(Video) ବୃଦ୍ଧଙ୍କ ଖତରନାକ୍ ବାଇକ ଷ୍ଟଣ୍ଟ ଦେଖିଲେ ହୋଇଯିବେ ଆଶ୍ଚର୍ଯ୍ୟ, ଭାଇରାଲ ହେଉଛି ଭିଡିଓ
ଉତ୍ତର ପ୍ରଦେଶ ଗାଜିଆବାଦରେ ଯୁବକମାନେ ବାଇକ୍ ଷ୍ଟଣ୍ଟ କରି ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ଗାଜିଆବାଦର ଅନେକ ବାଇକ ଷ୍ଟଣ୍ଟ ଭିଡିଓ ଭାଇରାଲ ମଧ୍ୟ ହୋଇଥିଲା ଯେଉଁଥିରେ ପୋଲିସ କାର୍ଯ୍ୟାନୁଷ୍ଠାନ ମଧ୍ୟ କରିଥିଲା । ଏବେ ଗାଜିଆବାଦର ୱେବ ସିଟିର ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଜଣେ ବୃଦ୍ଧ ବ୍ୟକ୍ତି ପଲସର ବାଇକରେ ଷ୍ଟଣ୍ଟ କରୁଛନ୍ତି । ଆଉ ତାଙ୍କର ଭିନ୍ନ ଷ୍ଟାଇଲରେ ଷ୍ଟଣ୍ଟକୁ ଖୁବ୍ ଶେୟାର ମଧ୍ୟ କରୁଛନ୍ତି ୟୁଜର୍ସ ।
ଭାଇରାଲ ହେଉଥିବା ଭିଡିଓରେ ଦେଖାଯାଉଛି ବୃଦ୍ଧ ବ୍ୟକ୍ତି ଜଣକ ଜୀବନକୁ ଖାତିର ନକରି ବିପଜ୍ଜନକ ଭାବରେ ଷ୍ଟଣ୍ଟ କରୁଛନ୍ତି । ଏମିତିକି ବାଇକକୁ ଗୋଟିଏ ଚକାରେ ଚଲାଉଛନ୍ତି । ଅନ୍ୟ ଏକ ସଟରେ ବାଇକ୍ ଚାଲୁଥିବାବେଳେ ବାଇକର ପଛ ଭାଗରେ ଗୋଗଡ଼ ଉପରେ ଗୋଡ଼ ପକାଇ ବସି ବାଇକ ଚଲାଉଥିବାର ଦେଖାଯାଉଛି ।
गाजियाबाद के 'चाचा तूफानी'! बुजुर्ग का खतरनाक बाइक स्टंट हुआ वायरल; देखें VIDEO
गाजियाबाद की वेव सिटी से एक वीडियो सोशल मीडिया पर तेजी से वायरल हो रहा है. इस वीडियो में बुजुर्ग शख्स को पल्सर बाइक से स्टंट करता देखा जा सकता है. #Viral pic.twitter.com/7yKTUEBbrQ
— Zee News (@ZeeNews) April 28, 2022
ଭିଡିଓଟି ଗାଜିଆବାଦର ୱେବ ସିଟିର ବୋଲି କୁହାଯାଉଛି । ଏହି ସିଟିର ରାସ୍ତାରେ ଅଧିକ ଟ୍ରାଫିକ୍ ନଥାଏ । ଅଧିକାଂଶ ଯୁବକ ଏହିଠାରେ ଅନେକ ସମୟରେ ଷ୍ଟଣ୍ଟ କରୁଥିବାର ନଜର ଆସିଥାନ୍ତି । ସ୍ଥାନୀୟ ଲୋକଙ୍କ ଅଭିଯୋଗ କ୍ରମେ ପୋଲିସ ଅନେକ ଥର କାର୍ଯ୍ୟାନୁଷ୍ଠାନ ମଧ୍ୟ ନେଇଥିଲା । ଗତ ମାର୍ଚ୍ଚ ମାସରେ ମୋଟରସାଇକେଲରେ ଚାରି ଯୁବକ ଷ୍ଟଣ୍ଟ କରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ବାଇକରେ ବସିଥିବା ତିନି ଯୁବକ ଚତୁର୍ଥ ଯୁବକଙ୍କୁ ସାଇଡରେ ଧରି ବାଇକ ଚଲାଉଥିଲେ । ଗାଜିଆବାଦ ଟ୍ରାଫିକ୍ ପୋଲିସ ଭାଇରାଲ ଭିଡିଓ ଆଧାରରେ ବାଇକ ଚାଲାଣ କାଟିଥିଲା ।
