ସରିଲା ରଥ ନିର୍ମାଣ, ଆଜି ରଥଗଡ଼ାରେ ନେତ ଉତ୍ସବ, କାଲି ରୁକୁଣା ରଥଯାତ୍ରା

ରୁକୁଣା ରଥଯାତ୍ରାରେ ନିୟୋଜିତ ହେବେ 13 ପ୍ଲାଟୁନ ଫୋର୍ସ ପୋଲିସ ।

ଭୁବନେଶ୍ବର: ଆଉ ଦିନକ ପରେ ରୁକୁଣା ରଥଯାତ୍ରା । ଧାର୍ଯ୍ୟ ସମୟରେ ମହାପ୍ରଭୁ ଲିଙ୍ଗରାଜଙ୍କର ରୁକୁଣା ରଥ କାର୍ଯ୍ୟ ଶେଷ ହେଇଥିବା ବେଳେ ଗୁରୁବାର ସନ୍ଧ୍ୟାରେ ଏହାକୁ ହସ୍ତାନ୍ତର କରିଛନ୍ତି ମହାରଣା ସେବାୟତ ।

ଏହାପରେ ପୂର୍ତ୍ତ ବିଭାଗ ପକ୍ଷରୁ ଯାଞ୍ଚ କରାଯାଇଥିବା ବେଳେ ଆଡି ରଥଗଡ଼ାରେ ନେତ ଉତ୍ସବ କରାଯିବ । ସନ୍ଧ୍ୟା ଧୂପ ପରେ ଏହା ଆରମ୍ଭ ହେବ । ତେବେ ଆଜି ହେବାକୁ ଥିବା ନେତ ଉତ୍ସବରେ ଗଜପତିଙ୍କ ପ୍ରତିନିଧି ରାଜଗୁରୁ ସେବାୟତ ।

କଣ ରହିଛି ନିୟମ- ସେବାୟତମାନେ ମୁକ୍ତେଶ୍ବର ମନ୍ଦିରରେ ଥିବା ମରିଚି କୁଣ୍ଡରୁ ରଥ ପ୍ରତିଷ୍ଠା ନିମନ୍ତେ ପାଣି ଗରା ଆଣିବେ । ତେବେ ପ୍ରଥମ ଗରା ପାଣି ରଥ ପ୍ରତିଷ୍ଠା ପାଇଁ ଯିବ । ଏହାର ପରବର୍ତ୍ତି ଗରାକୁ ନିଃସ୍ତାନ ଦମ୍ପତିଙ୍କୁ ନିଲାମ କରାଯିବ ।

ମହାଖଳା ଗଡ଼ାରେ ଠାକୁରଙ୍କ ରଥ ପ୍ରତିଷ୍ଠା ଏବଂ ପଞ୍ଚବକ ପୂଜା କରାଯିବ । ଏହାପରେ ରଥରେ ନେତ ଲାଗି କରାଯିବ । ଯଦି ରଥ ପ୍ରତିଷ୍ଠା ଠିକ୍ ଭାବେ ସମାପନ ହେବ ତାହେଲେ ଶନିବାର ମଧ୍ୟ ନିର୍ଦ୍ଦାରିତ ସମୟରେ ରଥଟଣା ହେବ ।

ରଥଯାତ୍ରାରେ ସୁରକ୍ଷା ନିମନ୍ତେ ଡିସିପିଙ୍କ ନେତୃତ୍ବରେ 13 ପ୍ଲାଟୁନ ଫୋର୍ସ ମୁତୟନ କରାଯିବ ।