ଋଷ-ୟୁକ୍ରେନ ପରେ ହେବ କି ଆଉ ଏକ ଯୁଦ୍ଧ?: ଆଫଗାନିସ୍ତାନ ଉପରେ ଏୟାରଷ୍ଟ୍ରାଇକ କରୁଛି ପାକିସ୍ତାନ
ନୂଆଦିଲ୍ଲୀ: ଗୋଟିଏ ପକ୍ଷରେ ଋଷ-ୟୁକ୍ରେନ ଯୁଦ୍ଧ ଥମିବାର ନାଁ ନେଉ ନଥିବା ବେଳେ ଏବେ ଆଉ ୨ ଦେଶ ମଧ୍ୟରେ ଯୁଦ୍ଧ ପରିସ୍ଥିତି ଦେଖିବାକୁ ମିଳିଛି । ଏହି ଦୁଇ ଦେଶ ହେଉଛନ୍ତି ପାକିସ୍ତାନ ଏବଂ ଆଫଗାନିସ୍ତାନ । ଉଭୟଙ୍କ ମଧ୍ୟରେ ଏବେ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି । ଆଫଗାନିସ୍ତାନର ୨ଟି ସ୍ଥାନରେ ପାକିସ୍ତାନ ଏୟାରଷ୍ଟ୍ରାଇକ କରିଥିବା ବେଳେ ତାଲିବାନ ମଧ୍ୟ ଏହାର ଭୟଙ୍କର ପରିଣାମ ହେବ କହି ଚେତାବନୀ ଦେଇଛି ।
ସୂଚନା ଅନୁଯାୟୀ, ପାକିସ୍ତାନ ସେନା ହେଲିକପ୍ଟର ଆଫଗାନିସ୍ତାନର ଖୋସ୍ତ ଏବଂ କୁନାର ପ୍ରାନ୍ତରେ ଏୟାରଷ୍ଟ୍ରାଇକ କରିଥିବା ଜଣାଯାଇଛି । ଏହାଦ୍ୱାରା ୩୬ ଜଣ ନାଗରିକଙ୍କ ମୃତ୍ୟୁ ନେଇ ଦାବି ହେଉଥିବା ବେଳେ ପାକିସ୍ତାନ ଏହି ଅଭିଯୋଗକୁ ଖାରଜ କରିଛି । ଆଫଗାନିସ୍ତାନରେ ଏପରି ଆକ୍ରମଣ ଉପରେ କାବୁଲରେ ଥିବା ରାଷ୍ଟ୍ରଦୂତଙ୍କ ସହ ଆଲୋଚନା କରିବା ସହିତ ଏହାକୁ ରୋକିବା ପାଇଁ ପ୍ରସ୍ତାବ ଦେଇଥିଲେ । ଏହି ଏୟାରଷ୍ଟ୍ରାଇକରେ ଅନେକ ଲୋକ ପ୍ରାଣ ହରାଇଥିବା ବେଳେ ଆଫଗାନିସ୍ତାନ ତରଫରୁ ମୃତକଙ୍କ ପ୍ରକୃତ ସଂଖ୍ୟା ଜଣାପଡିନାହିଁ । ତେବେ ଖୋସ୍ତ ଅଞ୍ଚଳରେ ପାକିସ୍ତାନର ଆକ୍ରମଣରେ ୩୬ ଲୋକ ପ୍ରାଣ ହରାଇଥିବା ନେଇ ସୂଚନା ଦେଇଛନ୍ତି ତାଲିବାନର ସ୍ଥାନୀୟ ନେତା ମାବଲବୀ ମହମ୍ମଦ ରଇସ ହେଲାଲ । ସେଠାକାର କିଛି ଲୋକ ବୋମା ପକାଇଥିବା ଦାବି କରୁଥିବା ବେଳେ ପକିସ୍ତାନ ପ୍ରବକ୍ତା ଏହାକୁ ଖଣ୍ଡନ କରିଛନ୍ତି ।
1/2- The Islamic Emirate of Afghanistan strongly condemns Pakistan's attacks on refugees in Khost and Kunar.
IEA calls on the Pakistani side not to test the patience of Afghans on such issues and not repeat the same mistake again otherwise it will have bad consequences.
— Zabihullah (..ذبـــــیح الله م ) (@Zabehulah_M33) April 16, 2022
ତେବେ ଏପରି କାର୍ଯ୍ୟକଳାପ ପରେ ତାଲିବାନ ମଧ୍ୟ ପାକିସ୍ତାନକୁ ଧମକ ଦେଇଛି । ଏୟାରଷ୍ଟ୍ରାଇକର ଏହି ପଦକ୍ଷେପର ପରିଣାମ ଖୁବ ଭୟଙ୍କର ହେବ ବୋଲି ଟ୍ୱିଟ କରି ପାକିସ୍ତାନକୁ ଚୋବନୀ ଦେଇଛନ୍ତି ତାଲିବାନର ପ୍ରବକ୍ତା ଜବିଉଲ୍ଲାହ ମୁଜାହିଦ । ଉଭୟ ଦେଶରେ ଥିବା ସମସ୍ୟା ଗୁଡିକୁ ରାଜନୈତିକ ଆଲୋଚନା ଦ୍ୱାରା ସମାଧାନ କରିବାକୁ ସେ ପ୍ରସ୍ତାବ ଦେଇଛନ୍ତି ।
