ରଶ୍ମିକାଙ୍କ ଗୋଡ଼ରେ ଆଘାତ, ବିମାନବନ୍ଦରରେ ଛୋଟେଇ ଛୋଟେଇ ଗଲେ ଶ୍ରୀବଲୀ

ନୂଆଦିଲ୍ଲୀ: ଶ୍ରୀବଲୀଙ୍କ ସହ ଘଟିଲା ଅଘଟଣ। ନିଜ ସୋସିଆଲ ମିଡ଼ିଆରେ ପୋଷ୍ଟ କରି ସୂଚନା ଦେଲେ ବଲିଉଡ଼ର ଆଗଧାଡିର ଅଭିନେତ୍ରୀ ରଶ୍ମିକା ମନ୍ଦାନା। ଯାହାକୁ ଶୁଣି ତାଙ୍କ ପ୍ରଶଂସକମାନେ ଦୁଃଖ ପ୍ରକାଶ କରିଛନ୍ତି।

ରଶ୍ମିକାଙ୍କ ଗୋଡ଼ରେ ଆଘାତ ଲାଗିଥିବା ନେଇ ସେ ଏକ ପୋଷ୍ଟ ଶେୟାର କରିଛନ୍ତି। ଜିମ୍ କରିବା ସମୟରେ ତାଙ୍କ ଗୋଡରେ ଆଘାତ ଲାଗିଥିବା ସେ ସୂଚନା ଦେଇଛନ୍ତି।

ହାଇଦ୍ରାବାଦରୁ ମୁମ୍ବାଇ ଯାଉଥିବାବେଳେ ତାଙ୍କୁ ବିମାନବନ୍ଦରରେ ଦେଖିବାକୁ ମିଳିଥିଲା। ଏହି ସମୟରେ ସେ ତାଙ୍କ ମୁହଁକୁ ଲୁଚାଇ ଦେଇଥିଲେ ଏବଂ ଛୋଟେଇ ଛୋଟେଇ ଚାଲୁଥିବାର ନଜର ଆସିଥିଲେ।

ଯନ୍ତ୍ରଣା ପରେ ବି କାମ: ଏହି ଫଟୋରେ ରଶ୍ମିକା ତାଙ୍କ ମୁଣ୍ଡରେ ଏକ ଟୋପି ଏବଂ ମୁହଁରେ ମାସ୍କ ପିନ୍ଧିଛନ୍ତି। ତାଙ୍କ ଗୋଡରେ ପ୍ଲାଷ୍ଟର ହୋଇଛି। ସେ କାରରୁ ଓହ୍ଲାଇ ହ୍ୱିଲ୍‌ ଚେୟାରକୁ ଯାଉଛନ୍ତି।

ଏହା ପରେ ତାଙ୍କୁ ହ୍ୱିଲ୍‌ ଚେୟାରରେ ବସେଇ ବିମାନବନ୍ଦର ଭିତରକୁ ନିଆଯାଉଥିବା ଦେଖାଯାଉଛି। ଯନ୍ତ୍ରଣା ସତ୍ତ୍ୱେ ଏଭଳି ପରିସ୍ଥିତିରେ ରଶ୍ମିକା କାମ କରୁଥିବା ଦେଖି ପ୍ରଶଂସକମାନେ ତାଙ୍କର ଶୀଘ୍ର ଆରୋଗ୍ୟ ପାଇଁ କାମନା କରିଛନ୍ତି।

ପୋଷ୍ଟ ଉପରେ କମେଣ୍ଟ: ପ୍ରଶଂସକମାନେ ରଶ୍ମିକାଙ୍କ ଭିଡିଓ ଉପରେ ଭିନ୍ନ ଭିନ୍ନ ମତ ଦେଉଛନ୍ତି ଏବଂ ତାଙ୍କର ଶୀଘ୍ର ଆରୋଗ୍ୟ କାମନା କରୁଛନ୍ତି।

ଜଣେ ଲେଖିଛନ୍ତି ଶୀଘ୍ର ସୁସ୍ଥ ହୋଇଯାଅ ଶ୍ରୀବଲୀ। ଆଉ ଜଣେ ଲେଖିଛନ୍ତି ଆମେ ଆପଣଙ୍କୁ ଏହି ଅବସ୍ଥାରେ ଦେଖିପାରୁ ନାହୁଁ, ଶୀଘ୍ର ସୁସ୍ଥ ହୋଇଯାଅ।