Newspaper ରେଜିଷ୍ଟ୍ରେସନ ହେବ ଆହୁରି ସହଜ: ଖବରକାଗଜ-ପତ୍ରିକାର ପଞ୍ଜୀକରଣ ପାଇଁ ନୂଆ ନିୟମ

ନୂଆଦିଲ୍ଲୀ: ଦେଶରେ ଏବେ ସମାଚାର ପତ୍ର ଏବଂ ପତ୍ରିକାଗୁଡ଼ିକର ରେଜିଷ୍ଟ୍ରେସନ କରିବା ଖୁବ ସହଜ ହୋଇଯାଇଛି । କାରଣ ୧୮୬୭ର ଔପନିବେଶିକ ଯୁଗର ପ୍ରେସ ଏବଂ ପୁସ୍ତକ ପଞ୍ଜୀକରଣ ଅଧିନିୟମ ସ୍ଥାନରେ ନୂଆ ନିୟମ ଲାଗୁ ହୋଇଛି । ଚଳିତ ମାର୍ଚ୍ଚ ୧ ତାରିଖରୁ ଏହି ନିୟମ ଲାଗୁ ହୋଇଯାଇଛି । ସରକାର ଐତିହାସିକ ପ୍ରେସ ଏବଂ ପତ୍ରିକାଗୁଡ଼ିକର ପଞ୍ଜୀକରଣ ଅଧିନିୟମ ୨୦୨୩ ଏବଂ ଏହାର ନିୟମକୁ ନିଜ ରାଜପତ୍ରରେ ସୂଚିତ କରିଛନ୍ତି ।

ଏଣିକି ପତ୍ରିକାର ରେଜିଷ୍ଟ୍ରେସନ ପ୍ରେସ ଏବଂ ପଞ୍ଜୀକରଣ(ପିଆରପି) ଅଧିନିୟମ, ୨୦୨୩ ତଥା ପ୍ରେସ ଏବଂ ପତ୍ରିକାର ପଞ୍ଜୀକରଣ ନିୟମ ଅନୁସାରେ ହେବ । ଏହି ସୂଚନା ଅନୁସାରେ, ଭାରତର ପ୍ରେସ ରେଜିଷ୍ଟ୍ରାର ଜେନେରାଲଙ୍କ କାର୍ଯ୍ୟାଳୟ-ପିଆରଜିଆଇ ଏହି ଅଧିନିୟମକୁ ପୂରଣ କରିବ । ଏହି କାର୍ଯ୍ୟାଳୟକୁ ପୂର୍ବରୁ ରେଜିଷ୍ଟ୍ରାର ଅଫ ନ୍ୟୁଜପେପର୍ସ ଫର୍ ଇଣ୍ଡିଆ ଭାବରେ ମଧ୍ୟ ଜଣାଯାଉଥିଲା । ଦେଶରେ ଖବରକାଗଜ ଏବଂ ଅନ୍ୟାନ୍ୟ ପତ୍ରିକାର ପଞ୍ଜୀକରଣକୁ ସୁଗମ କରିବା ପାଇଁ ଏହି ନୂତନ ନିୟମ ଏକ ଅନଲାଇନ୍ ବ୍ୟବସ୍ଥା ଯୋଗାଇବ । ନୂତନ ସିଷ୍ଟମ୍ ବିଦ୍ୟମାନ ମାନୁଆଲ୍ ଏବଂ କଷ୍ଟଦାୟକ ପ୍ରକ୍ରିୟାଗୁଡ଼ିକୁ ବଦଳାଇବ ।