ମେଡିସିନ୍ ପାଇଁ ନୋବେଲ ପୁରସ୍କାର ଘୋଷଣା
ନୂଆଦିଲ୍ଲୀ: ୨୦୨୩ ବର୍ଷ ପାଇଁ ନୋବେଲ ପୁରସ୍କାର ଘୋଷଣା କରାଯାଇଛି । ମେଡିସିନ ପାଇଁ କ୍ୟାଟଲିନ କାରିକୋ ଓ ଡ୍ରିଉ ୱିସମ୍ୟାନଙ୍କୁ ୨୦୨୩ ବର୍ଷ ପାଇଁ ନୋବେଲ ପୁରସ୍କାର ମିଳିବ । କୋଭିଡ ଭ୍ୟାକି୍ସନ କ୍ଷେତ୍ରରେ ଗବେଷଣା ପାଇଁ ଏହି ଦୁଇ ବୈଜ୍ଞାନିକଙ୍କୁ ନୋବେଲ ପୁରସ୍କାର ପ୍ରଦାନ କରାଯିବ । ଉଭୟ ବୈଜ୍ଞାନିକ କୋଭିଡ-୧୯ ମହାମାରୀକୁ ରୋକିବା ପାଇଁ ଏମଆରଏନଏ ଭ୍ୟାକ୍ସିନ ବିକଶିତ କରିଥିଲେ । ୨୦୨୦ରେ ବ୍ୟାପିଥିବା କୋଭିଡ-୧୯ ମହାମାରୀକୁ ରୋକିବା ପାଇଁ ଏହି ଦୁଇ ବୈଜ୍ଞାନିକ ଉଚ୍ଚକ୍ଷମତାସମ୍ପନ୍ନ ଭ୍ୟାକ୍ସିନ ପ୍ରସ୍ତୁତ କରିଥିଲେ ।
ଏହି ଭ୍ୟାକ୍ସିନ ଜରିଆରେ କ୍ୟାଟଲିନ ଓ ଡ୍ରିଉ ସାରା ବିଶ୍ୱବାସୀଙ୍କ ଭାବନାକୁ ବଦଳାଇବାରେ ସକ୍ଷମ ହୋଇଥିଲେ । ଏହାଫଳରେ ବିଶ୍ୱର କୋଣ ଅନୁକୋଣର ବୈଜ୍ଞାନିକମାନେ ଶରୀରରେ ସୃଷ୍ଟି ହେବାକୁ ଥିବା ଇମ୍ୟୁନ ସିଷ୍ଟମର ଆକ୍ସନ ଓ ରିଆକ୍ସନକୁ ଅଧିକ ସଠିକ୍ ଭାବେ ବୁଝିପାରିଥିଲେ । ଯେତେବେଳେ ସାରା ବିଶ୍ୱରେ କରୋନା ଭୟଙ୍କର ଭାବେ ପ୍ରଭାବ ବିସ୍ତାର କରିଥିଲା ସେ ସମୟରେ ବିମାରୀର କୌଣସି ଚିକିତ୍ସା ନଥିବାରୁ ଲୋକମାନେ ଅତ୍ୟନ୍ତ ଚିନ୍ତିତ ଅବସ୍ଥାରେ ରହିଥିଲେ ଓ ବୈଜ୍ଞାନିକମାନେ ମେଡିସିନର ସନ୍ଧାନ କରୁଥିଲେ ।
ପ୍ରତି ଦେଶରେ କରୋନାର ସଂକ୍ରମଣ ବଢ଼ି ଚାଲିଥିବା ବେଳେ ଏପରି ସ୍ଥିତିରେ ମହାମାରୀକୁ ରୋକିବା ପାଇଁ ଭ୍ୟାକ୍ସିନ ବିକଶିତ କରିବା ନେଇ ବୈଜ୍ଞାନିକଙ୍କ ଉପରେ ବହୁତ ଚାପ ରହିଥିଲା । କ୍ୟାଟଲିନ ୧୯୫୫ ମସିହାରେ ହଙ୍ଗେରୀର ଜୋଲନୋକରେ ଜନ୍ମଗ୍ରହଣ କରିଥିବା ବେଳେ ସେ ୧୯୮୨ରେ ଜେଗେଡ ୟୁନିଭରସିଟିରେ ପିଏଚଡି କରିଥିଲେ । ସେହିପରି ଡ୍ରିଉ ୧୯୫୯ରେ ମାସାଚୁଚେଟସରେ ଜନ୍ମଗ୍ରହଣ କରିଥିବା ବେଳେ ସେ ୧୯୮୭ରେ ବୋଷ୍ଟନ ୟୁନିଭରସିଟିରେ ପିଏଚଡି କରିଥିଲେ ।
BREAKING NEWS
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj— The Nobel Prize (@NobelPrize) October 2, 2023
