OAV ପ୍ରବେଶିକା ପରୀକ୍ଷାର ଆବେଦନ ତାରିଖ ବଢ଼ିଲା

ଭୁବନେଶ୍ୱର(ଓଡ଼ିଶା ଭାସ୍କର): ଓଡ଼ିଶା ଆଦର୍ଶ ବିଦ୍ୟାଳୟ (ଓଏଭି)ରେ ଆଡମିସନ କରିବା ପାଇଁ ପ୍ରବେଶିକା ପରୀକ୍ଷାର ଆବେଦନ ତାରିଖ ବୃଦ୍ଧି କରାଯାଇଛି । ଛାତ୍ରଛାତ୍ରୀ ଓ ଅଭିଭାବକଙ୍କ ଉତ୍ସାହ ଦେଖି ଏହି ନିଷ୍ପତ୍ତି ନିଆଯାଇଛି । ଆବେଦନ ଅବଧିକୁ ନଭେମ୍ବର ୨୭ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି । ଓଡ଼ିଶା ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (ଓଏଭିଇଟି) ଓ ଓଡ଼ିଶା ମାଇନିଂ ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (ଓଏମଏଇଟି) ୨୦୨୫-୨୬ ପାଇଁ ଏହା ଲାଗୁ ହୋଇଥିବା କୁହାଯାଇଛି ।

ସୂଚନାଯୋଗ୍ୟ ଯେ, ଓଏଭିଇଟି ଓ ଓଏମଇଟି ଗତ ଅକ୍ଟୋବର ୨୫ ତାରିଖରୁ ଆବେଦନ ପ୍ରକ୍ରିୟା ଆରମ୍ଭ ହୋଇଥିବା ବେଳେ ତାହା ଆଜି ସମାପ୍ତ ହେବ । ମାତ୍ର ଏହା ମଧ୍ୟରେ ଆବେଦନ ଅବଧିକୁ ବୃଦ୍ଧି କରାଯାଇଛି । ତେଣୁ ଛାତ୍ରଛାତ୍ରୀମାନେ ଆସନ୍ତା ୨୭ ତାରିଖ ସୁଦ୍ଧା ଓଏଭି ପ୍ରବେଶିକା ପରୀକ୍ଷା ପାଇଁ ଆବେଦନ କରିପାରିବେ । ଷଷ୍ଠ ଶ୍ରେଣୀରେ ଆଡମିସନ ପାଇଁ ଏହି ପ୍ରବେଶିକା ପରୀକ୍ଷା ହେଉଥିବା ବେଳେ ସପ୍ତମରୁ ନବମ ଶ୍ରେଣୀ ପର୍ଯ୍ୟନ୍ତ ଲାଟେରାଲ ଏଣ୍ଟ୍ରି ପାଇଁ ମଧ୍ୟ ଏହି ପରୀକ୍ଷା ହେବ । ଆସନ୍ତା ଜାନୁଆରୀରେ ଆଡମିଟ୍ କାର୍ଡ ଜାରି କରାଯାଇ ସେହି ମାସରେ ପରୀକ୍ଷାରେ କରିବା ନେଇ ଓଏଭି ପକ୍ଷରୁ ଯୋଜନା ରହିଛି ।