ପୁଣି ବଢିପାରେ ପିଆଜ ଦର, ବାଂଲାଦେଶ ଏବଂ ୟୁଏଇକୁ ପିଆଜ ରପ୍ତାନୀ ପାଇଁ ଅନୁମୋଦନ କଲେ ଭାରତ ସରକାର

ନୂଆଦିଲ୍ଲୀ: ଦେଶରେ ପିଆଜ ଦର କିଛି ସମୟ ପାଇଁ ସ୍ଥିର ଥିବାବେଳେ ରସୁଣ ଦର ବୃଦ୍ଧି ସାଧାରଣ ଜନତାଙ୍କୁ କନ୍ଦାଉଛି। ତେବେ ଗତ ସପ୍ତାହରୁ ପିଆଜ ହାର ମଧ୍ୟ ବୃଦ୍ଧି ପାଇବାରେ ଲାଗିଛି ଏବଂ ଦିଲ୍ଲୀର ଆଜାଦପୁର ମାଣ୍ଡିରେ ପିଆଜ ହାରରେ ବୃଦ୍ଧି ଦେଖିବାକୁ ମିଳିଛି। କିଲୋ ପିଛା ୧୬-୨୪ ଟଙ୍କା ମଧ୍ୟରେ ଉପଲବ୍ଧ ପିଆଜ ଏହି ଶନିବାର ଠାରୁ ଆଜାଦପୁର ମାଣ୍ଡିରେ କିଲୋଗ୍ରାମ ପିଛା ୧୭-୨୭ ଟଙ୍କା ମୂଲ୍ୟରେ ବିକ୍ରି ହେବା ଆରମ୍ଭ ହୋଇଛି। ବାସ୍ତବରେ ପିଆଜ ସମ୍ବନ୍ଧରେ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି ଯେଉଁଥିପାଇଁ ଏହାର ମୂଲ୍ୟ ବଢୁଛି। କେବଳ ଏତିକି ନୁହେଁ, ଏହାର ମୂଲ୍ୟ ଆହୁରି ବୃଦ୍ଧି ହେବାର ସମସ୍ତ ସମ୍ଭାବନା ରହିଛି।

ପିଆଜ ରପ୍ତାନୀ ସମ୍ପର୍କରେ କେନ୍ଦ୍ର ସରକାର ଏକ ବଡ ନିଷ୍ପତ୍ତି ନେଇଛନ୍ତି। ନ୍ୟାସନାଲ କୋଅପରେଟିଭ ଏଏକ୍ସପୋର୍ଟସ ଲିମିଟେଡ୍ (NCEL) ମାଧ୍ୟମରେ ୟୁଏଇ ଏବଂ ବାଂଲାଦେଶକୁ ୬୪,୪୦୦ ଟନ୍ ପିଆଜ ରପ୍ତାନୀ କରିବାକୁ ସରକାର ଅନୁମୋଦନ କରିଛନ୍ତି। ଏହି ନିଷ୍ପତ୍ତି ଅନୁଯାୟୀ ବାଂଲାଦେଶକୁ ୫୦ ହଜାର ଟନ୍ ପିଆଜ ରପ୍ତାନି ହୋଇଥିବାବେଳେ ୟୁଏଇକୁ ୧୪,୪୦୦ ଟନ୍ ପିଆଜ ରପ୍ତାନି ହେବ। କେନ୍ଦ୍ର ମନ୍ତ୍ରଣାଳୟ ପକ୍ଷରୁ ବାଣିଜ୍ୟ ମନ୍ତ୍ରଣାଳୟ ମଧ୍ୟ ଏଥିପାଇଁ ବିଜ୍ଞପ୍ତି ଜାରି କରିଛି।

ବୈଦେଶିକ ବାଣିଜ୍ୟ ନିର୍ଦ୍ଦେଶାଳୟ (DGFT) ଏକ ବିଜ୍ଞପ୍ତି ଜାରି କରିଛି। କୁହାଯାଉଛି ଯେ ୟୁଏଇ ପାଇଁ ୧୪,୪୦୦ ଟନ୍ ପିଆଜ ରପ୍ତାନୀ ପାଇଁ ଅନୁମୋଦନ କରାଯାଇଛି। ଏଥିମଧ୍ୟରୁ ନ୍ୟାସନାଲ କୋଅପରେଟିଭ ରପ୍ତାନି ଲିମିଟେଡ୍ ମାଧ୍ୟମରେ ପ୍ରତି ତ୍ରୟ ମାସରେ ୩୬୦୦ ଟନ୍ ପିଆଜ ରପ୍ତାନୀର ଏକ ସୀମା ଧାର୍ଯ୍ୟ କରାଯାଇଛି। DGFT ହେଉଛି ବାଣିଜ୍ୟ ମନ୍ତ୍ରଣାଳୟର ଏକ ଶାଖା, ଯାହା ରପ୍ତାନୀ ଏବଂ ଆମଦାନୀ ସହ ଜଡିତ ମାନଦଣ୍ଡ।