କ୍ୱାରେଣ୍ଟାଇନ୍ ସେଣ୍ଟରରେ ରୋଷେୟାର ଧମାକେଦାର ଡ୍ୟାନ୍ସ, ଲୋକ କହିଲେ-‘ ଏ ହେଉଛି ପ୍ରକୃତ ପ୍ରତିଭା’
ପ୍ରକୃତ ଟ୍ୟାଲେଣ୍ଟ ବା ପ୍ରତିଭା କୌଣସି ସମୟ ବା ପରିସ୍ଥିତି ଖାତିର କରେନାହିଁ । ପରିସ୍ଥିତି ଯାହା ହେଉ ନା କାହିଁକି, ଯଦି ଜଣେ ବ୍ୟକ୍ତିର ପ୍ରତିଭା ଥାଏ ତେବେ ସେ ନିଜ ପାଇଁ ପ୍ଲାଟଫର୍ମ ତିଆରି କରିନେବ । ନିକଟରେ ଏଭଳି ଜଣେ ଟ୍ୟାଲେଣ୍ଟ୍ ବ୍ୟକ୍ତିଙ୍କ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓ ବିହାରର କାଟିହର ଜିଲ୍ଲାର ଏକ କ୍ୱାରେଣ୍ଟାଇନ୍ ସେଣ୍ଟରରୁ ହୋଇଥିବା ଜଣାପଡିଛି ।
କାଟିହରର ସ୍ୱର୍ଗୀୟ ଲକ୍ଷ୍ମଣ ମଣ୍ଡଳ ମାଧ୍ୟମିକ ଉଚ୍ଚ ବିଦ୍ୟାଳୟର କ୍ୱାରେଣ୍ଟାଇନରେ ରୋଷେଇ କରୁଥିବା ଜଣେ ବ୍ୟକ୍ତିଙ୍କ ଡ୍ୟାନ୍ସ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ବ୍ୟକ୍ତି ଜଣକ ପୁରୁଣା ପ୍ରସିଦ୍ଧ ଗୀତ ‘ଏକ ଚତୁର ନାର’ରେ ଧମାକେଦାର ଡ୍ୟାନ୍ସ କରିଛନ୍ତି ।
ଭିଡିଓକୁ ଦେବେନ୍ଦ୍ର ନାମକ ଜଣେ ବ୍ୟକ୍ତି ଟ୍ୱିଟର ଆକାଉଣ୍ଟରେ ସେୟାର କରିଥିବା ବେଳେ କ୍ୟାପ୍ସନରେ ଲେଖିଛନ୍ତି ଯେ, ଏହି ଭିଡିଓ ବିହାରର କାଟିହର କ୍ୱାରେଣ୍ଟାଇନ୍ କେନ୍ଦ୍ରରୁ ଆସିଛି । ବିହାର ଲୋକଙ୍କ ଉତ୍ସବଧାର୍ମିକତା କାହାଠାରୁ କମ୍ ନୁହେଁ । ଏଭଳି ସଙ୍କଟ ମଧ୍ୟରେ ବି ଜଣେ ବ୍ୟକ୍ତି ନିଜ ଷ୍ଟାଇଲ୍ ହିସାବରେ ବଞ୍ଚିପାରେ ।’
ये वीडियो क्लिप, बिहार के कटिहार जिले के एक #कोरंटाइन सेंटर का है। बिहार के लोगों की उत्सवधर्मिता किसी से भी कम नहीं है। आश्चर्य होता है कि संकट के इस दौर में कोई व्यक्ति जीवन को इस अंदाज में भी जी सकता है। जिंदगी के प्रति अद्भुत रागात्मकता और जिजीविषा #बिहारी मानस की पहचान है। pic.twitter.com/PPnC9xP4YO
— Devendra N. Tiwari (देवेंद्र) (@JournoDev) June 6, 2020
ତେବେ କ୍ୱାରେଣ୍ଟାଇନରେ ରୋଷେଇ କରୁଥିବା ରିଙ୍କୁ ଗାଁରେ ଏକ ଛୋଟ ହୋଟେଲ ଚଳାନ୍ତି । କିନ୍ତୁ ପିଲାବେଳୁ ତାଙ୍କର ଡ୍ୟାନ୍ସ କରିବାରେ ଇଛା । କ୍ୱାରେଣ୍ଟାଇନ ସେଣ୍ଟରରେ ଲୋକମାନେ ବିଚଳିତ ଥିବାରୁ ରୋଷେଇ ପରେ ରିଙ୍କୁ ଡ୍ୟାନ୍ସ କରି ସେମାନଙ୍କ ମୁହଁରେ ଖୁସି ଆଣିଥାନ୍ତି ।
