ଶୁଟ୍ଆଉଟ୍ @ କୋର୍ଟ କ୍ୟାମ୍ପସ୍ ; କୋର୍ଟରେ ହାଜର ପାଇଁ ଆସିଥିବା କଏଦୀଙ୍କ ଉପରେ ଗୁଳି ବର୍ଷା, ଘଟଣାସ୍ଥଳରେ ମୃତ୍ୟୁ
ନୂଆଦିଲ୍ଲୀ : କୁହାଯାଏ ଅପରାଧୀମାନେ ନିର୍ଭୀକ । କାହାକୁ ଡର ଭୟ ନାହିଁ । ରାତି ଅଧ ହେବା ଦିନ ଦ୍ୱିପ୍ରହର ସେମାନେ ଯେକୌଣସି ସମୟରେ ଯେକୌଣସି ସ୍ଥାନରେ ଖୁଲୁମ୍ଖୁଲା ଭାବରେ ଅପରାଡଧ ଘଟାଇ ପାରିବେ । ଏହା କେବଳ ଫିଲ୍ମ ରେ ଦେଖାଯାଏ ତାହା ନୁହେଁ , ବାସ୍ତବରେ ମଧ୍ୟ ଏଭଳି ଘଟଣା ଘଟୁଛି ।
ଦିନ ଦ୍ୱିପ୍ରହରରେ କୋର୍ଟ ପରିସର ମଧ୍ୟରେ ଅପରାଧୀମାନେ ହତ୍ୟାକାଣ୍ଡ ଘଟାଇଛନ୍ତି । ମିଳିଥିବା ସୂଚନା ଅନୁଯାୟୀ, ମଙ୍ଗଳବାର ଦିନ ସିଭିଲ କୋର୍ଟରେ ହାଜର ହେବାକୁ ଆସିଥିବା ଏକ କଏଦୀଙ୍କୁ ଗୁଳି ଫୁଟାଇ ହତ୍ୟା କରାଯାଇଛି । ଏହି ଘଟଣାଟି ଘଟିଛି ବିହାରରେ । ଏହି ଘଟଣାଟି କୋର୍ଟ କ୍ୟାମ୍ପସ ବରଣ୍ଡାରେ ଘଟିଛି ।
ପ୍ରତ୍ୟକ୍ଷଦର୍ଶୀ କନଷ୍ଟେବଳଙ୍କ ସୂଚନା ଅନୁଯାୟୀ, କଏଦୀଙ୍କୁ ହାଜର କରିବା ପାଇଁ କୋଠରୀ ମଧ୍ୟକୁ ନେଇ ଯାଉଥିବା ବେଳେ ତିନି-ଚାରିଜଣ ଅପରାଧୀ ତାଙ୍କ ଉପରକୁ ହଠାତ୍ ଆଖିବୁଜା ଗୁଳି ଚଳାଇଥିଲେ । ଘଟଣାସ୍ଥଳରେ ହିଁ କଏଦୀ ଜଣଙ୍କ ଟଳି ପଡିଥିଲେ, ସେଠାରେ ତାଙ୍କର ମୃତ୍ୟୁ ହୋଇଥିଲା ।
ମୃତକଙ୍କ ନାମ ପ୍ରଭାକର ପଣ୍ଡିତ ବୋଲି କୁହାଯାଉଛି । ଯିଏ ମଙ୍ଗଳବାର ସିଭିଲ କୋର୍ଟରେ ହାଜର ହେବାକୁ ଆସିଥିଲେ। ଏହି ହତ୍ୟାକାଣ୍ଡ ପରେ କୋର୍ଟରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ଘଟଣା ସମ୍ପର୍କରେ ସୂଚନା ପାଇ ଏସପି ଲିପି ସିଂ ମଧ୍ୟ ତଦନ୍ତ ପାଇଁ ପହଞ୍ଚିଥିଲେ।