ଲକ୍-ଡାଉନ୍ ପ୍ରଭାବ: ଘରେ ବସି ପିଲାଙ୍କ ଚୁଟି କାଟୁଛନ୍ତି ଶିକ୍ଷାମନ୍ତ୍ରୀ
କରୋନକୁ ଦୃଷ୍ଟି ରଖି ସାରା ଦେଶରେ ଲକ୍-ଡାଉନ୍ ଲାଗୁ ହୋଇଥିବା ବେଳେ ଲୋକଙ୍କ ସମେତ ନେତା-ମନ୍ତ୍ରୀମାନେ ବି ନିଜ ଘରେ ବନ୍ଦୀ ହୋଇ ରହିଛନ୍ତି । ଏହି ସମୟରେ ବିଭିନ୍ନ ନେତା ପରିବାର ସହ ସମୟ ବିତାଉଥିବା ବେଳେ କିଛି ନେତାଙ୍କ କାର୍ଯ୍ୟ ଶୁଣି ଆପଣ ବି ଆଶ୍ଚର୍ଯ୍ୟ ହୋଇଯିବେ । ରାଜ୍ୟରେ ଶିକ୍ଷାର ଗୁରୁଦାୟିତ୍ୱ ନେଇଥିବା ଉତ୍ତରପ୍ରଦେଶର ଶିକ୍ଷାମନ୍ତ୍ରୀ ଏବେ ଘରେ ବସି ନିଜ ପିଲାଙ୍କ ଚୁଟି କାଟୁଥିବାର ନଜର ଆସିଛନ୍ତି । ରାଜ୍ୟ ଶିକ୍ଷାମନ୍ତ୍ରୀ ସତୀଶ ଦ୍ୱିବେଦୀ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ତାଙ୍କ ପୁଅ ଓ ଝିଅର ଚୁଟି କାଟୁଥିବା ନଜର ଆସିଛନ୍ତି ।
ତେବେ ଭିଡିଓଟି ଭାଇରାଲ ହେବା ପରେ ଦ୍ୱିବେଦୀ କହିଛନ୍ତି ଯେ, ଲକ୍-ଡାଉନ୍ ଯୋଗୁଁ ପିଲାଙ୍କ ଚୁଟି ବହୁତ ବଡ ହୋଇଥିଲା । ଘରୁ ବାହାରିବା ସମ୍ଭବ ହେଉନଥିବାରୁ ମୁଁ ନିଜେ ସେମାନଙ୍କ ଚୁଟି କାଟିବାକୁ ନିଷ୍ପତ୍ତି ନେଇଥିଲି ।’
बचपन में पिताजी की 24 इंच की हरक्यूलिस साइकिल से कैंची चलाना सीखने के बाद जितनी खुशी मिली थी उतनी ही आज अपने सुपुत्र का बाल काटने से हुई।#LockdownEffect
StayHomeStaySafe pic.twitter.com/LFSrm0ZOGu— Dr Satish Dwivedi (@drdwivedisatish) April 17, 2020
