ପୁଣି ଛଟେଇ କରିବାକୁ Meta କରୁଛି ଯୋଜନା: ରିପୋର୍ଟ

Advertisement

ନୂଆଦିଲ୍ଲୀ: ଅଇଟି ଶିଳ୍ପରେ ମାନ୍ଦାବସ୍ଥା କାରଣରୁ ଛଟେଇ ଜାରି ରହିଛି। ଫାଇନାନ୍ସିଆଲ୍ ଟାଇମ୍ସ ଶନିବାର ରିପୋର୍ଟ କରିଛି ଯେ ଫେସବୁକ୍ ପ୍ୟାରେଣ୍ଟ୍ କମ୍ପାନୀ ମେଟା ପ୍ଲାଟଫର୍ମସ୍ ଇନ୍ ଏକ ନୂତନ ରାଉଣ୍ଡ ଛଟେଇ ପାଇଁ ପ୍ରସ୍ତୁତ ହେଉଥିବା ବେଳେ ଅନେକ ଦଳର ବଜେଟ୍ ଚୂଡ଼ାନ୍ତ କରିବାରେ ବିଳମ୍ବ କରିଛି। ରଏଟର୍ସ ଅନୁଯାୟୀ, Meta ମେଟା ଦୁଇଜଣ କର୍ମଚାରୀଙ୍କୁ ପରିସ୍ଥିତି ସହ ମୁକାବିଲା କରୁଥିବା ଦର୍ଶାଇ ଗତ ସପ୍ତାହରେ ବଜେଟ୍ ଏବଂ ଭବିଷ୍ୟତର କର୍ମଜୀବୀ ସମ୍ପର୍କରେ ସ୍ପଷ୍ଟତା ଅଭାବ ରହିଛି ବୋଲି କହିଥିଲେ ।

ତେବ ଏହି ବିଷୟରେ ତୁରନ୍ତ କୌଣସି ପ୍ରତିକ୍ରିୟା ଦେବାକୁ ରଏଟର୍ସକୁ ମନା କରି ଦେଇଛି ମେଟା। ଏହି ମାସ ଆରମ୍ଭରେ, ମେଟା ଘୋଷଣା କରିଛି ଯେ ଏହାର ୨୦୨୩ରେ କମ୍ପାନୀ ଖର୍ଚ୍ଚ ୮୯ ବିଲିୟନରୁ ୯୫ ବିଲିୟନ ଡ଼ଲାର ମଧ୍ୟରେ ହେବ । ତେବେ ଏହି ବର୍ଷକୁ ସିଇଓ ମାର୍କ ଜୁକରବର୍ଗ ‘ବର୍ଷର ଦକ୍ଷତା’ ବୋଲି କହିଛନ୍ତି।

ଆମାଜନ ଏବଂ ମାଇକ୍ରୋସଫ୍ଟ ଭଳି ଆଇଟି କମ୍ପାନୀ ପରେ ମେଟା ମଧ୍ୟ ନଭେମ୍ବର ମାସରେ ଏହାର ୧୧ ହଜାର କର୍ମଚାରୀଙ୍କୁ ଛଟେଇ କରିଥିଲା । ଯାହା କମ୍ପାନୀର ୧୩ ପ୍ରତିଶତ କର୍ମଚାରୀ ଅଟନ୍ତି । ଆମେରିକାରେ ଦେଖା ଦେଇଥିବା ଆର୍ଥିକ ମାନ୍ଦାବସ୍ଥା କାରଣରୁ ଏହି ଛଟେଇ ହୋଇଥିଲା ।