ବଞ୍ଚାଇଦେଲେ ପନ୍ତ-ଜାଡେଜା: ଘଡିସନ୍ଧି ମୁହୂର୍ତ୍ତରେ ଦଳ ପାଇଁ ହେଲେ ସଙ୍କଟମୋଚକ
ବର୍ମିଂହାମ: ଟିମ ଇଣ୍ଡିଆ ପାଇଁ ସଙ୍କଟମୋଚକ ପାଲଟିଛନ୍ତି ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ଏବଂ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା । ଇଂଲଣ୍ଡ ବିପକ୍ଷରେ ଉଭୟ ଯୋଡି ଜବରଦସ୍ତ ପ୍ରଦର୍ଶନ କରିଛନ୍ତି । ଗୋଟିଏ ସମୟରେ ୯୮-୫ରେ ଦଳ ସଂଘର୍ଷ କରୁଥିବା ବେଳେ ଦଳକୁ ବିପଦରୁ ଉଦ୍ଧାର କରିଛନ୍ତି ପନ୍ତ ଏବଂ ଜାଡେଜା । ପନ୍ତ ୮୯ ବଲରୁ ଶତକ ହାସଲ କରିଥିବା ବେଳେ ଜାଡେଜା ମଧ୍ୟ ଅର୍ଦ୍ଧଶତକ ହାସଲ କରିଛନ୍ତି ।
A massive 200 run partnership between R & R for #TeamIndia @RishabhPant17 🤝 @imjadeja
Live – https://t.co/xOyMtKJzWm #ENGvIND pic.twitter.com/wdFqXeZatM
— BCCI (@BCCI) July 1, 2022
ଇଂଲଣ୍ଡର ଦମଦାର ବୋଲିଂରେ ଏକଦା ୯୮ ରନରେ ୫ ୱିକେଟ ହରାଇ ସଂଘର୍ଷ କରୁଥିଲା ଟିମ ଇଣ୍ଡିଆ । କିନ୍ତୁ ଏହି ସମୟରେ ଦଳ ପାଇଁ ସଙ୍କଟ ମୋଚକ ଭାବେ ଉଭା ହୋଇଛନ୍ତି ଋଷଭ ପନ୍ତ ଏବଂ ରବିନ୍ଦ୍ର ଜାଡେଜା । ଉଭୟ ଯୋଡି ମଇଦାନରେ ଏକ ବଡ ଭାଗିଦାରୀ ଗଢିବାରେ ସଫଳ ହୋଇଛନ୍ତି । ଗୋଟିଏ ପଟେ ରବିନ୍ଦ୍ର ଜାଡେଜା ଠିଆ ହୋଇ ଅର୍ଦ୍ଧଶତକ ହାସଲ କରିଥିବା ବେଳେ ଆକ୍ରମଣାତ୍ମକ ବ୍ୟାଟିଂର ଜଲୱା ଦେଖାଇଛନ୍ତି ପନ୍ତ । ୮୯ ବଲରୁ ୧୫ ଚୌକା ଏବଂ ଗୋଟିଏ ଛକା ସହ ସେ ଏକ ଧୂଆଁଧାର ଶତକ ହାସଲ କରିଛନ୍ତି । ଏହା ସହିତ ଟେଷ୍ଟ କ୍ୟାରିୟରର ପଞ୍ଚମ ଶତକ ହାସଲ କରିଛନ୍ତି ଏହି ୱିକେଟ କିପର ବ୍ୟାଟ୍ସମ୍ୟାନ ।
📸📸
💯 @RishabhPant17 #ENGvIND pic.twitter.com/FCEjm2yseq
— BCCI (@BCCI) July 1, 2022
A special 💯 from @RishabhPant17 👌👏💯
This is his 5th in Test cricket and has come at a crucial moment for #TeamIndia
Live – https://t.co/LL20D1K7si #ENGvIND pic.twitter.com/Ajd0PgFrPZ
— BCCI (@BCCI) July 1, 2022
ଅନ୍ୟ ପକ୍ଷରେ ପନ୍ତଙ୍କ ଖୁବ ସାଥ ଦେଇଛନ୍ତି ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା । ୧୦୯ ବଲ ଖେଳି ଜାଡେଜା ନିଜ ଅର୍ଦ୍ଧଶତକ ହାସଲ କରିଛନ୍ତି । ବିପର୍ଯ୍ୟସ୍ତ ବ୍ୟାଟିଂ ଲାଇନ ଅପକୁ ସଜାଡିବାରେ ସଫଳ ହାସଲ କରିଛି ଏହି ଯୋଡି । ଭାରତୀୟ ଇନିଂସର ଷଷ୍ଠ ୱିକେଟ ପାର୍ଟନରସିପ ପାଇଁ ୨୦୦ରୁ ଅଧିକ ରନ ସଂଗ୍ରହ କରିବାରେ ଉଭୟ ଖେଳାଳି ସଫଳତା ପାଇ ସାରିଛନ୍ତି ।
FIFTY for @imjadeja 💥💥
He joins the party with his 18th Test half-century.
Live – https://t.co/xOyMtKJzWm #ENGvIND pic.twitter.com/9QwPkvfcTB
— BCCI (@BCCI) July 1, 2022
ଇଂଲଣ୍ଡର ବୋଲର ପ୍ରଥମରୁ ଟିମ ଇଣ୍ଡିଆ ଉପରେ ଚାପ ପକାଇ ରଖିଥିଲେ । ଜିମି ଆଣ୍ଡରସନ ଏବଂ ମ୍ୟାଟି ପଟସ ଭାରତୀୟ ଦଳର ଟପ ଅର୍ଡରକୁ ନଷ୍ଟ କରି ଦେଇଥିବା ବେଳେ ମିଡିଲ ଅର୍ଡର ବ୍ୟାଟ୍ସମ୍ୟାନଙ୍କୁ ମଧ୍ୟ ଖୁବ ବିଚଳିତ କରାଇଥିଲେ । ଫଳରେ କୌଣସି ବ୍ୟାଟ୍ସମ୍ୟାନ ୨୦ ଉପରକୁ ଯିବା ସମ୍ଭବ ହୋଇ ପାରି ନଥିଲା ।
