୩୦ ଦିନ ମଧ୍ୟରେ ଦ୍ୱିଗୁଣିତ ହୋଇଯିବ ଆପଣଙ୍କ ଟଙ୍କା, ଆଦାନୀ ଗୃପର ଏହି ଷ୍ଟକ୍ ରେ କରନ୍ତୁ ନିବେଶ

ମୁମ୍ବାଇ: ଆଦାନୀ ଗ୍ରୁପ୍ କମ୍ପାନୀଗୁଡିକର ସେୟାର କ୍ରମାଗତ ଭାବରେ ବୃଦ୍ଧି ପାଉଛି । ଗ୍ରୁପର ଷ୍ଟକ୍ ମାର୍କେଟରେ ତାଲିକାଭୁକ୍ତ ୭ ଟି କମ୍ପାନୀ ମଧ୍ୟରୁ ଗୋଟିଏର ରିଟର୍ନ ଏତେ ଭଲ ହୋଇଛି ଯେ ଏହା ଏକ ମାସ ମଧ୍ୟରେ ନିବେଶକଙ୍କ ଟଙ୍କାକୁ ଦ୍ୱିଗୁଣିତ କରିଛି । ଅଦାନୀଙ୍କ ତାପଜ ବିଦ୍ୟୁତ୍ କମ୍ପାନୀ ଆଦାନୀ ପାୱାର୍ ବିଷୟରେ କହୁଛୁ । ଗତ ଏକ ମାସ ମଧ୍ୟରେ ଏହାର ସେୟାର ମୂଲ୍ୟ ୧୦୦% କୁ ବୃଦ୍ଧି ପାଇଛି । ବୁଧବାର ଦିନ ମଧ୍ୟ କ୍ରମାଗତ ପଞ୍ଚମ ଦିନ ପାଇଁ ଉପର ସର୍କିଟ୍ ଏହାର ଷ୍ଟକ୍ ଉପରେ ପଡିଥିଲା ଏବଂ ଏହା ଦିନକୁ ୫% ବୃଦ୍ଧି ସହିତ ବିଏଏସଇ ରେ ୩୦୦ ଟଙ୍କା ମୂଲ୍ୟରେ ବନ୍ଦ ହୋଇଯାଇଥିଲା । ଯଦି ଆପଣ ଏହି ଷ୍ଟକ୍ ଉପରେ ଏକ ମାସର ରିଟର୍ନକୁ ଦେଖନ୍ତି, ତେବେ ଏହାର ଅଂଶଧନ ମୂଲ୍ୟ ଏହି ସମୟ ମଧ୍ୟରେ ୧୫୨ ରୁ ୩୦୦ ଟଙ୍କା ପର୍ଯ୍ୟନ୍ତ ପହଞ୍ଚିଛି ।

ଏହିପରି, ଏକ ମାସ ମଧ୍ୟରେ ଏହାର ରିଟର୍ନ ୧୦୦% ହୋଇଛି । ଯେତେବେଳେ କି ଏହି ଷ୍ଟକ୍ ର ରିଟର୍ନ ପୁରା ବର୍ଷରେ ୨୦୦% ଏବଂ ୫ ବର୍ଷରେ ୮୦୦% ହୋଇଛି । ସୋମବାର ଦିନ ଆଦାନୀ ପାୱାରର ଏମକେପ୍ ୧ ଲକ୍ଷ କୋଟିରେ ପହଁଞ୍ଚିଛି । ଆଦାନି ପାୱାର ୭ ତାଲିକାଭୁକ୍ତ କମ୍ପାନୀ ମଧ୍ୟରୁ ଷଷ୍ଠ କମ୍ପାନୀ ହୋଇପାରିଛି ଯେଉଁଥିରେ ବଜାର ପୁଞ୍ଜି ୧ ଲକ୍ଷ କୋଟି ଟଙ୍କା ରହିଛି। କମ୍ପାନୀର ସେୟାର ମୂଲ୍ୟରେ ବୃଦ୍ଧି ହେବାର ଏକ ମୁଖ୍ୟ କାରଣ ହେଉଛି ଦେଶରେ ବିଦ୍ୟୁତର ଚାହିଦା କ୍ରମାଗତ ବୃଦ୍ଧି ଏବଂ ଏହା କମ୍ପାନୀର ଭବିଷ୍ୟତ ବିଷୟରେ ନିବେଶକଙ୍କ ମଧ୍ୟରେ ଏକ ସକରାତ୍ମକ ଧାରା ସୃଷ୍ଟି କରିଛି ।

ଆଦାନୀ ପାୱାର ଶୀଘ୍ର ଏମଏସିଆଇ ଇଣ୍ଡିଆ ଇଣ୍ଡେକ୍ସରେ ଅନ୍ତର୍ଭୁକ୍ତ ହୋଇପାରେ । ମେ ୧୩ ରେ ଏ ବିଷୟରେ ଏକ ଘୋଷଣା କରାଯାଇପାରେ । ଏଥି ସହିତ, ମାର୍ଚ୍ଚ ୨୦୨୨ ରେ, ଆଦାନୀ ପାୱାର ଏହାର ୬ ଟି ମାଲିକାନା ସହାୟକ କମ୍ପାନୀକୁ ମିଶ୍ରଣ କରିବ ବୋଲି ଘୋଷଣା କରିଥିଲା । ଏହା ବ୍ୟତୀତ ଆଗାମୀ ଦିନରେ କମ୍ପାନୀର ସେୟାର ମୂଲ୍ୟ ବୃଦ୍ଧି ପାଇବ ବୋଲି ଆଶା କରାଯାଉଛି। ତଥାପି, ଯେକୌଣସି ଷ୍ଟକ୍ ରେ ବିନିଯୋଗ କରିବା ପୂର୍ବରୁ, ଆପଣ ବିଶେଷଜ୍ଞଙ୍କ ସହିତ ପରାମର୍ଶ କରିବା ଉଚିତ୍ ।

ଏଥି ସହିତ, ୨୦୨୧-୨୨ ର ଅକ୍ଟୋବର-ଡିସେମ୍ବର ଅବଧିରେ କମ୍ପାନୀର ମୋଟ ଲାଭ ୨୧୮.୪୯ କୋଟି ଥିବାବେଳେ ୨୦୨୦-୨୧ ମସିହାରୁ ଏହି କମ୍ପାନୀରେ ୨୮୮.୭୪ କୋଟି ଟଙ୍କା କ୍ଷତି ଘଟିଛି।