(Video) She is Available at 150 Rupees… ବିଦେଶୀ ମହିଳା ପର୍ଯ୍ୟଟକଙ୍କ ରେଟ୍ କହୁଛନ୍ତି ଇନଷ୍ଟାଗ୍ରାମ ୟୁଜର
ନୂଆଦିଲ୍ଲୀ: ଇନଷ୍ଟାଗ୍ରାମ ରିଲ୍ସ ବାହାନାରେ ବିଦେଶୀ ମହିଳା ପର୍ଯ୍ୟଟକଙ୍କ ସହ ଅସଦାଚରଣ କରୁଛନ୍ତି ଯୁବକ । ଏ ନେଇ ଏକ ଭିଡିଓ ଭାଇରାଲ ହେବା ପରେ ସମ୍ପୃକ୍ତ ଯୁବକଙ୍କ ନାଁରେ ଅଭିଯୋଗ ହୋଇଛି । ଯୁବକ ଜଣକ ଇନଷ୍ଟାଗ୍ରାମ ୟୁଜର ବୋଲି ନିଜକୁ ପରିଚୟ ଦେବା ସହିତ ରିଲ୍ସ କରୁଥିବା ସେ ସଫେଇ ଦେଇଛନ୍ତି । ଏହି ଭିଡିଓରେ ୟୁଜର ଜଣକ ବିଦେଶୀ ପର୍ଯ୍ୟଟକ ମହିଳାମାନଙ୍କ ମୂଲ୍ୟାଙ୍କନ କରୁଥିବାର ଦେଖାଯାଇଛି । ବିଦେଶୀନୀ ପର୍ଯ୍ୟଟକମାନଙ୍କୁ ହସି ହସି ଖରାପ ଭାଷାରେ ବ୍ୟବହାର କରିବା ସହ ସେମାନେ ୧୫୦, ୨୦୦ ଏବଂ ୫୦୦ ଟଙ୍କାରେ ମିଳୁଥିବା ଭିଡିଓରେ କହିଛନ୍ତି । ଏହାକୁ ନେଇ ଜୟପୁର ପୋଲିସ ନିକଟରେ ଏକ ଅଭିଯୋଗ ପରେ ଯୁବକକୁ ଗିରଫ କରିବା ପାଇଁ ଦାବି ହୋଇଛି ।
Guys like these are the reason why international tourists have bad experience in India. @jaipur_police should arrest this guy for harassing tourists and teach him basic civic sense and the meaning of Atithi Devo Bhava. pic.twitter.com/I59AymLtHQ
— Madhur Singh (@ThePlacardGuy) June 22, 2024
ଜଣେ ଟ୍ୱିଟର ୟୁଜର ଏହି ଭିଡିଓ ସେୟାର କରି ଯୁବକକର କାର୍ଯ୍ୟକଳାପକୁ ନିନ୍ଦା କରିଛନ୍ତି । ସେ ଲେଖିଛନ୍ତି ଯେ, ଏଭଳି ଲୋକମାନଙ୍କ ପାଇଁ ବିଦେଶୀ ପର୍ଯ୍ୟଟକମାନଙ୍କ ଦୃଷ୍ଟିରେ ଭାରତ ପ୍ରତି ଭ୍ରାନ୍ତ ଧାରଣା ସୃଷ୍ଟି ହେଉଛି । ମହିଳା ପର୍ଯ୍ୟଟକମାନଙ୍କୁ ଅସଦାଚରଣ କରୁଥିବା ଏହି ଯୁବକକୁ ଜୟପୁର ପୋଲିସ ଗିରଫ ଉଚିତ୍ । ଏହାସହିତ ଯୁବକକୁ ସାମାଜିକ ଜ୍ଞାନ ଏବଂ ‘ଅତିଥି ଦେବୋ ଭବଃ’ର ଅର୍ଥ ବୁଝାଇ ଦେବା ପାଇଁ ସେ ନିବେଦନ କରିଛନ୍ତି ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଗୁରୁ ନାମକ ଏହି ଯୁବକ ୪ ଜଣ ଅଜଣା ମହିଳା ପର୍ଯ୍ୟଟକଙ୍କ ପାଖକୁ ଯାଇ ସେମାନଙ୍କୁ ମୂଲ୍ୟାଙ୍କନ କରୁଥିବାର ଦେଖାଯାଇଛି । ପ୍ରଥମ ମହିଳାଙ୍କୁ ଇଙ୍ଗିତ କରି ସେ କହିଛି ଯେ, ଏହି ମହିଳା ୧୫୦ ଟଙ୍କାରେ ଉପଲବ୍ଧ, ଦ୍ୱିତୀୟ ମହିଳାଙ୍କୁ ୨୦୦, ତୃତୀୟ ମହିଳା ୫୦୦ ଏବଂ ଚତୁର୍ଥ ମହିଳା ୩୦୦ ଟଙ୍କାରେ ମିଳୁଥିବା କହି ଭିଡିଓ ରେକର୍ଡ କରିଛି । ତେବେ ଗୁରୁକୁ ପର୍ଯ୍ୟଟକମାନେ ଜାଣି ନଥିବା ବେଳେ ସେମାନଙ୍କ ମୁହଁରେ ଏହା ସ୍ପଷ୍ଟ ବାରି ହେଉଛି । କିନ୍ତୁ ଗୁରୁ ମୋବାଇଲରେ ଭିଡିଓ କରୁଥିବାର ଦେଖି ସେ ମଧ୍ୟ ହାତ ହଲାଇ ଦେଇଛନ୍ତି ।
जबतक ऐसे असामाजिक तत्व जयपुर में हैं,
तब तक देश के सबसे चर्चित टूरिस्ट प्लेस जयपुर क्या
कोई भी टूरिस्ट प्लेस सुरक्षित नहीं है।ऐसे लोगों के कारण ही अंतर्राष्ट्रीय पर्यटकों को
भारत में बुरा अनुभव करना पड़ता है 😳😳@jaipur_police को पर्यटकों को परेशान करने के लिए इस आदमी को… pic.twitter.com/XGi7pjyC2d— Prof. Sudhanshu Trivedi (@Sudanshutrivedi) June 23, 2024
ଅନ୍ୟ ଏକ ଭିଡିଓରେ ଜଣେ ମହିଳାଙ୍କୁ ନିଜ ପତ୍ନୀ ବୋଲି କହିବା ସହ ମହିଳାଙ୍କ ସ୍ୱାମୀଙ୍କୁ ଗୁରୁ ନିଜ ସଳା(ପତ୍ନୀଙ୍କ ଭାଇ) ବୋଲି କହି ଭିଡିଓ ଅପଲୋଡ କରିଛି । ଏଭଳି ଅନେକ ଭିଡିଓରେ ଗୁରୁ ଏଭଳି ପର୍ଯ୍ୟଟକମାନଙ୍କୁ ଅସଦାଚରଣ କରୁଥିବାର ଦେଖାଯାଇଛି । ଇନଷ୍ଟାଗ୍ରାମ ରିଲ୍ ନାଁରେ ବିଦେଶୀ ପର୍ଯ୍ୟଟକମାନଙ୍କୁ ଏହିପରି ଭାବରେ ହଇରାଣ କରୁଥିବା ନେଇ ଗୁରୁ ବିରୋଧରେ ଅଭିଯୋଗ କରାଯାଇଛି । ଟ୍ୱିଟର ପୋଷ୍ଟରେ ଜୟପୁର ପୋଲିସକୁ ଟ୍ୟାଗ କରି ଗୁରୁକୁ ଗିରଫ କରିବା ପାଇଁ ଦାବି କରାଯାଇଛି । ତେବେ ଗୁରୁ ବିରୋଧରେ ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଉଚ୍ଚ କର୍ତ୍ତୃପକ୍ଷଙ୍କ ତରଫରୁ ନିର୍ଦ୍ଦେଶ ମିଳିଥିବା ଜୟପୁର ପୋଲିସ ସୂଚନା ଦେଇଛି ।
A friend who lives in Jaipur has confirmed that she has seen him harassing tourists many times. This boy is a tour guide at Amer Fort. He roams around Amer and Jaigarh. He was once thrashed by a local group of boys for his behaviour inside the fort. Guess he needs jail treatment.
— Madhur Singh (@ThePlacardGuy) June 22, 2024
