ଟ୍ୱିଟରରେ ଆସିବ ନୂଆ ଫିଚର ; ବିନା ନମ୍ବରରେ କଲ କରି ଦୁନିଆର ଯେକୌଣସି ଲୋକ ସହ କଥା ହୋଇପାରିବେ
ନୂଆଦିଲ୍ଲୀ: ଟ୍ୱିଟର ଆପ୍ ବ୍ୟବହାରକାରୀଙ୍କ ପାଇଁ ଏକ ଖୁସି ଖବର । ବର୍ତ୍ତମାନ ସେମାନେ ଶୀଘ୍ର ଏହି ଆପରେ ଏକ ନୂତନ ବୈଶିଷ୍ଟ୍ୟ ବ୍ୟବହାର କରିବାର ସୁଯୋଗ ପାଇବେ । ମାଇକ୍ରୋ ବ୍ଲଗିଂ ପ୍ଲାଟଫର୍ମ ଟ୍ୱିଟରର ସିଇଓ ଏଲୋନ୍ ମସ୍କ ନିଜେ ଏହି ବିଷୟରେ ଟ୍ୱିଟ୍ କରିଛନ୍ତି। ଟୁଇଟ୍ କରି ପ୍ଲାଟଫର୍ମରେ ନୂତନ କଲ୍ ବ୍ୟବସ୍ଥା ଏବଂ ଏନକ୍ରିପ୍ଟ ମେସେଜିଂ ବିଷୟରେ ସୂଚନା ଦେଇଛନ୍ତି ଏଲୋନ୍ ମସ୍କ ।
ଟୁଇଟ୍ ମାଧ୍ୟମରେ ଏଲୋନ୍ ମସ୍କ କହିଛନ୍ତି ଯେ ଆପର ନୂତନ ସଂସ୍କରଣରେ ଉପଭୋକ୍ତାମାନେ ଯେକୌଣସି ମେସେଜର ଶୀଘ୍ର ଉତ୍ତର ଦେବାକୁ ସମର୍ଥ ହେବେ। କେବଳ ଏତିକି ନୁହେଁ, ଉତ୍ତର ପାଇଁ ଇମୋଜି ମଧ୍ୟ ବ୍ୟବହାର କରିବାକୁ ମଧ୍ୟ ସକ୍ଷମ ହେବେ ।
ଏଲୋନ୍ ମସ୍କ ଆହୁରି ଲେଖିଛନ୍ତି ଯେ ବହୁତ ଶୀଘ୍ର ଟ୍ୱିଟର ହ୍ୟାଣ୍ଡେଲରେ ଭଏସ୍ ଏବଂ ଭିଡିଓ ଚାଟ୍ ର ସୁବିଧା ମିଳିବ । ୟୁଜର୍ସ ବିନା ଫୋନ୍ ନମ୍ବରରେ ଦୁନିଆର ଯେକୌଣସି ସ୍ଥାନରେ ଲୋକଙ୍କ ସହ କଥାବାର୍ତ୍ତା ହୋଇପାରିବେ । ମସ୍କ ତାଙ୍କ ଟ୍ୱିଟରେ କହିଛନ୍ତି ଯେ ଏନକ୍ରିପ୍ଟ ହୋଇଥିବା ମେସେଜ ମଧ୍ୟ ଟ୍ୱିଟରରେ ଉପଲବ୍ଧ ହେବ। ତେବେ କଲ୍ ଏନକ୍ରିପ୍ଟ ହେବ କି ନାହିଁ ସେ ବିଷୟରେ କୌଣସି ସୂଚନା ଦେଇନାହାନ୍ତି ।
With latest version of app, you can DM reply to any message in the thread (not just most recent) and use any emoji reaction.
Release of encrypted DMs V1.0 should happen tomorrow. This will grow in sophistication rapidly. The acid test is that I could not see your DMs even if…
— Elon Musk (@elonmusk) May 9, 2023
