ବିଜୁଳିକୁ ଡରି ଗଛ ତଳେ ବସିଥିଲେ, ହେଲେ ହଠାତ ମାରିଦେଲା…
Seven killed, three injured in lightning strike in Baloda Bazar
ଛତିଶଗଡ: ପେଟ ପୋଶିବା ପାଇଁ ଜମିରେ କାମ କରିବାକୁ ଯାଉଥିଲେ ଚାଷୀ । ଭାବିଥିଲେ କାମ ସାରି ଘରକୁ ଫେରିବେ । ହେଲେ ହଠାତ୍ ବର୍ଷା କାରଣରୁ ଘରକୁ ଫେରୁଥିବା ବେଳେ ବାଟରେ ଛପି ବସିଥିଲା ଯମ । ଅଧାରେ ରହିଗଲା ଘର ବାହୁଡା । ରାସ୍ତାରେ ବିଜୁଳି ମାରିବାକୁ ଟଳିପଡିଲେ ଚାଷୀ । 7ଜଣ ଚାଷୀଙ୍କର ମୃତ୍ୟୁ ହୋଇଥିବା ବେଳେ 3ଜଣ ଆହତ ହୋଇଥିବା ଜଣାପଡିଛି । ଆହତମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଛତିଶଗଡର ବଲୋଦା ବଜାରରୁ ସାମ୍ନାକୁ ଆସିଛି ଏଭଳି ଦୁଃଖଦ ଘଟଣା । ପ୍ରକାଶଥାଇକି ବର୍ଷା ଏବଂ ବିଜୁଳି ନେଇ ପୂର୍ବରୁ ପାଣିପାଗ ବିଭାଗ ଦ୍ବାରା ଆଲର୍ଟ ଜାରି କରାଯାଇଥିଲା ।
ତେବେ ଅତିରିକ୍ତ ପୋଲିସ ଅଧୀକ୍ଷକ ଅଭିଶେକ ସିଂ କହିଛନ୍ତି, ଚାଷୀମାନେ ଜମିରୁ ଫେରିବା ବେଳେ ହଠାତ୍ ବର୍ଷା ହୋଇଥିଲା । ଏହି କାରଣରୁ ସେମାନେ ସମସ୍ତେ ମୋହତରା ଗଛ ତଳେ ଆଶ୍ରୟ ନେଇଥିଲେ । ହେଲେ ହଠାତ୍ ବିଜୁଳି ମାରିବା କାରଣରୁ ଏହି ଅଘଟଣ ଘଟିଯାଇଛି । ତେବେ ଯେଉଁମାନେ ହସ୍ପିଟାଲରେ ଭର୍ତ୍ତି ହୋଇଛନ୍ତି, ସେମାନଙ୍କ ସ୍ବାସ୍ଥ୍ୟବସ୍ଥା ନେଇ କୌଣସି ସୂଚନା ମିଳିପାରି ନାହିଁ ।
