୨୦୨୧-୨୨ର ରାଜ୍ୟ ବଜେଟ୍ ଆଗତ

0
COVID-19 Updates
  • World 114,379,919
    World
    Confirmed: 114,379,919
    Active: 21,911,256
    Recovered: 89,931,084
    Death: 2,537,579
  • USA 29,202,824
    USA
    Confirmed: 29,202,824
    Active: 9,045,632
    Recovered: 19,632,523
    Death: 524,669
  • India 11,096,731
    India
    Confirmed: 11,096,731
    Active: 164,475
    Recovered: 10,775,169
    Death: 157,087
  • Brazil 10,517,232
    Brazil
    Confirmed: 10,517,232
    Active: 876,529
    Recovered: 9,386,440
    Death: 254,263
  • Russia 4,234,720
    Russia
    Confirmed: 4,234,720
    Active: 349,571
    Recovered: 3,799,406
    Death: 85,743
  • UK 4,170,519
    UK
    Confirmed: 4,170,519
    Active: 1,201,606
    Recovered: 2,846,208
    Death: 122,705
  • Italy 2,907,825
    Italy
    Confirmed: 2,907,825
    Active: 411,966
    Recovered: 2,398,352
    Death: 97,507
  • Turkey 2,693,164
    Turkey
    Confirmed: 2,693,164
    Active: 98,938
    Recovered: 2,565,723
    Death: 28,503
  • Germany 2,444,177
    Germany
    Confirmed: 2,444,177
    Active: 130,388
    Recovered: 2,243,200
    Death: 70,589
  • Pakistan 579,973
    Pakistan
    Confirmed: 579,973
    Active: 21,836
    Recovered: 545,277
    Death: 12,860
  • China 89,893
    China
    Confirmed: 89,893
    Active: 218
    Recovered: 85,039
    Death: 4,636

ଭୁବନେଶ୍ୱର,୨୨ ।୨(ଓଡିଶା ଭାସ୍କର): ବିଧାନସଭାରେ ୨୦୨୧-୨୨ ଆର୍ଥିକ ବର୍ଷର ରାଜ୍ୟ ବଜେଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ । ୨୦୨୧-୨୨ ଆର୍ଥିକ ବର୍ଷ ପାଇଁ ୧ ଲକ୍ଷ ୭୦ ହଜାର କୋଟିର ବଜେଟ ଉପସ୍ଥାପିତ ହୋଇଛି । ସେ କହିଛନ୍ତି ଯେ, ‘ମହାମାରୀ କରୋନା ପାଇଁ ରାଜ୍ୟର ବିକାଶ ପ୍ରଭାବିତ ହୋଇଛି । ରାଜ୍ୟ ସରକାର କରୋନାର ସଫଳ ମୁକାବିଲା କରିଛନ୍ତି । କରୋନା ସତ୍ତେ୍ୱ ବହୁ ସଂସ୍କାରମୂଳକ ପଦକ୍ଷେପ ନିଆଯାଇଛି । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ମଧ୍ୟ ଓଡିଶାକୁ ପ୍ରଶଂସା କରିଛନ୍ତି । ସାଢେ ୪କୋଟି ଓଡିଆଙ୍କ ନିକଟରେ ଆମେ କୃତଜ୍ଞ । କୋଭିଡ ପରିଚାଳାନରେ ସରକାରଙ୍କୁ ସମସ୍ତେ ସହଯୋଗ କରିଛନ୍ତି ।’

୨୦୨୧-୨୨ ଆର୍ଥିକ ବର୍ଷରେ ପ୍ରଶାସନିକ ବ୍ୟୟ ପାଇଁ ୮୫ ହଜାର କୋଟି ଟଙ୍କା ରହିଛି । କାର୍ଯ୍ୟକ୍ରମ ବ୍ୟୟ ପାଇଁ ୭୫ ହଜାର କୋଟି ଟଙ୍କା, ବିପର୍ଯ୍ୟୟ ପ୍ରଶମନ ବ୍ୟୟ ପାଇଁ ୩ ହଜାର ୫୦ କୋଟି ଟଙ୍କା, ସ୍ଥାନୀୟ ନିକାୟ ସଂସ୍ଥା ଓ ଉନ୍ନୟନ ସଂସ୍ଥା ପାଇଁ ୬,୯୫୦ କୋଟି ଟଙ୍କା ରହିଛି । ଜଳ ସଂଚୟନ, ବୃହତ ଉଠାଜଳସେଚନ ପ୍ରକଳ୍ପ ହାତକୁ ନିଆଯିବ । କ୍ଷୁଦ୍ର ଜଳସେଚନ ପ୍ରକଳ୍ପ, ଆଡିବନ୍ଧ ନିର୍ମାଣ କରାଯିବ । କୃଷି ଆନୁସଙ୍ଗିକ କ୍ଷେତ୍ର ପାଇଁ ୨୦ ହଜାର କୋଟି ଟଙ୍କା ନିବେଶ କରାଯିବାକୁ ଆକଳନ କରାଯାଇଛି ।

SCB ବିକାଶ ପାଇଁ ୫୦୦ କୋଟି ଟଙ୍କା ବ୍ୟୟ ବରାଦ ହୋଇଛି । ସ୍ବାସ୍ଥ୍ୟ ବୀମା ପାଇଁ ୧୩୫୩ କୋଟି ଟଙ୍କା, ସାମାଜିକ ସହାୟତା ଯୋଜନା ପାଇଁ ୯୨୩ କୋଟି, ମମତା ଯୋଜନା ପାଇଁ ୨୭୯ କୋଟି ଟଙ୍କା, ବସୁଧା ଯୋଜନା ପାଇଁ ୨ ହଜାର ୪୧୯ କୋଟି ଟଙ୍କା ବ୍ୟୟ ବରାଦ ହୋଇଛି । ୨୦୨୧-୨୨ରେ ୫ ଲକ୍ଷ ପକ୍କା ଘର ନିର୍ମାଣ ହେବ । ଏଥିପାଇଁ ୩ ହଜାର କୋଟି ଟଙ୍କାର ବ୍ୟୟ ବରାଦ । କଟକ ବସ୍‌ ଟର୍ମିନାଲ ପାଇଁ ୧୦୦ କୋଟି ବ୍ୟୟ ବରାଦ ହୋଇଛି । ମିଶନ ଶକ୍ତି ବାବଦକୁ ୩୧୬ କୋଟି ଟଙ୍କା ବ୍ୟୟ ବରାଦ ହୋଇଛି । ପ୍ରତି ବ୍ଲକରେ ନିର୍ମାଣ ହେବ ମିଶନ ଶକ୍ତି ଗୃହ । ପଶ୍ଚିମ ଓଡ଼ିଶା ବିକାଶ ପରିଷଦ ପାଇଁ ୧୩୫ କୋଟି, ଫ୍ରି ଟ୍ରମା କେୟାର ପାଇଁ ୪୦ କୋଟି ଟଙ୍କା, ବସ୍ତି ବାସିନ୍ଦାଙ୍କ ଗୃହ ନିର୍ମାଣ ପାଇଁ ୩୦୦ କୋଟି, ଓଡ଼ିଶା ଆଦର୍ଶ ବିଦ୍ୟାଳୟ ପାଇଁ ୨୮୦ କୋଟି ଟଙ୍କା, ରାଉରକେଲାରେ ହକି ଷ୍ଟାଡିଅମ ପାଇଁ ୯୦ କୋଟି, ସାର୍ବଜନୀନ ସ୍ବାସ୍ଥ୍ୟ ସେବା ଓ ବୀମା ପାଇଁ ୯ ହଜାର ୧୬୪ କୋଟି, ଶିକ୍ଷା କ୍ଷେତ୍ର ପାଇଁ ୨୪ ହଜାର ୩୭୦ କୋଟି । ସ୍ବଚ୍ଛ ଖଣି କାରବାର ପାଇଁ ୧୩୫ କୋଟି । ଶକ୍ତି କ୍ଷେତ୍ର ପାଇଁ ୧୭୯୯ କୋଟି ଟଙ୍କା, କଟକ ବଡ଼ ମେଡିକାଲକୁ ଏମ୍‌ସ ପ୍ଲସ କରିବା ପାଇଁ ୩୫୦୦ କୋଟି ଟଙ୍କା ବ୍ୟୟ ବରାଦ ହୋଇଛି ।

ସ୍ୱଚ୍ଛ ସର୍ବେକ୍ଷଣ-୨୦୨୦ରେ ‘ଅଗ୍ରଗାମୀ ରାଜ୍ୟ’ ଭାବେ ଓଡିଶା ପୁରସ୍କୃତ ହୋଇଛି । ସହର ଗୁଡିକୁ ନିର୍ମଳ ରଖିବାକୁ ୩ ଶହ ୯୫ କୋଟି ଟଙ୍କା ରହିଛି । ଓଡିଶା ସମନ୍ୱିତ ପରିମଳ ଉନ୍ନୟନ ପ୍ରକଳ୍ପ ଅଧିନରେ ଏହା ମିଳିବ । ଅର୍ବାନ ସ୍ୱରେଜ ପ୍ରକଳ୍ପରେ ୧ ଶହ ୬୦ କୋଟି ଟଙ୍କା ବ୍ୟୟବରାଦ ହୋଇଛି ।

ସ୍ୱଚ୍ଛ ଭାରତ ମିଶନ ଅଧିନରେ ଗ୍ରାମାଞ୍ଚଳକୁ ୨ ଶହ କୋଟି ଟଙ୍କା, ସ୍ୱଚ୍ଛ ଭାରତ ମିଶନରେ ସହରାଞ୍ଚଳ ପାଇଁ ୨ ଶହ ୧୫ କୋଟି, ବନ୍ୟା ନିୟନ୍ତ୍ରଣ ଓ ଜଳ ନିଷ୍କାସନ ପାଇଁ ୭୧୦ କୋଟି ଟଙ୍କା, ବାଳିଆ ଯୋଜନା ପାଇଁ ୧୮୦୦ କୋଟି ଟଙ୍କା, ବିହନ ପାଇଁ ଶହେ ଓ ସାର ପାଇଁ ୧୦୦ କୋଟି ଅତିରିକ୍ତ ପାଣ୍ଠି, ଉଦ୍ୟାନ କୃଷି ବିକାଶ ପାଇଁ ୧୩୨ କୋଟି ଟଙ୍କା, ରାଷ୍ଟ୍ରୀୟ କୃଷି ବିକାଶ ଯୋଜନାରେ ୪୫୦ କୋଟି ବ୍ୟୟବରାଦ ହୋଇଛି ।

କଳାହାଣ୍ଡି ଓ ନବରଙ୍ଗପୁରରେ ୨ଟି ମଧ୍ୟମ ଜଳସେଚନ ପ୍ରକଳ୍ପ ହେବ । ଜଳସେଚନ ପାଇଁ ମୋଟ ୨,୨୫୮ କୋଟି ଟଙ୍କା ବ୍ୟୟ ବରାଦ ହୋଇଛି । ବନ୍ୟା ନିୟନ୍ତ୍ରଣ ପାଇଁ ମୋଟ ୭୧୦ କୋଟି ଟଙ୍କା, ପାର୍ବତୀଗିରି ଜଳସେଚନ ପାଇଁ ମୋଟ ୭୬୦ କୋଟି ଟଙ୍କା, ଗଭୀର କୂପ ଖନନ ପାଇଁ ୩୮୯ କୋଟି, ନବକୃଷ୍ଣ ଚୌଧୁରୀ ଜଳସେଚନ ଯୋଜନାରେ ୭୭ କୋଟି, ଅଚଳ ଉଠା ଜଳସେଚନ ପଏଣ୍ଟ ପୁନରୁଦ୍ଧାର ପାଇଁ ୧୬୦ କୋଟି, ବିପର୍ଯ୍ୟୟରେ ତ୍ୱରିତ କ୍ଷତିପୂରଣ ପାଇଁ ୫୬୦ କୋଟି, ମତ୍ସଚାଷ ଓ ପଶୁପାଳନ ପାଇଁ ୧୪୧୫ କୋଟି, ମାଛଧରା ଜେଟି ଓ ମାଛ ବଜାର ପାଇଁ ୧୦୦ କୋଟି ଟଙ୍କା ବ୍ୟୟବରାଦ ହୋଇଛି । ପଶୁଙ୍କୁ ଚିକିତ୍ସା ପାଇଁ ପଶୁ ହେଲପ ଲାଇନ୍ ସେବା ଆରମ୍ଭ ହେବ । ରାଜ୍ୟ ପଶୁ ଚିକିତ୍ସା ବିଜ୍ଞାନ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବ ।

କୃଷି ବଜେଟ ପାଇଁ ମୋଟ ୧୭,୪୬୮ କୋଟି ଟଙ୍କା ବ୍ୟୟ ବରାଦ ହୋଇଛି । ଓମ୍ବାଡସି ଓ ଡିଏମଏଫରୁ କୃଷି କ୍ଷେତ୍ରରେ ୪୪୭ କୋଟି ବିନିଯୋଗ ହେବ । ମନରେଗାରୁ ୧୯୬୬ କୋଟି ଟଙ୍କା କୃଷି କ୍ଷେତ୍ରରେ ବିନିଯୋଗ ହେବାର ଯୋଜନା ରହିଛି । ୨୦୨୧-୨୨ରେ କୃଷି କ୍ଷେତ୍ରରେ ପ୍ରାୟ ୨୦ ହଜାର କୋଟି ଟଙ୍କା ବ୍ୟୟ ବରାଦ ହୋଇଛି ।

Get real time updates directly on you device, subscribe now.

Leave A Reply

Your email address will not be published.