ପୁଣି ଆଳୁ ଗୋଦାମରେ ଚଢ଼ାଉ, ଚଢ଼ା ଦରରେ ଆଳୁ ବିକ୍ରି ଅଭିଯୋଗ

ଭୁବନେଶ୍ୱର: ଭୁବନେଶ୍ୱର ସ୍ଥିତ ଆଇଗିଣିଆ ଆଳୁ ଗୋଦାମରେ ଚଢ଼ାଉ । ଚଢ଼ା ଦରରେ ଆଳୁ ବିକ୍ରି ଅଭିଯୋଗରେ ଯୋଗାଣ ବିଭାଗ ପକ୍ଷରୁ ଏହି ଚଢ଼ାଉ କରାଯାଇଛି ।

ଆଳୁ ଗୋଦାମ ମାଲିକଙ୍କ କହିବାନୁଯାୟୀ ପଶ୍ଚିମବଙ୍ଗରୁ ୨ ଆଳୁଗାଡ଼ି ଆସିଥିବା ବେଳେ ଉତ୍ତରପ୍ରଦେଶରୁ କୌଣସି ଆଳୁ ଗାଡ଼ି ଆସିନାହିଁ । ପଶ୍ଚିମବଙ୍ଗରୁ ଆସିଥିବା ସମସ୍ତ ଆଳୁ ବିକ୍ରି ସରିଥିବା ବେଳେ ବର୍ତ୍ତମାନ ଷ୍ଟକରେ ଅଭାବ ଦେଖାଦେଇଛି । ଏହାର ଆପୂର୍ତ୍ତି ପାଇଁ ୧୫ରୁ ୨୦ ଆଳୁ ଗାଡ଼ି ଆବଶ୍ୟକ । ଗୋଟିଏ ପଟେ ଆଳୁ ଅଭାବକୁ ଅନ୍ୟପଟେ ଗ୍ରାହକଙ୍କ ମଧ୍ୟରେ ଏହାର ଚାହିଦାକୁ ଦୃଷ୍ଟିରେ ରଖି କଳାବଜାରି ବୃଦ୍ଧି ପାଉଛି ।