(Video) ଦେଶର ଦୀର୍ଘତମ ସମୁଦ୍ର ପୋଲକୁ ଲୋକାର୍ପିତ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଜାଣନ୍ତୁ ଏହାର ୧୦ଟି ବଡ଼ କଥା
ମୁମ୍ବାଇ: ଭାରତର ଦୀର୍ଘତମ ସମୁଦ୍ର ପୋଲକୁ ଲୋକାର୍ପିତ କରାଗଲା । ଏହି ଅଟଳ ସେତୁର ଉଦଘାଟନ କରିଲେ ପ୍ରଧାନମନ୍ତ୍ରୀ ନରେନ୍ଦ ମୋଦୀ । ୧୮ ହଜାର କୋଟି ବ୍ୟୟରେ ତିଆରି ହୋଇଛି ଏହି ସେତୁ । ଏହି ସେତୁରେ ବାଇକ୍, ଟ୍ରାକ୍ଟର ଓ ଅଟୋ ଯିବା ପାଇଁ ଅନୁମତି ନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ଦେଶର ଦୀର୍ଘତମ ସମୁଦ୍ର ସେତୁ ମୁମ୍ବାଇ ଟ୍ରାନ୍ସ ହାରବର୍ ଲିଙ୍କ (MTHL) ର ଉଦଘାଟନ କରିଛନ୍ତି। ଅଟଳ ବିହାରୀ ବାଜପେୟୀ ସେୱ୍ରି ନାମକ ଏହି ସମୁଦ୍ର ବ୍ରିଜ୍ ଦକ୍ଷିଣ ମୁମ୍ବାଇକୁ ନାଭି ମୁମ୍ବାଇ ସହିତ ସଂଯୋଗ କରୁଛି ଏବଂ ବର୍ତ୍ତମାନ ଦୁଇ ଘଣ୍ଟାର ଯାତ୍ରା ମାତ୍ର ୧୫-୨୦ ମିନିଟ୍ ଲାଗିବ।
୨୧.୮ କିଲୋମିଟର ଲମ୍ବର ସେତୁ ୧୭,୮୪୦ କୋଟିରୁ ଅଧିକ ବ୍ୟୟରେ ନିର୍ମିତ ହୋଇଛି। ଡିସେମ୍ବର ୨୦୧୬ରେ ପ୍ରଧାନମନ୍ତ୍ରୀ ମୋଦୀ ସେତୁର ମୂଳଦୁଆ ପକାଇଥିଲେ ଏବଂ ଗତ ସାତ ବର୍ଷ ମଧ୍ୟରେ ଏହା ନିର୍ମାଣ କରାଯାଇଛି। ଏହି ସେତୁ ମୁମ୍ବାଇରୁ ପୁନେ, ଗୋଆ ଏବଂ ଦକ୍ଷିଣ ଭାରତ ପର୍ଯ୍ୟନ୍ତ ଯାତ୍ରା ସମୟ ହ୍ରାସ କରି ଉଭୟ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର ଏବଂ ନାଭି ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର ସହିତ ସଂଯୋଗ କରୁଛି। ଏଥିସହ, ଏହା ମୁମ୍ବାଇ ବନ୍ଦର ଏବଂ ଜବାହରଲାଲ ନେହେରୁ ବନ୍ଦର ମଧ୍ୟରେ ସଂଯୋଗକୁ ଉନ୍ନତ କରିବ।
୧୦ଟି ବଡ଼ କଥା:
-ମୁମ୍ବାଇରୁ ନବୀ ମୁମ୍ବାଇକୁ ଯାତ୍ରା କରିବା ପାଇଁ କେବଳ ୨୦ ମିନିଟ ସମୟ ଲାଗିବ । ଯାହା ବର୍ତ୍ତମାନ ୨ ଘଣ୍ଟା ସମୟ ଲାଗୁଛି । ଅଟଳ ସେତୁରୁ ମୁମ୍ବାଇ ଆନ୍ତର୍ଜାତୀୟ ବିମାନ ବନ୍ଦର ଏବଂ ନବୀ ମୁମ୍ବାଇ ଆନ୍ତର୍ଜାତୀୟ ବିମାନ ବନ୍ଦର ଏୟାରପୋର୍ଟ ମଧ୍ୟରେ କନେକଟିଭିଟି ମିଳିବ । ମୁମ୍ବାଇରୁ ପୁନେ, ଗୋଆ ଏବଂ ଦକ୍ଷିଣ ଭାରତ ଯାତ୍ରାର ସମୟ ମଧ୍ୟ କମ ହୋଇଯିବ ।
-ଅଟଳ ସେତୁର ନିର୍ମାଣରେ ହାରାହାରି ୧୭୭,୯୦୩ ମେଟ୍ରିକ ଟନ ଷ୍ଟିଲ ଏବଂ ୫୦୪,୨୫୩ ମେଟ୍ରିକ ଟନ ସିମେଣ୍ଟର ବ୍ୟବହାର କରାଯାଇଛି ।
-ଏହି ସେତୁର ନିର୍ମାଣ ପାଇଁ ୧୮,୦୦୦ କୋଟି ଟଙ୍କା ବ୍ୟୟ କରାଯାଇଛି । ସଂପୂର୍ଣ୍ଣ ନିର୍ମାଣ ହୋଇସାରିବା ପରେ ଦୈନିକ ୭୦,୦୦୦ ଯାନବାହନ ବ୍ରିଜ ଉପରେ ଚାଲିବ ବୋଲି ଆକଳନ କରାଯାଇଛି । ଏଥିସହ ଏହା ୧୦୦ ବର୍ଷ ପର୍ଯ୍ୟନ୍ତ ଚାଲିବ ।
-ବାହନ ଚଳକଙ୍କୁ ଏହି ବ୍ରିଜରେ ଘଣ୍ଟା ପ୍ରତି ୧୦୦ କିମି ସ୍ପିଡ ଯାତ୍ରା କରିବାକୁ ଅନୁମତି ଦିଆଯିବ । ଏଥିରେ ଅଟୋ, ବାଇକ, ରିକ୍ସା ଏବଂ ଟ୍ରାକ୍ଟର ଯିବା ପାଇଁ ଅନୁମତି ଦିଆଯିବନି ।
-ଏହି ବ୍ରିଜରେ ଲାଇଟିଙ୍ଗ ପୋଲ ଡିଜାଇନ କରାଯାଇଛି । ଘଡଘଡି ବିଜୁଳିର କ୍ଷତିରୁ ବଞ୍ଚିବା ପାଇଁ ଲାଇଟିଙ୍ଗ ପ୍ରୋଟେକ୍ସନ ସିଷ୍ଟମ ମଧ୍ୟ ଲଗାଯିବ ।
-ବ୍ରିଜର ଏକ ଅଂଶ ଫ୍ଲାମିଙ୍ଗୋ ସଂରକ୍ଷିତ ଅଞ୍ଚଳ ଏବଂ ଭବା ପରମାଣୁ ଅନୁସନ୍ଧାନ କେନ୍ଦ୍ର ଦେଇ ଯାଉଥିବାରୁ ସେୱ୍ରିରେ ୮.୫ କିଲୋମିଟର ଲମ୍ବା ଶବ୍ଦ ପ୍ରତିବନ୍ଧକ ଲଗାଯାଇଛି।
-୨୦୧୮ ରୁ ଏହି ପ୍ରକଳ୍ପ ସଂପୂର୍ଣ୍ଣ କରିବାକୁ ସମୁଦାୟ ୫,୪୦୩ ଶ୍ରମିକ ଏବଂ ଇଞ୍ଜିନିୟର କାର୍ଯ୍ୟ କରିଥିଲେ। ଏହି ପ୍ରକଳ୍ପରେ କାମ କରୁଥିବାବେଳେ ୭ ଜଣ ଶ୍ରମିକ ପ୍ରାଣ ହରାଇଛନ୍ତି।
-ମୁଖ୍ୟ ମୁମ୍ବାଇ-ପୁନେ ଏକ୍ସପ୍ରେସୱେ ସହିତ ସଂଯୋଗ କରିବାକୁ ଅଟଳ ସେତୁ ଡିଜାଇନ୍ କରାଯାଇଛି, ଯାହା ରାଜ୍ୟର ଦୁଇଟି ବଡ ସହର ମଧ୍ୟରେ ସଂଯୋଗକୁ ଆହୁରି ବଢାଇବ।
-ଆମକୁ ସ୍ପଷ୍ଟ ଭାବରେ ବୁଝିବାକୁ ହେବ ଯେ ଅନ୍ୟ ସମୁଦ୍ର ଲିଙ୍କ ପାଇଁ ଟୋଲ୍ ୮୫ ରୁ ୯୦ ଟଙ୍କା ଅଟେ। ସେହି ଅନୁପାତ ଅନୁଯାୟୀ ୫୦୦ ଟଙ୍କା ଏକ ବିପୁଳ ପରିମାଣ, କିନ୍ତୁ ସରକାର ଟୋଲରେ ଯିବାକୁ ୨୫୦ ଟଙ୍କା ସ୍ଥିର କରିଛନ୍ତି।
#WATCH | PM Modi inaugurates Atal Bihari Vajpayee Sewari – Nhava Sheva Atal Setu in Maharashtra
Atal Setu is the longest bridge in India and also the longest sea bridge in the country. It will provide faster connectivity to Mumbai International Airport and Navi Mumbai… pic.twitter.com/2GT2OUkVnC
— ANI (@ANI) January 12, 2024
