(Video) ‘ଭାରତ ମାଆ କିଏ’? ଭାଇରାଲ ହେବାରେ ଲାଗିଛି ରାହୁଲ ଗାନ୍ଧୀଙ୍କ ଏହି ବିବୃତ୍ତି
ନୂଆଦିଲ୍ଲୀ: ରାଜସ୍ଥାନରେ ଏକ ରାଲିରେ ରାହୁଲ ଗାନ୍ଧୀଙ୍କ କୌତୁହଳପୂର୍ଣ୍ଣ ପ୍ରଶ୍ନକୁ ନେଇ ଏକ ଭିଡିଓ ଭାଇରାଲ ହୋଇଛି। ଯେଉଁଥିରେ ସେ ପ୍ରଶ୍ନ କରିଛନ୍ତି ଯେ “ଭାରତ ମାଆ କିଏ?” ବର୍ତ୍ତମାନ ଏହା ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେବାରେ ଲାଗିଛି। ସେ ଭାଷଣ ଦେବାର କିଛି ସମୟ ମଧ୍ୟରେ ଏହି ଭିଡିଓଟି ଶୀଘ୍ର ଭାଇରାଲ ହୋଇ ବିଭିନ୍ନ ଅନଲାଇନ୍ ପ୍ଲାଟଫର୍ମରେ ପ୍ରତିକ୍ରିୟା ଏବଂ ବ୍ୟାଖ୍ୟାର ଝଡ଼ ସୃଷ୍ଟି କରିଛି ।
ରାହୁଲ ଗାନ୍ଧୀଙ୍କ ବକ୍ତବ୍ୟରେ ଦେଇଥିବା ଏହି ପ୍ରଶ୍ନକୁ ନେଇ ବିଭିନ୍ନ ବ୍ୟାଖ୍ୟାର କେନ୍ଦ୍ରବିନ୍ଦୁ ପାଲଟିଛି ଏବଂ ଅନଲାଇନରେ ଏହି ପ୍ରଶ୍ନକୁ ହାସ୍ୟାସ୍ପଦ ବୋଲି କୁହାଯାଉଛି। ରାଲିରେ ରାହୁଲ ଗାନ୍ଧୀ ଦେଇଥିବା ବକ୍ତବ୍ୟର ଉଦ୍ଦେଶ୍ୟ ଅଲଗା ଥିବାବେଳେ ନେଟ୍ଜେନ୍ମାନେ ମିମ ଏବଂ ବ୍ୟଙ୍ଗାତ୍ମକ ପୋଷ୍ଟ ସୃଷ୍ଟି କରିବାର ସୁଯୋଗ ନେଇ ଗୁଜବ ସୃଷ୍ଟି କରିଛନ୍ତି। ରାହୁଲ ଗାନ୍ଧୀ ରାଜସ୍ଥାନର ବୁଣ୍ଡିରେ ଏକ ରାଲିରେ ଭାଷଣ ଦେଉଥିବା ବେଳେ ଏହା କହିଛନ୍ତି ଯେ ‘ଭାରତ ମାତା କି ଜୟ’ ବଦଳରେ ପ୍ରଧାନମନ୍ତ୍ରୀ ‘ଆଦାନୀ ଜୀ କି ଜୟ’ କହିବା ଉଚିତ କାରଣ ସେ ତାଙ୍କ ପାଇଁ କାମ କରନ୍ତି।
ଭାରତୀୟ ଜନତା ପାର୍ଟି (ବିଜେପି) ସରକାରଙ୍କ ଅଧୀନରେ ଅଯଥା ଭାବେ ସୁବିଧା ପାଇଁ ଅଭିଯୋଗ କରି କଂଗ୍ରେସ ନେତା କ୍ରମାଗତ ଭାବରେ ଆଦାନୀ ଗୋଷ୍ଠୀକୁ ଟାର୍ଗେଟ କରୁଛନ୍ତି। ଆମେରିକାର ରିସର୍ଚ୍ଚ ଗ୍ରୁପ୍ ହିଡେନବର୍ଗଙ୍କ ଅଭିଯୋଗକୁ ଦୃଷ୍ଟିରେ ରଖି ମିଳିତ ସଂସଦୀୟ କମିଟି ଯାଞ୍ଚ ପାଇଁ ଦଳର ଦାବି ସରକାର ଏବଂ କର୍ପୋରେଟ୍ ସଂସ୍ଥାଗୁଡ଼ିକ ମଧ୍ୟରେ ଥିବା ସମ୍ପର୍କକୁ ନେଇ ତୀକ୍ଷ୍ଣ ରାଜନୈତିକ ବିବାଦ ସୃଷ୍ଟି କରିଛି।
भारत माता है कौन? : पप्पु#PappuChronicles pic.twitter.com/OSumYGuB2u
— Suresh Nakhua (सुरेश नाखुआ) 🇮🇳 (@SureshNakhua) November 19, 2023
