ସତୀଶ କୌଶିକ ମୃତ୍ୟୁ ମାମଲା ଅପଡେଟ୍ : ଫାର୍ମହାଉସ ମାଲିକ ବିକାଶ ମାଲୁଙ୍କ ପତ୍ନୀଙ୍କ ସାଂଘାତିକ ଅଭିଯୋଗ, ପୋଲିସ ନଷ୍ଟ କରୁଛି ପ୍ରମାଣ
ନୂଆଦିଲ୍ଲୀ : ବଲିଉଡ ଅଭିନେତା-ନିର୍ଦ୍ଦେଶକ ସତୀଶ କୌଶିକଙ୍କ ରହସ୍ୟମୟ ମୃତ୍ୟୁ ମାମଲାରେ ନୂଆ ଅପଡେଟ୍ ଆସିଛି । ବ୍ୟବସାୟୀ ତଥା ଫାର୍ମହାଉସ ମାଲିକ ବିକାଶ ମାଲୁ ପତ୍ନୀ ଅଭିଯୋଗ କରିଛନ୍ତି ଯେ, ପୋଲିସ ତାଙ୍କ ସ୍ୱାମୀଙ୍କ ବିରୋଧରେ ଥିବା ସେ ପ୍ରମାଣ ନଷ୍ଟ କରୁଛି । ତେଣୁ ଏହି ମାମଲାର ଯାଞ୍ଚ ପାଇର୍ ପୋଲି ଅଧିକାରୀ ବଦଳାଇବାକୁ ଦାବି କରିଛନ୍ତି ।
ମହିଳା ଦାବି କରିଛନ୍ତି ଯେ, ସତୀଶ କୌଶିକ ତାଙ୍କ ସ୍ୱାମୀଙ୍କ ବିଜନେସରେ ୧୫ କୋଟି ଟଙ୍କା ବିନିଯୋଗ କରିଥିଲେ । ଏବଂ ପରେ ଟଙ୍କା ଫେରସ୍ତ ପାଇଁ ସେ ଦାବି କରିଥିଲେ। ସେ ଅଭିଯୋଗ କରିଛନ୍ତି ଯେ ତାଙ୍କ ସ୍ୱାମୀ ସତୀଶ କୌଶିକଙ୍କୁ ଟଙ୍କା ଫେରସ୍ତ କରିବାକୁ ଚାହୁଁନାହାଁନ୍ତି ଏବଂ ସେମାନଙ୍କ ଫାର୍ମ ହାଉସରେ ଓଭର ଡୋଜ୍ ମେଡିସିନ୍ ଦେଇ ହତ୍ୟା କରିଛନ୍ତି ।
ମହିଳା ଜଣକ କହିଛନ୍ତି, ଇନ୍ସପେକ୍ଟର / ଆଇଓ ବିଜୟ ସିଂ ଅଭିଯୁକ୍ତ ବିକାଶ ମାଲୁ ଏବଂ ତାଙ୍କ ସହଯୋଗୀମାନଙ୍କ ସହିତ ସଂପୂର୍ଣ୍ଣ ଭାବେ ସହଯୋଗ କରୁଛନ୍ତି । ସମସ୍ତ ଅଭିଯୁକ୍ତ ଫାର୍ମ ହାଉସରେ ଥିଲେ ମଧ୍ୟ ଇନ୍ସପେକ୍ଟର ବିଜୟ ସିଂ ସେମାନଙ୍କୁ ଗିରଫ କରିବା ପରିବର୍ତ୍ତେ ଖସିଯିବାକୁ ସୁଯୋଗ ଦେଇଥିଲେ। ସେ ଆହୁରି ଅଭିଯୋଗ କରିଛନ୍ତି ଯେ, ସିସିଟିଭି ଫୁଟେଜକୁ ଏପର୍ଯ୍ୟନ୍ତ ଜବତ କରାଯାଇ ନାହିଁ । ୧୦ ଦିନର ନୋଟିସ ଦିଆଯାଇଛି । ତେଣୁ ସେ ବିକାଶ ମାଲୁଙ୍କୁ ସିସିଟିଭି ଫୁଟେଜ ନଷ୍ଟ କରିବାକୁ ପର୍ୟ୍ୟାପ୍ତ ସୁଯୋଗ ଦେଇଥିଲେ। ସେ କହିଛନ୍ତି ଯେ ମୁଁ ଏହାକୁ ପ୍ରମାଣ କରିବା ପାଇଁ ଭିଡିଓ ରେକର୍ଡିଂ ଯୋଗାଇ ପାରିବି।
