ନୂଆ ଅନ୍ଦାଜରେ ନଜର ଆସିଲେ ରାହୁଲ ଗାନ୍ଧୀ: ଭାଇରାଲ ହେଉଛି ଫଟୋ
ନୂଆଦିଲ୍ଲୀ: ଭାରତ ଯୋଡୋ ଯାତ୍ରା ସମାପ୍ତ ହେବା ପରେ ବଦଳି ଯାଇଛି ରାହୁଲ ଗାନ୍ଧୀଙ୍କ ହାବଭାବ । ବର୍ତ୍ତମାନ ମଜାଦାର ମୁଡରେ ତାଙ୍କୁ ଦେଖିବାକୁ ମିଳୁଛି । ନିକଟରେ କାଶ୍ମୀର ଗୁଲମର୍ଗର ବରଫାଛନ୍ନ ପାହାଡରେ ରାହୁଲଙ୍କୁ ସ୍କେଟିଙ୍ଗର ମଜା ନେଉଥିବାର ଦେଖାଯାଇଛି । ଏହି ସମୟର କିଛି ଭିଡିଓ ଏବେ ଖୁବ ଭାଇରାଲ ହେବାରେ ଲାଗିଛି । ଦୀର୍ଘ ଦିନର ଯାତ୍ରା ପରେ ଏଠାରେ ସେ ଛୁଟି ମନାଉଛନ୍ତି ।
ଗୁଲମର୍ଗର ବରଫ ଚାଦରରେ ସ୍କେଟିଙ୍ଗ କରିବା ପରେ ସେଠାରେ ଅନେକ ପର୍ଯ୍ୟଟକଙ୍କ ସହ ସେଲଫି ନେଇଥିଲେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । କାଶ୍ମୀରର ଗୁଲମର୍ଗରେ ସ୍କେଟିଙ୍ଗ କରି ସେ ଛୁଟି ସମୟକୁ ଭରପୂର ଉପଭୋଗ କରୁଛନ୍ତି । ତେବେ ଏହି ସମୟରେ କିଛି ପର୍ଯ୍ୟଟକ ତାଙ୍କ ସହ ସେଲଫି ନେଇଥିବା ବେଳେ ଏହି ଫଟୋ ସୋସିଆଲ ମିଡିଆରେ ଏବେ ଖୁବ ଭାଇରାଲ ହେବାରେ ଲାଗିଛି । ଫଟୋରେ ରାହୁଲ ଏକ କମା ରଙ୍ଗର ଜ୍ୟାକେଟ ସାଙ୍ଗକୁ କଳା ଚଷମା ଏବଂ ସ୍କେଟିଙ୍ଗ ଷ୍ଟିକ ସହିତ ଠିଆ ହୋଇଥିବାର ଦେଖାଯାଇଛି ।
ତେବେ କିଛି ଲୋକ ରାହୁଲଙ୍କ ଏହି ମସ୍ତି ମୁଡକୁ ସମୟ ନଷ୍ଟ ବୋଲି କହୁଥିବା ବେଳେ କିଛି ଲୋକ ଏହାକୁ ସମର୍ଥନ କରିଛନ୍ତି । ଭାରତ ଯୋଡୋ ଯାତ୍ରା ପରେ ଏହା ଏକ ଜରୁରୀ ଛୁଟି ବୋଲି କହିଛି କଂଗ୍ରେସ । ରାହୁଲ ଗାନ୍ଧୀଙ୍କୁ ଅନେକ ସମର୍ଥକ ଆଗାମୀ ପ୍ରଧାନମନ୍ତ୍ରୀ ବୋଲି ମଧ୍ୟ ଆଖ୍ୟା ଦେଇଛନ୍ତି ।
