ବଲିଉଡର ଏହି ଅଭିନେତ୍ରୀଙ୍କ ସହ ‘ଫିଜିକାଲ’ ହୋଇଥିଲେ ନୱାଜୁଦ୍ଦିନ: ନିଜ ପୁସ୍ତକରେ କରିଛନ୍ତି ବଡ଼ ଖୁଲାସା
ମୁମ୍ବାଇ: ଫିଲ୍ମ ‘ମିସ୍ ଲଭଲି’ ରୁ କ୍ୟାରିୟର ଆରମ୍ଭ କରିଥିବା ଅଭିନେତ୍ରୀ ନିହାରିକା ସିଂ ଆଜି ତାଙ୍କ ଜନ୍ମଦିନ ପାଳନ କରୁଛନ୍ତି । ୧୯୮୨ ରେ ଜନ୍ମ ହୋଇଥିବା ନିହାରିକାଙ୍କ ପିଲାଦିନ ଅନେକ ହିଲ୍ ଷ୍ଟେସନରେ ବିତାଇଛନ୍ତି । ନିହାରିକାଙ୍କ ପିତା ଉତ୍ତରପ୍ରଦେଶ ଟ୍ୟୁରିଜିମରେ କାମ କରୁଥିଲେ । ନିହାରିକା ୧୭ ବର୍ଷ ବୟସରେ ମଡେଲିଂ ଆରମ୍ଭ କରିଥିଲେ । ସେ ବାଣିଜ୍ୟ ଅଧ୍ୟୟନ କରିବାକୁ ଆଗ୍ରହୀ ନଥିଲେ, ତେଣୁ ସେ କଲେଜ ମଝିରେ ମୁମ୍ବାଇ ଆସିଥିଲେ ।
ନିହାରିକା ୨୦୦୫ ମସିହାରେ ଫେମିନା ମିସ୍ ଇଣ୍ଡିଆରେ ଭାଗ ନେଇଥିଲେ ଏବଂ ମିସ୍ ଇଣ୍ଡିଆ ଅର୍ଥର ଟାଇଟଲ୍ ଜିତିଥିଲେ । ଏହା ବ୍ୟତୀତ ସେ ମିସ୍ ଫୋଟୋଜେନିକ୍ ଏବଂ ମିସ୍ ସୁନ୍ଦର ହେୟାର ଟାଇଟଲ୍ ମଧ୍ୟ ପାଇଥିଲେ । ଏହା ପରେ ନିହାରିକା ଅନେକ ଟେଲିଭିଜନ ବିଜ୍ଞାପନ ଏବଂ ମ୍ୟୁଜିକ୍ ଭିଡିଓରେ କାମ କରିଥିଲେ । ନିହାରିକା ଟେଲିଭିଜନ ରିଆଲିଟି ସୋ ‘ବନୁଙ୍ଗି ମେନ୍ ମିସ୍ ଇଣ୍ଡିଆ’ ମଧ୍ୟ ଆୟୋଜନ କରିଥିଲେ । ନିହାରିକା ତାଙ୍କ ପ୍ରଥମ ଦିନରେ ଏକାଠି ୧୦ ଟି ଫିଲ୍ମ ସାଇନ୍ କରିଥିଲେ, ଯାହାର ଶୁଟିଂ ଆଜି ପର୍ଯ୍ୟନ୍ତ ଆରମ୍ଭ ହୋଇନାହିଁ । ‘ମିସ୍ ଲଭଲି’ ବ୍ୟତୀତ ନିହାରିକା ‘ମୁଡ଼ ମୁଡ଼ କେ ନା ଦେଖ ମୁଡ଼ ମୁଡ଼ କେ’ ଏବଂ ‘ପ୍ରାଇଭେଟ ନମ୍ବର’ ରେ କାମ କରିଛନ୍ତି ।
ତେବେ ଅଭିନେତା ନୱାଜ ତାଙ୍କ ପୁସ୍ତକରେ ନିହାରିକା ଏବଂ ସେମାନଙ୍କ ସମ୍ପର୍କ ବିଷୟରେ ଅନେକ ଖୁଲାସା କରିଛନ୍ତି । ସେ କହିଛନ୍ତି ଯେ, ‘ନିହାରିକା ମୋତେ ତାଙ୍କ ଘରେ ମଟନ୍ ଖାଇବାକୁ ନିମନ୍ତ୍ରଣ କରିଥିଲେ । ମୁଁ ନିହାରିକାଙ୍କ ଘରେ ପହଞ୍ଚିଲି । ସେ କବାଟ ଖୋଲିବା ମାତ୍ରେ ଘରର ଲୁକ୍ ଦେଖି ଆଶ୍ଚର୍ଯ୍ୟ ହୋକ୍ଲି । ମୋ ପାଖରେ ପ୍ରଶଂସା କରିବାର ଶବ୍ଦ ନଥିଲା । ଘରକୁୁ ମହମବତୀରେ ସଜାଯାଇଥିଲା ।
ଏହା ସହ ନୱାଜ ପୁଣି କହିଛନ୍ତି ଯେ, ‘ନିହାରିକା ଛୋଟ ଫକ୍ସ ପୋଷାକ ପିନ୍ଧିଥିଲେ, ଯେଉଁଥିରେ ସେ ସୁନ୍ଦର ଦେଖାଯାଉଥିଲେ । ମହମବତୀର ଆଲୋକ ତାଙ୍କ ସୌନ୍ଦର୍ଯ୍ୟ ସାମ୍ନାରେ ଫିକା ହେବାକୁ ଲାଗିଲା । ଏପରି ସ୍ଥିତିରେ ମୁଁ ଜଣେ ଗାଁର ରସିକା ଟୋକା । ମୁଁ ତାଙ୍କୁ କୋଳରେ ନେଇ ସିଧା ବେଡରୁମକୁ ନେଇଗଲି । ଆମେ ସେଠାରେ ଆମେ ସମ୍ପୂର୍ଣ୍ଣ ପ୍ରେମରେ ବୁଡ଼ିଯାଇଥିଲୁ । ଏହିପରି ନିହାରିକାଙ୍କ ସହ ମୋର ସମ୍ପର୍କ ଆରମ୍ଭ ହୋଇଥିଲା । ଏହି ସମ୍ପର୍କ ଏପରି ଥିଲା, ଯାହା ଦେଢ଼ ବର୍ଷ ଭିତରେ ଭାଙ୍ଗିଯିବ ବୋଲି ମୋତେ ଜଣାଥିଲା ।’
ଅନ୍ୟପଟେ ନିହାରିକା ଏ ବିଷୟରେ ନୱାଜଙ୍କ ଉପରେ ରାଗିଛନ୍ତି ଏବଂ କହିଛନ୍ତି ଯେ, ସେ ନିଜ ପୁସ୍ତକ ବିକ୍ରି ପାଇଁ ଜଣେ ମହିଳାଙ୍କୁ ଶୋଷଣ କରୁଛନ୍ତି । ନୱାଜ ଏବଂ ନିହାରିକା ପ୍ରଥମେ ‘ମିସ୍ ଲଭଲି’ର ସେଟରେ ଭେଟ ହୋଇଥିଲେ । ନୱାଜ କହିଛନ୍ତି ଯେ, ସେ ଶାରୀରିକ ଆବଶ୍ୟକତା ପୂରଣ କରିବା ପାଇଁ ନିହାରିକାଙ୍କର ବ୍ୟବହାର କରିଥିଲେ ।
