ତାମିଲନାଡୁରୁ ଫେରିବେ ଓଡ଼ିଆ ଶ୍ରମିକ, ପାଲାନିସ୍ୱାମୀଙ୍କ ସହ ସରିଲା ନବୀନଙ୍କ ଆଲୋଚନା

ଭୁବନେଶ୍ୱର,୩୦/୪(ଓଡିଶା ଭାସ୍କର): ତାମିଲନାଡୁରେ ଫସିଥିବା ଓଡ଼ିଆ ପ୍ରବାସୀ ଶ୍ରମିକଙ୍କୁ ଫେରାଇ ଆଣିବାକୁ ସେଠାକାର ମୁଖ୍ୟମନ୍ତ୍ରୀ ଇ.କେ.ପାଲାନିସ୍ୱାମୀଙ୍କ ସହ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଭିଡିଓ କନଫରେନ୍ସି ଜରିଆରେ ଉଭୟ ମୁଖ୍ୟମନ୍ତ୍ରୀ ଆଲୋଚନା କରିଛନ୍ତି।ଏହି ଆଲୋଚନାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସାମିଲ ହୋଇଥିଲେ । ଆଲୋଚନାରେ ତାମିଲନାଡୁରେ ଫସିଥିବା ଶ୍ରମିକଙ୍କୁ ସୁବିଧାରେ ପଠାଇବାକୁ ସମସ୍ତ ସହଯୋଗ ଯୋଗାଇଦେବାକୁ ନବୀନ ଅନୁରୋଧ କରିଥିଲେ। ଅନ୍ୟପଟେ ଶ୍ରମିକଙ୍କୁ ସମସ୍ତ ସହଯୋଗ ଯୋଗାଇ ଦେବାକୁ ତାମିଲନାଡୁ ମୁଖ୍ୟମନ୍ତ୍ରୀ ପାଲାନିସ୍ୱାମୀ ପ୍ରତିଶୃତି ଦେଇଛନ୍ତି। ଏନେଇ ତାମିଲନାଡୁ ସରକାରଙ୍କୁ ଧନ୍ୟବାଦ ଜଣାଇଛନ୍ତି ନବୀନ।