ପିଲାଙ୍କ ସହିତ ଓରାଲ୍ ସେକ୍ସ ଅତି ଗମ୍ଭୀର ଅପରାଧ ନୁହେଁ: ହାଇକୋର୍ଟ
ପ୍ରୟାଗରାଜ: ଆଲାହାବାଦ୍ ହାଇକୋର୍ଟ ଗୋଟିଏ ଛୋଟ ବାଳିକା ସହିତ ହୋଇଥିବା ଯୌନ ଉତ୍ପୀଡ଼ନ ମାମଲାରେ ଏକ ବଡ଼ ତଥା ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି । ବାଳିକାଙ୍କ ସହିତ ହୋଇଥିବା ଓରାଲ୍ ସେକ୍ସକୁ ଅତି ଗମ୍ଭୀର ଅପରାଧ ଭାବରେ ମାନି ନାହାନ୍ତି ଓ ଅଭିଯୁକ୍ତଙ୍କର ଦଣ୍ଡକୁ କମ୍ କରିଦେଇଛନ୍ତି । ହାଇକୋର୍ଟ ଏହି ପ୍ରକାର ଅପରାଧକୁ ଚଙଉଝଙ ଆକ୍ଟର ଧାରା ଅନୁଯାୟୀ ଦଣ୍ଡନୀୟ ବୋଲି ବିବେଚନା କରିଛନ୍ତି, କିନ୍ତୁ କୋର୍ଟ ଏହି ନିଷ୍ପତ୍ତିରେ କହିଛନ୍ତି ଯେ ଗୁରୁତର ଯୌନ ଉତ୍ପୀଡ଼ନ ନୁହେଁ। ତେଣୁ, ଏପରି ପରିସ୍ଥିତିରେ, ପୋକ୍ସୋ ଆକ୍ଟର ଧାରା ୬ ଏବଂ ୧୦ ଅନୁଯାୟୀ ଦଣ୍ଡବିଧାନ କରାଯାଇପାରିବ ନାହିଁ । ଆହ୍ଲାବାଦ ହାଇକୋର୍ଟ ଏହି ମାମଲାରେ ଦୋଷୀଙ୍କୁ ୧୦ ବର୍ଷ ଜେଲ ଦଣ୍ଡକୁ ୭ ବର୍ଷକୁ ହ୍ରାସ କରିଛନ୍ତି। ଏହା ସହିତ ୫୦୦୦ ଟଙ୍କା ଜରିମାନା ମଧ୍ୟ କରିଛନ୍ତି ।
ସୂଚନା ଅନୁସାରେ, ସୋନୁ କୁଶୱା ନାମକ ଜଣେ ବ୍ୟକ୍ତି ହାଇକୋର୍ଟରେ ଝାନ୍ସି ସେସନ୍ସ କୋର୍ଟର ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ । ସେଠାରେ ଜଷ୍ଟିସ୍ ଅନିଲ କୁମାର ଓଝା କୁଶୱାଙ୍କ ଦଣ୍ଡ ବିରୋଧରେ ହୋଇଥିବା ଆବେଦନ ଉପରେ ନିଜ ଫଇସଲା ଶୁଣାଇଛନ୍ତି । ଏହାପୂର୍ବରୁ, ଅଧିବେଶନ କୋର୍ଟ ତାଙ୍କୁ ଭାରତୀୟ ଦଣ୍ଡ ସଂହିତା ଧାରା ୩୭୭ (ଅପ୍ରାକୃତିକ ଯୌନ ସମ୍ପର୍କ) ଏବଂ ୫୦୬ ଏବଂ ପୋକ୍ସୋ ଆକ୍ଟର ଧାରା ୬ ଅନୁଯାୟୀ ଦୋଷୀ ସାବ୍ୟସ୍ତ କରିଥିଲେ। ଅଦାଲତରେ ପ୍ରଶ୍ନ ଉଠିଥିଲା କି କଣ ନାବାଳିକା ସହିତ ଓରାଲ୍ ସେକ୍ସ ଓ ସିମେନ୍ ପକାଇବା ପୋକ୍ସୋ ଆକ୍ଟ ଧାରା ୫/୬ ଧାରା କିମ୍ବା ଧାରା ୯/୧୦ ଅଧୀନରେ ଆସୁଛି କି? କୋର୍ଟଙ୍କ ନିଷ୍ପତ୍ତିରେ କୁହାଯାଇଛି ଯେ ଏହାଏହି ଦୁଇଟି ଯାକ ଧାରା ଅଧୀନରେ ଆସେ ନାହିଁ । କିନ୍ତୁ ଏହା ଧାରା ୪ ଅଧୀନରେ ଦଣ୍ଡନୀୟ ଅପରାଧ ଅଟେ ।
