ପାକିସ୍ତାନରେ ରାଜନୈତିକ ଝଡ଼: ଇମ୍ରାନ ଖାନଙ୍କ ଗେଟ୍ ଭାଙ୍ଗି ଘରେ ପଶିଲା ପୋଲିସ
ନୁଆଦିଲ୍ଲୀ: ପାକିସ୍ତାନରେ ଇମ୍ରାନ୍ ଖାନ୍ଙ୍କ ଗିରଫକୁ ନେଇ ରାଜନୈତିକ ହଲଚଲ ଜାରି ରହିଛି । ଏଭଳି ସମୟରେ ପାକିସ୍ତାନ ତେହେରିକ-ଇ-ଇନସାଫ ଦଳର ମୁଖ୍ୟ ତଥା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ତୋସାଖାନା ମାମଲାର ଶୁଣାଣି ପାଇଁ ଶନିବାର ଇସଲାମାବାଦ ଯାଇଥିଲେ । ଏହି ସମୟରେ ଜମାନ ପାର୍କରେ ଥିବା ତାଙ୍କ ଘରେ ପଞ୍ଜାବ ପୋଲିସ ଚଢାଉ କରିଥିଲା । ପାକିସ୍ତାନୀ ଗଣମାଧ୍ୟମ ରିପୋର୍ଟରେ ଏହା ସ୍ପଷ୍ଟ ଜଣାପଡୁଛି ଯେ ପଞ୍ଜାବ ପୋଲିସ ଇମ୍ରାନଙ୍କ ଘର ଫାଟକରେ ବୁଲଡୋଜର ମଡ଼ାଇ ଭିତରକୁ ପସିଥିଲା । ଏହି ସମୟରେ କିଛି ସମର୍ଥକ ପୋଲିସ ମୁହାଁମୁହିଁ ହେବାକୁ ଚେଷ୍ଟା କରିଥିଲେ । ତେବେ ପୋଲିସ ୨୦ ଜଣଙ୍କୁ ଗିରଫ କରି ସମର୍ଥକଙ୍କ ଉପରେ ବଳ ପ୍ରୟୋଗ କରିଥିଲା ।
ପୋଲିସର ଏହି କାର୍ଯ୍ୟାନୁଷ୍ଠାନ ପରେ ଇମ୍ରାନ୍ ଖାନ୍ ତିବ୍ର ପ୍ରତିକ୍ରିୟା ପ୍ରକାଶ କରିଛନ୍ତି । ସେ କହିଛନ୍ତି ଯେ, ଘରେ ତାଙ୍କର ସ୍ତ୍ରୀ ବୁଶରା ବେଗମ ଏକୁଟିଆ ଅଛନ୍ତି । ତେବେ କେଉଁ ଆଇନ୍ ବଳରେ ଲାହୋର ପୋଲିସ ଏହି ପଦକ୍ଷେପ ନେଲା ବୋଲି ସେ ପ୍ରଶ୍ନ କରିଛନ୍ତି । ଏହା ଲଣ୍ଡନ ଯୋଜନାର ଏକ ଅଂଶ, ଯେଉଁଠାରେ ପଳାତକ ନୱାଜ ସରିଫଙ୍କୁ କ୍ଷମତାକୁ ଆଣିବା ପାଇଁ ଏହି ଯୋଜନା କରାଯାଇଛି ।
पाकिस्तान के पूर्व PM इमरान खान की तोशखाना मामले की आज इस्लामाबाद के एक कोर्ट में सुनवाई होनी है। इस दौरान पुलिस लाहौर में इमरान खान के आवास पर पहुंची।
पाकिस्तान के जियो न्यूज के मुताबिक पंजाब पुलिस ने पार्टी के 20 से ज्यादा कार्यकर्ताओं को गिरफ्तार किया है। https://t.co/6WUKmDE787 pic.twitter.com/eJWdfzdUBV
— ANI_HindiNews (@AHindinews) March 18, 2023
ଏହାପୂର୍ବରୁ ଇମ୍ରାନଙ୍କ କନଭେନରେ ଏକ ଗାଡି ଇସଲାମାବାଦ ଯିବା ବାଟରେ ଦୁର୍ଘଟଣାର ସମ୍ମୁଖୀନ ହୋଇଥିଲା। ଏହି ଘଟଣାରେ କେହି ଆହତ ହୋଇନାହାଁନ୍ତି ବୋଲି କୁହାଯାଇଛି। ତେବେ ଦୁଇଟି ଗାଡି ନଷ୍ଟ ହୋଇଯାଇଛି। ଏହି ଘଟଣା ପରେ ଇମ୍ରାନ ଖାନ ଟୁଇଟ୍ କରି କହିଛନ୍ତି ଯେ ଏହା ସ୍ପଷ୍ଟ ଯେ ସମସ୍ତ ମାମଲାରେ ଜାମିନ ପାଇବା ପରେ ମଧ୍ୟ ପାକିସ୍ତାନ ଡେମୋକ୍ରାଟିକ୍ ମୁଭମେଣ୍ଟ (ପିଡିଏମ୍) ମିଳିତ ସରକାର ମୋତେ ଗିରଫ କରିବାକୁ ଚାହୁଁଛନ୍ତି। ସେମାନଙ୍କର ଉଦ୍ଦେଶ୍ୟମୂଳକ କାର୍ଯ୍ୟ ସତ୍ୱେ ମୁଁ ଇସଲାମାବାଦ ଯାଉଛି। କୋର୍ଟକୁ ଯିବା କାରଣ ମୁଁ ଆଇନର ନିୟମ ଉପରେ ବିଶ୍ୱାସ କରେ। ”
ସେ କହିଛନ୍ତି ଯେ ଏହା ସ୍ପଷ୍ଟ ଯେ ଲାହୋରରେ ମୋ ଘର ନିକଟରେ ଯାହା ଘଟିଲା ତାହା ମୋତେ କୌଣସି ମାମଲାରେ କୋର୍ଟରେ ହାଜର କରିବା ନୁହେଁ, ବରଂ ମୋତେ ଜେଲରେ ରଖିବା ଯାହାଦ୍ୱାରା ମୁଁ ନିର୍ବାଚନ ପ୍ରଚାରର ନେତୃତ୍ୱ ନେଇପାରିବି ନାହିଁ। ମୁଁ କରିପାରେ।
