କୁକୁର ପିଠିରେ ବସି ଆକାଶରେ ଉଡ଼ିଲେ ସାଣ୍ଟା କ୍ଲଜ୍; ଭିଡିଓ ହେଲା ଭାଇରାଲ
ଡିସେମ୍ବର ମାସ ଆସିଲେ ଅନେକ ଦେଶରେ ଖ୍ରୀଷ୍ଟମାସ ପାଳନ ହୁଏ । ଖ୍ରୀଷ୍ଟମାସ ପାଶ୍ଚାତ୍ୟ ଦେଶ ମାନଙ୍କରେ ସବୁଠାରୁ ବଡ ପର୍ବ ଭାବରେ ଜଣାଶୁଣା । ଯେଉଁଠାରେ ଖ୍ରୀଷ୍ଟମାସ ଗଛକୁ ସଜାଇବା ସହିତ ଲାଲ୍ ପୋଷାକରେ ଆସିଥିବା ସାଣ୍ଟା କ୍ଲଜ୍ ମଧ୍ୟ ପିଲାମାନଙ୍କୁ ଉପହାର ଦିଅନ୍ତି । ଯେଉଁଥି ପାଇଁ ପିଲାମାନେ ମଧ୍ୟ ବହୁତ ଖୁସି ହୋଇଥାନ୍ତି । କିନ୍ତୁ ଏହି ପର୍ବ ବର୍ତ୍ତମାନ କୌଣସି ଦେଶ କିମ୍ବା ଅଞ୍ଚଳରେ ସୀମିତ ନୁହେଁ । ସମସ୍ତେ ନିଜ ଇଚ୍ଛା ପାଇଁ ଏଥିରେ ଯୋଗ ଦେଉଛନ୍ତି । ଏଭଳି ପରିସ୍ଥିତିରେ ସାଣ୍ଟା କ୍ଲଜଙ୍କର ଏପରି ଏକ ଭିଡିଓ ଭାଇରାଲ ହୋଇଛି ଯାହା ଲୋକଙ୍କୁ ଆଶ୍ଚର୍ଯ୍ୟ କରିଛି ।
ଇନଷ୍ଟାଗ୍ରାମରେ ସେୟାର କରାଯାଇଥିବା ଏହି ଭିଡିଓରେ, ଲୋକମାନେ ସାଣ୍ଟା କ୍ଲଜକୁ ନାଲି ରଙ୍ଗର ବସ୍ତ୍ର ଏବଂ ଧଳା ଦାଢିି ସହିତ କୁକୁର ପଛରେ ବସିଥିବାର ଦେଖି ଆଶ୍ଚର୍ଯ୍ୟ ହୋଇଥିଲେ । ବାସ୍ତବରେ, ସାଣ୍ଟା କ୍ଲଜ୍ ରୂପରେ ଥିବା ବ୍ୟକ୍ତି ତାଙ୍କ କୁକୁର ଉକା ସହିତ ପାରାଗ୍ଲାଇଡିଂ କରିବାକୁ ଯାଇଥିଲେ, ଯେଉଁ ଦୃଶ୍ୟ ବହୁତ ଆକର୍ଷଣୀୟ ହୋଇଥିଲା । ଏହି ଭିଡିଓକୁ ୯ ଲକ୍ଷରୁ ଅଧିକ ଲାଇକ୍ ମିଳି ସାରିଛି ।
ଭାଇରାଲ ଭିଡିଓରେ ସାଣ୍ଟା କ୍ଲଜ୍ କୁକୁର ସହିତ ଆକାଶରେ ଉଡୁଥିଲେ । ତେବେ ଖ୍ରୀଷ୍ଟମାସ ନିକଟତର ହେଉଥିବାରୁ ସାଣ୍ଟା କ୍ଲଜ୍ ରୂପରେ ଥିବା ବ୍ୟକ୍ତି ନିଜ କୁକୁର ସହିତ ପାରାଗ୍ଲାଇଡିଂ କରୁଥିବା ବେଳେ କ୍ୟାମେରାରେ କଏଦ ହୋଇଥିଲା । ଏହି କୁକୁରର ନାମ ହେଉଛି ‘ଉକା’ । ଏହି କୁକୁରଟି ତାର ମାଲିକ ସହିତ ଏପରି ଦୁଃସାହସିକ କାର୍ଯ୍ୟ କରିବାକୁ ଭଲ ପାଏ ବୋଲି ଜଣା ପଡ଼ିଛି ।
