(Video)ଇଣ୍ଟି ମେଣ୍ଟରେ ଜଳଜଳ ହୋଇ ଦିଶିଲା ଫାଟ! ‘ପ୍ୟାରିସ୍ ଭଳି ଦିଲ୍ଲୀ’ କହି କେଜ୍ରିୱାଲଙ୍କୁ ରାହୁଲଙ୍କ କଟାକ୍ଷ
ନୂଆଦିଲ୍ଲୀ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଏବଂ କଂଗ୍ରେସ ସାସଂଦ ରାହୁଲ ଗାନ୍ଧୀଙ୍କ ମଧ୍ୟରେ କଥା କଟାକଟି । ରାହୁଲଙ୍କ ସମାଲୋଚନାରୁ ଇଣ୍ଡି ମେଣ୍ଟରେ ଫାଟ ଜଳ ଜଳ ହୋଇ ଦେଖାଯାଉଛି । ରାହୁଲ ଗାନ୍ଧୀ ଏହା ପୂର୍ବରୁ ସୋମବାର ସୀଲମପୁର ବିଧାନସଭା କ୍ଷେତ୍ରରେ ଏକ ନିର୍ବାଚନୀ ରାଲିରେ ମଧ୍ୟ କେଜ୍ରିଓ୍ବାଲଙ୍କ ଉପରେ ବର୍ଷିଥିଲେ ।
ଆଜି ରାହୁଲ ଗାନ୍ଧୀ ଏକ୍ସରେ ଏକ ପୋଷ୍ଟ କରି କ୍ୟାପ୍ସନ ଲେଖିଛନ୍ତି, ଏହା ହେଉଛି କେଜ୍ରିୱାଲଙ୍କ ଚମକୁଥିବା ଦିଲ୍ଲୀ – ପ୍ୟାରିସ ଭଳି ଦିଲ୍ଲୀ! ଭିଡିଓରେ ମଧ୍ୟ ରାହୁଲ କହୁଛନ୍ତି ଯେ, ଦେଖ ୟେ ଦିଲ୍ଲୀ ଦେଖ ପ୍ୟାରିସ ଭଳି ଚମକତା ଦିଲ୍ଲୀ ।
ତେବେ ଭିଡିଓରେ ଅନେକ ଫୁଟେଜ ସେୟାର କରିଛନ୍ତି ରାହୁଲ । କେଉଁଠି ରାସ୍ତା ନାହିଁ ତ ଆଉ କେଉଁ ସ୍ଥାନରେ ନାଳରେ ଅଳିଦା ଗଦା ହୋଇଥିବା ଦେଖାଯାଇଛି । ଏଭଳି ଆଜି ସିଧାସଳଖ ଆପ୍ କୁ ଟାର୍ଗେଟ କରିଛନ୍ତି ରାହୁଲ ।
ପ୍ରକାଶଥାଉକି, କେଜ୍ରିୱାଲ ପ୍ରତିଶ୍ରୁତି ଦେଇଥିଲେ ଯେ ପ୍ୟାରିସ ଓ ଲଣ୍ଡନ ଭଳି ଦିଲ୍ଲୀକୁ ସଫା କରିବା ସହିତ ଦିଲ୍ଲୀରେ ରାସ୍ତା ଓ ହସ୍ପିଟାଲ ଭିତ୍ତିଭୂମିକୁ ଉତ୍ତମ କରିବେ । ବର୍ତ୍ତମାନ ଇଣ୍ଡି ମେଣ୍ଟରେ ଫାଟ ଦେଖାଯାଇଥିବା ବେଳେ ସମାଲୋଚନା କରିଛନ୍ତି ରାହୁଲ ।
ये है केजरीवाल जी की ‘चमकती’ दिल्ली – पेरिस वाली दिल्ली!#SaafKaroDilli pic.twitter.com/ycSxZa4hUt
— Rahul Gandhi (@RahulGandhi) January 14, 2025
