ନୂଆ ଦଳ, ପୁରୁଣା ପଦବୀ… IPL-2025ରେ ଶ୍ରେୟସଙ୍କୁ ମିଳିଲା ବଡ଼ ଦାୟିତ୍ୱ, PBKSର ବଡ଼ ଘୋଷଣା
ଶ୍ରେୟସଙ୍କୁ ଅଧିନାୟକ ପଦରେ ନିୟୋଜିତ କଲା ପଞ୍ଜାବ କିଙ୍ଗସ: ରିକି ପଣ୍ଟିଂ ମୁଖ୍ୟ କୋଚ୍
ନୂଆଦିଲ୍ଲୀ: ଆଇପିଏଲ-୨୦୨୫ ପାଇଁ ତାରିଖ ଘୋଷଣା ହୋଇଯାଇଛି । ଏହାସହିତ ପଞ୍ଜାବ କିଙ୍ଗସ ମଧ୍ୟ ଦଳର ନୂଆ ଅଧିନାୟକଙ୍କ ନାମ ଘୋଷଣା କରିଛି ।
ଶ୍ରେୟସ ଆୟର ଅଧିନାୟକ: କୋଲକାତା ନାଇଟ ରାଇଡର୍ସର ପୂର୍ବତନ ଚମ୍ପିଆନ୍ ଅଧିନାୟକ ତଥା ଟିମ ଇଣ୍ଡିଆର ଷ୍ଟାର କ୍ରିକେଟର ଶ୍ରେୟସ ଆୟରଙ୍କୁ ଅଧିନାୟକ ପଦରେ ନିୟୋଜିତ କରିଛି ପଞ୍ଜାବ କିଙ୍ଗସ । ଆଇପିଏଲ ମେଗା ଅକ୍ସନରେ ଦଳରେ ସାମିଲ ହୋଇଥିବା ଶ୍ରେୟସଙ୍କୁ ମିଳିଛି ଅଧିନାୟକ ପଦ ।
𝐒𝐡𝐞𝐫 𝐧𝐚𝐡𝐢, 𝐛𝐚𝐛𝐛𝐚𝐫 𝐒𝐇𝐑𝐄 𝐚𝐚! 🦁🔥#SherSquad, how excited are you to see Shreyas Iyer as our captain? ©️#ShreyasIyer #SaddaPunjab #PunjabKings pic.twitter.com/Y7u266jCOU
— Punjab Kings (@PunjabKingsIPL) January 12, 2025
କ’ଣ କହିଲେ ଶ୍ରେୟସ: ଅଧିନାୟକ ଦାୟିତ୍ୱ ପାଇବା ପରେ ଶ୍ରେୟସ ନିଜର ଖୁସି ବ୍ୟକ୍ତ କରିଛନ୍ତି । ସେ କହିଛନ୍ତି ଯେ, ଦଳ ମୋ ଉପରେ ଭରସା କରିଥିବାରୁ ମୁଁ ନିଜକୁ ସମ୍ମାନିତ ମନେ କରୁଛି ।
କୋଚ୍ ପଣ୍ଟିଂଙ୍କ ସହ କାମ କରିବା ପାଇଁ ମୁଁ ଖୁବ ଉତ୍ସାହିତ ରହିଛି । ଟିମ ମଜବୁତ ମନେ ହେଉଛି । ଆଶା ଅଛି ଯେ, ଟିମ ମ୍ୟାନେଜମେଣ୍ଟର ଏହି ଭରସା ଏବଂ ବିଶ୍ୱାସ ସହ ଆମେ ଚମ୍ପିଆନ୍ ହେବାକୁ ଚେଷ୍ଟା କରିବୁ ।
𝐒𝐡𝐫𝐞𝐲𝐚𝐬 𝐈𝐲𝐞𝐫 ➡️ 𝐓𝐡𝐞 𝐜𝐡𝐨𝐬𝐞𝐧 𝐨𝐧𝐞! ©️♥️#CaptainShreyas #SaddaPunjab #PunjabKings pic.twitter.com/EFxxWYc44b
— Punjab Kings (@PunjabKingsIPL) January 12, 2025
୨୦୨୪ରେ ଚମ୍ପିଆନ୍ ହେବା ପରେ କୋଲକାତା ନାଇଟ ରାଇଡର୍ସ ତାଙ୍କୁ ଆଗାମୀ ସିଜନ ପୂର୍ବରୁ ଦଳରୁ ବାଦ୍ ଦେଇଛି । ଏହାପରେ ମେଗା ନିଲାମୀରେ ପଞ୍ଜାବ ଶ୍ରେୟସଙ୍କୁ ୨୬.୭୫ କୋଟି ଟଙ୍କାରେ ଦଳରେ ସାମିଲ କରିଥିଲା । ବର୍ତ୍ତମାନ ତାଙ୍କୁ ଦଳର ଅଧିନାୟକ ଦାୟିତ୍ୱ ପ୍ରଦାନ କରିଛି ପଞ୍ଜାବ କିଙ୍ଗସ ।
Sadde CEO with the Man of the Moment! 🤩#CaptainShreyas #SaddaPunjab #PunjabKings pic.twitter.com/XaGdkH09DY
— Punjab Kings (@PunjabKingsIPL) January 12, 2025
୨୦୨୪ରେ ଦମଦାର ପ୍ରଦର୍ଶନ: ୨୦୨୪ ଶ୍ରେୟସଙ୍କ ପାଇଁ ବେଶ୍ ସ୍ମରଣୀୟ ରହିଛି । ଏହିବର୍ଷ କୋଲକାତା ନାଇଟ ରାଇଡର୍ସକୁ ଅଧିନାୟକ ଭାବରେ ଆଇପିଏଲ ଚମ୍ପିଆନ୍ କରିଥିଲେ ।
ଏହାସହିତ ସୟଦ ମୁସ୍ତାକ ଅଲୀ ଟ୍ରଫିରେ ମୁମ୍ବାଇକୁ ମଧ୍ୟ ଚମ୍ପିଆନ୍ କରାଇଛନ୍ତି । ସେହିପରି ଇରାନ ଟ୍ରଫି ଚମ୍ପିଆନ୍ ମୁମ୍ବାଇ ଦଳରେ ମଧ୍ୟ ସେ ସାମିଲ ରହିଥିଲେ । ଆୟର ପଞ୍ଜାବର ଅଧିନାୟକ ହୋଇଥିବା ବେଳେ ଦଳର ମୁଖ୍ୟ କୋଚ୍ ଭଳମିକା ନେଇଛନ୍ତି ରିକି ପଣ୍ଟିଂ ।