୨୨୦ କୋଟି ଲୋକଙ୍କ ଉପରେ ବଡ଼ ବିପଦ, ଘାଣ୍ଟିହେବ ଭାରତ-ପାକିସ୍ତାନ: ଏହି ରୋଗର ଆଶଙ୍କା ବଢ଼ିଯିବ ବୋଲି ରିସର୍ଚ୍ଚରୁ ଭୟଙ୍କର ଖୁଲାସା
ନୂଆଦିଲ୍ଲୀ: ବିଶ୍ୱ ତାପମାତ୍ରାକୁ ନେଇ ଏକ ରିସର୍ଚ୍ଚରେ ଭୟଙ୍କର ଖୁଲାସା ହୋଇଛି । ଅନୁସନ୍ଧାନରୁ ଜଣାପଡିଛି ଯେ ଯଦି ବିଶ୍ୱର ତାପମାତ୍ରା ୨ ଡିଗ୍ରୀ ସେଲସିୟସ ବଢ଼ିଯାଏ, ତେବେ ଭାରତ ଏବଂ ପାକିସ୍ତାନ ସମେତ ଅନେକ ଦେଶର ୨୨୦ କୋଟିରୁ ଅଧିକ ଲୋକଙ୍କୁ ମାରାତ୍ମକ ଗରମର ସମ୍ମୁଖୀନ ହେବାକୁ ପଡିବ ।
ଅନୁସନ୍ଧାନରୁ ଜଣାପଡିଛି ଯେ, ତାପମାତ୍ରା ବୃଦ୍ଧି ପରେ ଲୋକଙ୍କ ମଧ୍ୟରେ ହିଟଷ୍ଟ୍ରୋକ୍ ଏବଂ ହୃଦଘାତ ହେବାର ଆଶଙ୍କା ଯଥେଷ୍ଟ ବୃଦ୍ଧି ପାଇବ । ଅନୁସନ୍ଧାନରୁ ଜଣାପଡିଛି ଯେ ଉତ୍ତର ଭାରତ, ପୂର୍ବ ପାକିସ୍ତାନ, ପୂର୍ବ ଚୀନ୍ ଏବଂ ଉପ-ସାହାରା ଆଫ୍ରିକାକୁ ସର୍ବାଧିକ ଆର୍ଦ୍ରତା ସହ ଉତ୍ତାପର ସମ୍ମୁଖୀନ ହେବାକୁ ପଡିପାରେ ।
ଉଚ୍ଚ ଆର୍ଦ୍ରତା ସହିତ ହିଟୱେଭର ବିପଦ :-
ରିସର୍ଚ୍ଚ ଅନୁଯାୟୀ, ଯଦି ତାପମାତ୍ରା ବଢ଼େ, ତେବେ ଏହି ଦେଶର ଲୋକଙ୍କୁ ଉଚ୍ଚ ଆର୍ଦ୍ରତା ସହିତ ହିଟୱେଭର ସାମ୍ନା କରିବାକୁ ପଡିବ, ଯାହା ଅତ୍ୟନ୍ତ ବିପଜ୍ଜନକ ହୋଇପାରେ । ଅନୁସନ୍ଧାନରୁ ଜଣାପଡିଛି ଯେ ଜଳବାୟୁ ପରିବର୍ତ୍ତନ ହେତୁ ବିଶ୍ୱ ତାପମାତ୍ରା ବୃଦ୍ଧି ପାଉଛି । ବଡ କଥା ହେଉଛି ପୃଥିବୀର ତାପମାତ୍ରା ପ୍ରାୟ ୧.୧୫ ଡିଗ୍ରୀ ସେଲସିୟସ ବୃଦ୍ଧି ପାଇଛି । ଶିଳ୍ପ ବିପ୍ଳବର ଆରମ୍ଭରୁ ଏହି ବୃଦ୍ଧି ମୁଖ୍ୟତଃ ବିକଶିତ ଦେଶରୁ ବାୟୁମଣ୍ଡଳରେ କାର୍ବନ ଡାଇଅକ୍ସାଇଡ୍ ରିଲିଜ୍ ସହିତ ଜଡିତ ।
ତାପମାତ୍ରା ୩ ଡିଗ୍ରୀ ସେଲସିୟସ ବୃଦ୍ଧି ପାଇପାରେ :-
ଜଳବାୟୁ ପରିବର୍ତ୍ତନ ଉପରେ ୨୦୧୫ ରେ ୧୯୬ ଦେଶ ପ୍ୟାରିସ୍ ଚୁକ୍ତିନାମା ସ୍ୱାକ୍ଷର କରିଥିଲେ, ଯାହାର ଉଦ୍ଦେଶ୍ୟ ଥିଲା ବିଶ୍ୱର ତାପମାତ୍ରା ବୃଦ୍ଧିକୁ ପୂର୍ବ ଶିଳ୍ପ ସ୍ତରରୁ ୧.୫ ଡିଗ୍ରୀ ସେଲସିୟସରେ ସୀମିତ ରଖିବା । ଏହାକୁ ନେଇ ଦୁନିଆର ପ୍ରମୁଖ ଜଳବାୟୁ ବୈଜ୍ଞାନିକଙ୍କ ଦ୍ୱାରା ଗଠିତ ଆଇପିସିସି ଚେତାବନୀ ଦେଇଛି । ସଂସ୍ଥାର କହିବା ମୁତାବକ, ବ୍ୟବସାୟ ଭଳି ସାଧାରଣ ଉପାୟରେ ତାପମାତ୍ରା ପ୍ରାୟ ୩ ଡିଗ୍ରି ସେଲସିୟସ୍ ବଢ଼ିବାର ସମ୍ଭାବନା ରହିଛି ।
ଜଳବାୟୁ ପରିବର୍ତ୍ତନର ଭୟଙ୍କର ପ୍ରଭାବକୁ ଅଟକାଇବା ଜରୁରୀ :-
ଜଳବାୟୁ ପରିବର୍ତ୍ତନର ଭୟଙ୍କର ପ୍ରଭାବକୁ ରୋକିବା ପାଇଁ ୨୦୧୯ ତୁଳନାରେ ୨୦୩୦ ସୁଦ୍ଧା ନିର୍ଗମନରେ ଅଧା ହ୍ରାସ କରିବାକୁ ପଡିବ ବୋଲି ଆଇପିସିସି ପରାମର୍ଶ ଦେଇଛି । ଏହା ସହିତ ବିଶ୍ୱର ହାରାହାରି ତାପମାତ୍ରାର ବୃଦ୍ଧି ୧.୫ ଡିଗ୍ରୀ ସେଲସିୟସରେ ସୀମିତ ହୋଇପାରେ । ସର୍ବଭାରତୀୟ ଏଜେନ୍ସିଗୁଡିକ ଦାବି କରିଛନ୍ତି ଯେ, ଗତ ଚାରିମାସ, ଜୁନ୍, ଜୁଲାଇ, ଅଗଷ୍ଟ ଏବଂ ସେପ୍ଟେମ୍ବର ରେକର୍ଡ ସ୍ତରରେ ସବୁଠାରୁ ଉତ୍ତପ୍ତ ହୋଇଛି । ଚିନ୍ତାର ବିଷୟ ହେଉଛି ୨୦୨୩ ସବୁଠୁ ଗରମ ବର୍ଷ ହେବାକୁ ଯାଉଛି ।
