Stock Market : ଷ୍ଟକ ମାର୍କେଟରେ ଅଭିବୃଦ୍ଧି, ୧୭୫୦ ପଏଣ୍ଟ ଉପରକୁ ଉଠିଲା ସେନସେକ୍ସ
ଜାଣନ୍ତୁ କେଉଁ ଷ୍ଟକର ସର୍ବାଧିକ ବୃଦ୍ଧି
ନୂଆଦିଲ୍ଲୀ: ଆରବିଆଇ ରେପୋ ରେଟ୍ ହ୍ରାସ ଠାରୁ ଆରମ୍ଭ କରି ଟ୍ରମ୍ପଙ୍କ ଇଲେକ୍ଟ୍ରୋନିକ୍ସ ଉପରେ ଶୁଳ୍କରୁ ମୁକ୍ତି ଦେବା ପର୍ଯ୍ୟନ୍ତ, ଏସୀୟ ବଜାରରୁ ଭାରତୀୟ ବଜାର ପର୍ଯ୍ୟନ୍ତ ସବୁକିଛି ଏକ ବୁଷ୍ଟର ଡୋଜ୍ ଭାବରେ କାମ କରିଛି । ଗୋଟିଏ ପଟେ ଏସୀୟ ବଜାରରେ ଉତ୍ସାହ ଥିଲା, ଅନ୍ୟପଟେ ମଙ୍ଗଳବାର ଭାରତୀୟ ସେୟାର ବଜାର ମଧ୍ୟ ଉଚ୍ଛୁକତା ଦେଖାଦେଇଛି । ମାତ୍ର ୧୦ ସେକେଣ୍ଡ ମଧ୍ୟରେ ପ୍ରାୟ ୬ ଲକ୍ଷ କୋଟି ଟଙ୍କାର ବର୍ଷା ହୋଇଛି ।
ପ୍ରାରମ୍ଭିକ ବ୍ୟବସାୟରେ, ସେନସେକ୍ସ ପ୍ରାୟ 1,500 ପଏଣ୍ଟ କିମ୍ବା 2 ପ୍ରତିଶତ ବୃଦ୍ଧି ପାଇଥିଲା। ସକାଳ 9.27 ସମୟରେ, ସେନସେକ୍ସ 1576.45 ପଏଣ୍ଟ କିମ୍ବା 2.10 ପ୍ରତିଶତ ବୃଦ୍ଧି ପାଇ 76,733.71 ରେ ପହଞ୍ଚିଥିଲା।
ଅନ୍ୟପଟେ ନିଫ୍ଟି 470 ପଏଣ୍ଟ କିମ୍ବା 2.06 ପ୍ରତିଶତ ବୃଦ୍ଧି ପାଇ 23,298.75 ରେ ପହଞ୍ଚିଛି । ବ୍ୟାଙ୍କ ନିଫ୍ଟି ୧୧୦୦ ପଏଣ୍ଟରୁ ଅଧିକ ବୃଦ୍ଧି ପାଇଛି । ସର୍ବାଧିକ ବୃଦ୍ଧି ପାଇଥିବା ଷ୍ଟକ୍ଗୁଡ଼ିକ ହେଉଛି ଟାଟା ମୋଟର୍ସ, ଭାରତୀ ଏୟାରଟେଲ୍, ଏଲ ଆଣ୍ଡ ଟି, ଏମ ଆଣ୍ଡ ଏମ, ଏମାନେ ସମସ୍ତେ ନିଫ୍ଟିର ସର୍ବାଧିକ ଲାଭକାରୀ ।
ଏସୀୟ ବଜାରରେ ବୃଦ୍ଧି- ମଙ୍ଗଳବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସ୍ମାର୍ଟଫୋନ ଏବଂ କମ୍ପ୍ୟୁଟରକୁ ଶୁଳ୍କ ପରିସରରୁ ବାହାରେ ରଖିବା ନିଷ୍ପତ୍ତି ନେବା ପରେ ପ୍ରଯୁକ୍ତିବିଦ୍ୟା ଷ୍ଟକଗୁଡ଼ିକ ବୃଦ୍ଧି ପାଇଥିଲା । କିଛି ଅଟୋମୋବାଇଲ ନିର୍ମାତାଙ୍କୁ ସାହାଯ୍ୟ କରିବା ବିଷୟରେ ଟ୍ରମ୍ପଙ୍କ ବିବୃତ୍ତି ପରେ, ଅଟୋ କ୍ଷେତ୍ରର ଷ୍ଟକରେ ମଧ୍ୟ ବୃଦ୍ଧି ଦେଖିବାକୁ ମିଳିଥିଲା ଏବଂ ନିବେଶକଙ୍କ ଭାବନା ସକାରାତ୍ମକ ହୋଇଥିଲା।
ଆମେରିକା ସରକାର ଚୀନ୍ରୁ ବହୁ ପରିମାଣରେ ଆମଦାନି ହେଉଥିବା ସ୍ମାର୍ଟଫୋନ୍, କମ୍ପ୍ୟୁଟର ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ସ ସାମଗ୍ରୀକୁ ଶୁଳ୍କ ପରିସରରୁ ମୁକ୍ତ କରିଛନ୍ତି । ଜାପାନର ନିକେଇ ୨୨୫ ପଏଣ୍ଟ କିମ୍ବା ୧.୧୫% ବୃଦ୍ଧି ପାଇଛି, ଯେତେବେଳେ ଟପିକ୍ ଇଣ୍ଡେକ୍ସରେ ୧.୧୬ ପ୍ରତିଶତ ବୃଦ୍ଧି ଘଟିଛି ।
ଅଟୋ ଷ୍ଟକଗୁଡିକ ସବୁଠାରୁ ଅଧିକ ଲାଭବାନ ହୋଇଥିଲେ । ସୁଜୁକି ମୋଟର ସେୟାର ୫.୨୮ ପ୍ରତିଶତ ବୃଦ୍ଧି ପାଇଛି, ମାଜଦା ମୋଟର ସେୟାର ୫.୦୮ ପ୍ରତିଶତ, ହୋଣ୍ଡା ମୋଟର ସେୟାର ୫.୫୦ ପ୍ରତିଶତ ଏବଂ ଟୟୋଟା ମୋଟର ସେୟାର ୪.୪୮୩ ପ୍ରତିଶତ ବୃଦ୍ଧି ପାଇଛି ।