ବଡ ଧରଣର ଦୁର୍ଘଟଣା! ଭାରସାମ୍ୟ ହରାଇ ଓଲଟିଲା ଭୁବନେଶ୍ବର ଆସୁଥିବା ବସ୍, ଜଣେ ମୃତ 30 ଆହତ

ଭୁବନେଶ୍ବର: ଦଶପଲ୍ଲାରେ ବଡ ଧରଣର ବସ୍ ଦୁର୍ଘଟଣା ହୋଇଛି । ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ 30 ଜଣ ଆହତ ହୋଇଥିବା ଜଣାପଜିଛି । ନୂଆ ଗାଁ ଥାନା ସୋରଡା ଥାନାରେ ଏହି ଦୁର୍ଘଟଣା ଘଟିଛି । ତେବେ ଗଛକୁ ପିଟି ହୋଇ ରାସ୍ତାରେ ଓଲଟି ପଡିଛି ବସ୍ । ତେବେ ଦୁର୍ଘଟଣା ପରେ ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ହସ୍ପିଟାଲକୁ ଭର୍ତ୍ତି କରିଛନ୍ତି । ଜଣେ ଯାତ୍ରୀଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି । 40ରୁ ଅଧିକ ଯାତ୍ରୀଙ୍କୁ ନେଇ ରାଇକିଆରୁ ଭୁବନେଶ୍ବର ଆସୁଥିବା ବସ୍ । ତେବେ ଦୁର୍ଘଟଣାର ପ୍ରକୃତ କାରଣ ସ୍ପଷ୍ଟ ହୋଇନଥିବା ବେଳେ ଦ୍ରୁତ ଗତି ଯୋଗୁଁ ଦୁର୍ଘଟଣା ହୋଇଥିବା ଅନୁମାନ କରାଯାଉଛି । ତେବେ ଆହତ 30 ଯାତ୍ରୀଙ୍କ ମଧ୍ୟରୁ କିଛି ଜଣ ଗୁରୁତର ରହିଥିବା ନେଇ ମଧ୍ୟ ସୂଚନା ମିଳିଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି ।