(Video) ‘ମୋ ବସ’ ମଧ୍ୟରେ ମାତିଛନ୍ତି ମୋବାଇଲ ଲୁଟେରା, ଗାୟବ ହେବାରେ ଲାଗିଛି ଫୋନ

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ମାତିଛନ୍ତି ମୋବାଇଲ ଲୁଟେରା । ମୋ ବସରେ ଯାଉଥିଲେ ହୋଇଯାଆନ୍ତୁ ସତର୍କ । ବସ ଭିତରେ ଆପଣଙ୍କର ବି ଯାଇପାରେ ମୋବାଇଲ୍ ଫୋନ । ରାଜଧାନୀ ଭୁବନେଶ୍ୱର ସହରର ଏକ ଫୁଟେଜ ଏବେ ସୋସିଆଲ ମିଡ଼ିଆରେ ଭାଇରଲ ହେବାରେ ଲାଗିଛି । ଫୋଟୋରେ ଜଣେ ବ୍ୟକ୍ତି ବସର ପ୍ରବେଶ ପଥରେ ଗହଳି ଭିତରେ ଦେଖିବାକୁ ମିଳୁଛି ଯିଏକି ସହରର ବିଭିନ୍ନ ମୋ ବସରେ ଯାତ୍ରା କରୁଥିବା ଏକାଧିକ ଲୋକଙ୍କ ଠାରୁ ମୋବାଇଲ ଲୁଟି ନେଇଥିବା ଅଭିଯୋଗ ହୋଇଛି ।

କ୍ରମାଗତ ଭାବେ ୫ଦିନରେ ସହିଦ ନଗର, ନୟାପଲ୍ଲୀ, ଭରତପୁର ଏବଂ ଚନ୍ଦ୍ରଶେଖରପୁର ପରି ବିଭିନ୍ନ ଥାନାରେ ମୋ ବସରୁ ୫ରୁ ଉର୍ଦ୍ଧ ମୋବାଇଲ ଲୁଟ ଅଭିଯୋଗ ହୋଇଥିଲା ବେଳେ ଆଜି ଗୋଟିଏ ଦିନରେ ମୋ ବସରୁ ଚୋରମାନେ ୨ଟି ମୋବାଇଲ ଝାମ୍ପି ନେଇଛନ୍ତି । ଦୁଇ ଅଭିଯୋଗକାରୀଙ୍କ ମଧ୍ୟରୁ ପ୍ରଭାତ ରଂଜନ ସେଠୀଙ୍କ କହିବା ଅନୁଯାୟୀ ଫାୟାର ଷ୍ଟେସନ ଛକରୁ ଜୟଦେବ ବିହାର ଆସିବା ପାଇଁ ବସରେ ହଠାତ କେହି ମୋବାଇଲ ଝାମ୍ପି ନେଇଥିଲେ ଯାହାକି ଗହଳିରେ ଜଣା ପଡିନଥିଲା । ଦେଖନ୍ତୁ ଭିଡିଓ…