କରୋନା ଯୋଦ୍ଧାଙ୍କ ଏପରି ଫଟୋ ଦେଖିଲେ ଆପଣଙ୍କର ନିଦ ହଜିଯିବ
ଦେଶରେ କରୋନା ସଙ୍କଟ ବଢିବାରେ ଲାଗିଛି । ଲୋକଙ୍କୁ ସାବଧାନ କରିବା ଓ ତାଙ୍କୁ ବୁଝାଇବା ପାଇଁ ପୋଲିସକର୍ମୀମାନେ ଦିନରାତି ସଜାଗ ରହୁଛନ୍ତି । କେଉଁ ପୋଲିସକର୍ମୀ ଭୋକିଲା ଲୋକଙ୍କୁ ଖାଦ୍ୟ ଖୁଆଉଛି ତ ଆଉ କିଏ ସୂର୍ଯ୍ୟଙ୍କ ପ୍ରଖର କିରଣରେ ବସି ଡ୍ୟୁଟି ଦେଉଛି । ନିଜର କର୍ତ୍ତବ୍ୟକୁ ସଠିକ ଭାବେ ପାଳନ କରି ଦେଶରେ କରୋନା ଭାଇରସର ପରିସ୍ଥିତିକୁ ସମ୍ଭାଳିଛନ୍ତି । ଏହାରି ମଧ୍ୟରେ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି, ଯାହାକୁ ଦେଖିଲେ ଆପଣଙ୍କର ମଧ୍ୟ ନିଦ ହଜିଯିବ । ଫଟୋରେ ୨ ପୋଲିସ କର୍ମଚାରୀ ଥକିଯାଇ ରାସ୍ତା ଉପରେ ଶୋଇଥିବାର ନଜର ଆସିଛନ୍ତି ।
Isn’t comfortable bed and an eight hour sleep such a luxury ?
Yes it is… if you are a cop !
Proud of these #CoronaWarriors pic.twitter.com/3H9ZrZupNp— Madhur Verma (@IPSMadhurVerma) April 24, 2020
ଅରୁଣାଚଳପ୍ରଦେଶର ଡିଆଇଜି ମଧୁର ବର୍ମା ନାମକ ଜଣେ ଆଇପିଏସ୍ ଅଫିସର ଏହି ଫଟୋକୁ ନିଜର ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଏହି ଫଟୋରେ ଦେଖାଯାଉଥିବା ୨ ପୋଲିସକର୍ମୀ ଡ୍ୟୁଟି ଦେଇ ଥକିଯିବା ପରେ ରାସ୍ତା ଉପରେ ଶୋଇପଡିଛନ୍ତି । ଏପରିକି ଶୋଇବା ସମୟରେ ନିଜ ଜୋତା ମଧ୍ୟ କାଢିନାହାନ୍ତି । ଫଟୋକୁ ଦେଖିବାକୁ ପରେ ପୋଲିସ କର୍ମୀଙ୍କୁ ସଲାମ୍ କରୁଛନ୍ତି ଲୋକେ ।
