡ ସୃଷ୍ଟି କରିଛି ଏହି ସୁପରହିଟ ମୋଭି । ପ୍ରଥମ ପାର୍ଟ ଭଳି ଦ୍ୱିତୀୟ ପାର୍ଟରେ ମଧ୍ୟ ଦମଦାର ଇନକମ୍ କରିଛି ‘ଗଦର’ । ବିଶେଷ କରି ସିନେମାର ଗୀତ ଗୁଡ଼ିକ ଦର୍ଶକଙ୍କୁ ପୁଣିଥରେ ବାନ୍ଧି ରଖିପାରିଛି । ଉଦିତ ନାରାୟଣ ଏବଂ ପୁଅ ଆଦିତ୍ୟ ନାରାୟଣଙ୍କ ଭଏସରେ ରେକର୍ଡ ହୋଇଥିବା ‘ମେ ନିକଲା ଗାଡ୍ଡି ଲେ କେ…’ ଗୀତରେ ଖୁବ ରିଲ୍ କରୁଛନ୍ତି ଯୁବବର୍ଗ । କିନ୍ତୁ ଏ ଗୀତରେ ସବୁଠାରୁ ଅଧିକ ଲୋକଙ୍କମନ ଜିତି ନେଇଛି ଗୋଟିଏ କୁନି ଛୁଆ । ପିଲାଟର ଡ୍ୟାନ୍ସ ଭିଡିଓ ଏବେ ଖୁବ ଭାଇରାଲ ହେବାରେ ଲାଗିଛି । କ୍ୟୁଟ ଅନ୍ଦାଜରେ କୁନି କୁନି ପାଦରେ ତା’ର ଡ୍ୟାନ୍ସ ସମସ୍ତଙ୍କୁ ମନୋରଞ୍ଜନର ଖୁରାକ ଯୋଗାଇଛି ।

୨୦୦୧ ମସିହାରେ ରିଲିଜ ହୋଇଥିବା ‘ଗଦର- ଏକ ପ୍ରେମ କଥା’ର କାହାଣୀ ସାଙ୍ଗକୁ ସନ୍ନି ଦେଓଲଙ୍କ ଡାଇଲଗ୍ ଓ ଅଭିନୟ ଦର୍ଶକଙ୍କ ମନରେ ଛାପି ହୋଇ ଯାଇଥିଲା । ସେହିପରି ସିନେମାରେ ଥିବା ଗୀତଗୁଡ଼ିକ ଏବେ ବି ଲୋକଙ୍କ ମନରେ ସ୍ୱତନ୍ତ୍ର ଜାଗା ପାଇଛି । ବିଶେଷ କରି ଉଦିତ ନାରାୟଣଙ୍କ ‘ମେ ନିକଲା ଗାଡ୍ଡି ଲେ କେ…’ ସମସ୍ତଙ୍କୁ ପାଗଳ କରି ଦେଇଥିଲା । ଆଉ ଏବେ ବି ସେହି ଗୀତର ସ୍ୱତନ୍ତ୍ର ଫ୍ୟାନ୍ ବେସ୍ ରହିଛି । ତେବେ ଏହି ଗୀତକୁ ଆହୁରି କ୍ୟୁଟ କରି ଦେଇଛି ଗୋଟିଏ କୁନି ଛୁଆ । ଗୀତର ତାଳେ ତାଳେ ଝୁମି ଝୁମି ନାଚିବାରେ ଲାଗିଛି ଛୁଆଟି । ତା’ର ନାଚକୁ ଆଖି ଓ ମୁହଁର କ୍ୟୁଟ ଏକ୍ସପ୍ରେସନ ଲୋକଙ୍କ ମନକୁ ଛୁଇଁଯାଇଛି ।