(Video) ଭଗବାନଙ୍କୁ ବି ଛାଡ଼ିଲେନି! ଘରର ମନ୍ଦିରରେ ଲୁଚାଇଥିଲେ ବେଆଇନ ମଦ, ଏପରି ଖୋଜିଲା ପୋଲିସ
ମଦ ଚୋରା ଚାଲାଣକାରୀମାନେ ବେଆଇନ ମଦ ବିକ୍ରି ପାଇଁ ଅନେକ ଅଜବ ଆଇଡିଆ ବାହାର କରନ୍ତି । କେତେକ ଲୋକ ଗାଡ଼ିର ଡୋରରେ ଲୁଚାଇ ରଖନ୍ତି ତ’ ଆଉ କେଉଁ ସ୍ଥାନରେ ହ୍ୟାଣ୍ଡ ପମ୍ପରୁ ମଦ ବାହାରେ । ବର୍ତ୍ତମାନ ଏହି ମଦ ଚୋରା ଚାଲାଣ ସହ ଜଡିତ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛିି । ଏହି ଭିଡିଓରେ ପୋଲିସ ଟିମ୍ ବେଆଇନ ମଦ ପାଇଁ ଏକ ଘର ଉପରେ କରୁଛି ଏବଂ ଏହି ସମୟ ମଧ୍ୟରେ ସେମାନେ ମନ୍ଦିର ତଳେ ଥିବା ଏକ ବାକ୍ସରେ ମଦ ବୋତଲ ପାଇଛନ୍ତି । ଏଭଳି ଘଟଣା ମହାରାଷ୍ଟ୍ରରେ ଘଟିଥିବା ଜଣାପଡିଛି ।
ବେଆଇନ ମଦ ଖୋଜିବା ପାଇଁ ମହାରାଷ୍ଟ୍ରର ୱାର୍ଡ଼ରେ ଥିବା ଏକ ଘରେ ପହଞ୍ଚିଥିଲା ପୋଲିସ । ଘରେ ଥିବା କାଠ ମନ୍ଦିର ତଳେ ଡ୍ରୟାରରେ ବହୁ ମଦ ବୋତଲ ଲୁଚି ରହିଥିବାର ଦେଖି ପୋଲିସ ଆଶ୍ଚର୍ଯ୍ୟ ହୋଇଥିଲା । ସେଠାରେ ଜଣେ ମହିଳା ବେଆଇନ ମଦ ବିକ୍ରି କରୁଥିଲେ । ପୋଲିସର ଚଢ଼ାଉକୁ ଏଡାଇବା ପାଇଁ ସେ ବୋତଲଗୁଡ଼ିକୁ ମନ୍ଦିର ତଳେ ଲୁଚାଇ ରଖିଥିଲେ । ଯେତେବେଳେ କେହି ପୋଲିସକୁ ସୂଚନା ଦେଇଥିଲେ, ପୋଲିସ ଘରେ ପହଞ୍ଚି ଚଢ଼ାଉ କରିଥିଲା । ସେଠାରୁ ପୋଲିସ ଅନେକ ବୋତଲ ମଦ ଜବତ କରିଥିଲା । ଏହି ଘଟଣାର ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଦେଖନ୍ତୁ ଭାଇରାଲ ଭିଡିଓ…
ରିପୋର୍ଟ ଅନୁଯାୟୀ, ପୋଲିସ ସୂଚନା ପାଇଥିଲା ଯେ ଜଣେ ମହିଳା ମନ୍ଦିର ତଳେ ନିର୍ମିତ ବାକ୍ସରେ ମଦ ବୋତଲ ଲୁଚାଉଥିଲେ, ଯାହା ଦ୍ୱାରା ପୋଲିସ ଚଢ଼ାଉ କଲେ କିଛି ପାଇବ ନାହିଁ । ଏହି ଚଢ଼ାଉରେ ଉଦ୍ଧାର ହୋଇଥିବା ବୋତଲଗୁଡ଼ିକୁ ପୋଲିସ ଜବତ କରିଛି । ଏବେ ମହିଳାଙ୍କ ବିରୋଧରେ ମାମଲା ରୁଜୁ କରି ଅଧିକ ତଦନ୍ତ କରୁଛି । ପୋଲିସ୍ ସନ୍ଦେହ କରୁଛି ଯେ, ଏହିପରି ଅନେକ ଲୋକ ଅଜବ ଆଇଡିଆ ବ୍ୟବହାର କରି ବେଆଇନ ମଦ କାରବାରରେ ଜଡିତ ଅଛନ୍ତି । ତେଣୁ ପୋଲିସ ଆକ୍ସନ ମୋଡକୁ ଆସି ଅଧିକ ତଦନ୍ତ ଆରମ୍ଭ କରିଛି ।
शराब तस्कर महिला ने भगवान को भी नही छोड़ा..
पुलिस से बचने के लिए शराब की बोतले, मंदिर के नीचे बने बक्से में छुपा कर रखा था.
महाराष्ट्र के वर्धा की घटना.
वर्धा में शराबबंदी है. pic.twitter.com/OF5pWsVtM3
— Vivek Gupta (@imvivekgupta) December 13, 2022
