ପଦ୍ମ ପୁରସ୍କାର ଘୋଷଣା କଲେ କେନ୍ଦ୍ର ସରକାର: ଡା. ଦିଲୀପ ମହଲନାବିସ୍‌ଙ୍କୁ ପଦ୍ମଭୂଷଣ, ୪ ଓଡ଼ିଆଙ୍କୁ ପଦ୍ମଶ୍ରୀ

ନୂଆଦିଲ୍ଲୀ: ୭୪ ତମ ଗଣତନ୍ତ୍ର ଦିବସ ଅବସରରେ ସରକାର ପ୍ରତିଷ୍ଠିତ ପଦ୍ମ ପୁରସ୍କାର ଘୋଷଣା କରିଛନ୍ତି। ଚଳିତ ଥର ୧୦୬ ଜଣଙ୍କୁ ଏହି ସମ୍ମାନଜନକ ପାଇଁ ଚୟନ କରାଯାଇଛି। ଦିଲ୍ଲୀପ ମହଲନାବିସ୍‌ଙ୍କୁ ଆସନ୍ତାକାଲି ରାଷ୍ଟ୍ରପତି ଦ୍ରୋପଦୀ ମୁର୍ମୁ ପଦ୍ମ ବିଭୁଷଣ ପୁରସ୍କାରରେ ସମ୍ମାନିତ କରିବେ। ସେ (Oral Rehydration Solution)ORS ଫର୍ମୁଲା ଆବିସ୍କାର କରିବାରେ ତାଙ୍କର ବଡ଼ ଭୁମିକା ଥିଲା । ତାଙ୍କୁ ଏହି ପୁରସ୍କାର ମରଣୋତର ମିଳିବ । ଗତବର୍ଷ ଅକ୍ଟୋବର ମାସରେ ତାଙ୍କର ଦେହାନ୍ତ ହୋଇଥିଲା। ଚଳିତ ବର୍ଷ କଳା ପାଇଁ ୪ ଜଣ ଓଡ଼ିଆଙ୍କୁ ପଦ୍ମଶ୍ରୀ ପୁରସ୍କାର ମିଳିବ। ସେମାନେ ହେଲେ କଣ୍ଢେଇ ନୃତ୍ୟଶିଳ୍ପୀ ମାଗୁଣି ଚରଣ କୁଅଁର, ସାହିତ୍ୟ ଓ ଶିକ୍ଷା ପାଇଁ ପଣ୍ଡିତ ଅନ୍ତର୍ଯ୍ୟାମୀ ମିଶ୍ର, ରଂଗବତୀର ଗାୟିତା କ୍ରିଷ୍ଣା ପଟେଲ ଓ କୃଷି ପାଇଁ ପଟାୟତ ସାହୁ ।

ସୂଚନାଯୋଗ୍ୟ ୧୯୭୧ ମସିହା ସମୟରେ ବାଂଲାଦେଶ ମୁକ୍ତି ସଂଗ୍ରାମ ସମୟରେ ଅନେକ ଲୋକଙ୍କ ଜୀବନ ବଞ୍ଚାଇବାରେ ତାଙ୍କର ବହୁତ ଯୋଗଦାନ ଥିଲା। ପଶ୍ଚିମବଙ୍ଗର ବଙ୍ଗୋପସାଗର ନିକଟରେ ଥିବା କ୍ୟାମ୍ପରେ ଲକ୍ଷ ଲକ୍ଷ ବାଂଲାଦେଶୀ ଶରଣାର୍ଥୀଙ୍କୁ ଚିକିତ୍ସା କରିବା ସମୟରେ ORS ପ୍ରଥମେ ବ୍ୟବହୃତ ହୋଇଥିଲା।

ଏଥିସହିତ ତବଲା ବାଦକ ଜାକିର ହୁସେନଙ୍କୁ ପଦ୍ମଭୂଷଣ, ଏସ୍.ଏମ୍ କୃଷ୍ଣ ଏବଂ ଶ୍ରୀନିବାସ ବର୍ଦ୍ଧନଙ୍କୁ ମଧ୍ୟ ପଦ୍ମଭୂଷଣ ଦିଆଯିବ। ଏହା ବ୍ୟତୀତ ଦିଲୀପ ମହଲନାବିସଙ୍କ ବ୍ୟତୀତ ମୁଲାୟମ ସିଂ ଯାଦବ ଏବଂ ବାଲକ୍ରିଷ୍ଣା ଦୋସିଙ୍କୁ ପଦ୍ମଭୂଷଣ ପରେ ସମ୍ମାନିତ କରାଯିବ।

ଆଣ୍ଡାମାନ ଏବଂ ନିକୋବରର ଜୋରବା ଜନଜାତି ମଧ୍ୟରେ କାର୍ଯ୍ୟ କରୁଥିବା ରତନ ଚନ୍ଦ୍ର କରଙ୍କୁ ପଦ୍ମଶ୍ରୀ ପ୍ରଦାନ କରିବାକୁ ଘୋଷଣା କରାଯାଇଛି। ଏମାନଙ୍କ ବ୍ୟତୀତ ପଦ୍ମଶ୍ରୀ ହିରା ବାଇ ଲୋବି, ମୁନିଶଭୀର ଚନ୍ଦ୍ର ଡାଭାର, ରାମକୁଇ ୱାଙ୍ଗୱେ ନ୍ୟୁମେ, ଭିପି ଆପାକଟ୍ଟନ ପୁଡୁୱାଲ, କପିଲ ଦେବ ପ୍ରସାଦଙ୍କୁ ଦିଆଯିବ।

ପଦ୍ମ ପୁରସ୍କାର – ପଦ୍ମଭୂଷଣ, ପଦ୍ମ ଭୂଷଣ ଏବଂ ପଦ୍ମଶ୍ରୀ ଦେଶର ସର୍ବୋଚ୍ଚ ନାଗରିକ ପୁରସ୍କାର ଅଟେ। ୧୯୫୪ ପରଠାରୁ, ପ୍ରତିବର୍ଷ ଗଣତନ୍ତ୍ର ଦିବସ ଅବସରରେ ଏହି ପୁରସ୍କାର ଘୋଷଣା କରାଯାଏ। କଳା, ସାହିତ୍ୟ ଏବଂ ଶିକ୍ଷା, କ୍ରୀଡା, ଔଷଧ ଏବଂ ସାମାଜିକ କାର୍ଯ୍ୟ କ୍ଷେତ୍ରରେ ଅନେକ ସମ୍ମାନିତ ନାୟକଙ୍କୁ ଏହି ସମ୍ମାନ ଦିଆଯାଏ।

Get real time updates directly on you device, subscribe now.