ବାରବାଟୀରେ ଦିନିକିଆ ମ୍ୟାଚ: ପ୍ରଥମଥର ଜୋମାଟୋରେ ମିଳିବ ଅନଲାଇନ ଟିକେଟ

କଟକ: ବାରବାଟୀରେ ହେବାକୁ ଥିବା ୱାନ୍ ଡେ’ ମ୍ୟାଚ ପାଇଁ ଟିକେଟ ବୁକିଂ ଫେବୃଆରୀ ୬ ତାରିଖରୁ ଆରମ୍ଭ ହେବ। ତେବେ ଏ ନେଇ ଏକ ବଡ଼ ଖବର ସାମ୍ନାକୁ ଆସିଛି। ପ୍ରଥମଥର ପାଇଁ ଜୋମାଟୋରେ ଅନଲାଇନ ଟିକେଟ ବୁକ୍ କରିପାରିବେ ଦର୍ଶକ।

ଏହି ଦିନିକିଆ ମ୍ୟାଚଟି ଫେବୃଆରୀ ୯ ତାରିଖରେ ଆୟୋଜିତ ହେବ। ଟିକେଟ ବୁକିଂ ପାଇଁ ଅନଲାଇନରେ ୪ ହଜାର ଟିକେଟ ଉପଲବ୍ଧ ହେବ। ପ୍ରଶାସନ ପୋଲିସ ଓସିଏ କର୍ମକର୍ତ୍ତାଙ୍କୁ ନେଇ ମ୍ୟାଚ ପ୍ରସ୍ତୁତି ବୈଠକ କରିଛି। ଗ୍ୟାଲେରୀ ଭିତରେ ମାଗଣାରେ ପାଣି ଯୋଗାଇ ଦିଆଯିବ।

୩ ଓ ୪ ଫେବୃଆରୀରେ ଓସିଏ ସହ ଅନୁବନ୍ଧିତ ସଂସ୍ଥାକୁ ଟିକେଟ ଦିଆଯିବ। ପ୍ରତ୍ୟେକ ବ୍ୟକ୍ତି ଅଫଲାଇନରେ ୨ଟି ଟିକେଟ ନେଇପାରିବେ। ଟିକେଟ କଳାବଜାରୀ ରୋକିବା ଦାୟିତ୍ୱରେ ପୋଲିସ ରହିବେ। ମହିଳାଙ୍କ ପାଇଁ ଟିକେଟ କାଉଣ୍ଟର ସ୍ଥାନରେ ସ୍ୱତନ୍ତ୍ର କାଉଣ୍ଟର ରହିବ।

ଏଥିସହ ଅଫଲାଇନ ଟିକେଟ ପାଇଁ ସମୁଦାୟ ୬ଟି କାଉଣ୍ଟର ରହିବ। ତେବେ ଏହା ବ୍ୟତୀୟ ଦର୍ଶକମାନେ ଜୋମାଟୋରେ ବି ଏହି ମ୍ୟାଚ ପାଇଁ ଅନଲାଇନ ମଧ୍ୟମରେ ଟିକେଟ ବୁକିଂ କରିପାରିବେ।