(video) ଭାରତରେ ଚିତାର ବଂଶ ବୃଦ୍ଧି ହେଲା ; କୁନୋ ଜାତୀୟ ଉଦ୍ୟାନରେ ଜନ୍ମ ହେଲେ ୪ ଶବକ
ନୂଆଦିଲ୍ଲୀ : ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରୁ ଏକ ବଡ଼ ଖବର ଆସିଛି । ଏଠାରେ ୪ଟି ଚିତା ଶାବକ ଜନ୍ମ ହୋଇଛନ୍ତି । ଆଫ୍ରିକାର ଚିତା ଭାରତରେ ସଂଖ୍ୟା ବୃଦ୍ଧି କରିବା ଆରମ୍ଭ କରି ଦେଇଛନ୍ତି। ଏହି ଖୁସୀ ଖବର ସେତେବେଳେ ସାମ୍ନାକୁ ଆସିଛି ଯେତେବେଳେ ଚିତାଙ୍କ ମୃତ୍ୟୁ ଚିନ୍ତା ପ୍ରକଟ କରାଯାଉଥିଲା । ଦଶନ୍ଧି ପୂର୍ବରୁ ଭାରତରୁ ବିଲୁପ୍ତ ହୋଇଥିବା ଚିତା ସଂଖ୍ୟା ବୃଦ୍ଧି ଏକ ବଡ଼ ସଫଳତା ଭାବରେ ଦେଖାଯାଉଛି।
କେନ୍ଦ୍ର ପରିବେଶ ମନ୍ତ୍ରୀ ଭୁପେନ୍ଦ୍ର ଯାଦବ ଏହି ଖୁସି ଖବର ସେୟାର କରିଛନ୍ତି । ସେ ଟ୍ୱିଟରରେ ଲେଖିଛନ୍ତି, ଅମୃତକାଲ ସମୟରେ ଆମର ବନ୍ୟଜନ୍ତୁ ସଂରକ୍ଷଣ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଘଟଣା। ମୁଁ ସୂଚନା ଦେଇ ଖୁସି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱରେ ୧୭ ସେପ୍ଟେମ୍ବର ୨୦୨୨ ରେ ଭାରତକୁ ଆଣିଥିବା ଗୋଟିଏ ଚିତା ଚାରିଟି ଛୁଆ ଜନ୍ମ ଦେଇଛି।
Congratulations 🇮🇳
A momentous event in our wildlife conservation history during Amrit Kaal!
I am delighted to share that four cubs have been born to one of the cheetahs translocated to India on 17th September 2022, under the visionary leadership of PM Shri @narendramodi ji. pic.twitter.com/a1YXqi7kTt
— Bhupender Yadav (@byadavbjp) March 29, 2023
ବର୍ତ୍ତମାନ ଦେଶରେ ମୋଟ୍ ଚିତା ସଂଖ୍ୟା ୨୩
ଚାରି ଛୁଆ ଜନ୍ମ ପରେ ଭାରତରେ ଚିତାଙ୍କ ସଂଖ୍ୟା ୨୩କୁ ବୃଦ୍ଧି ପାଇଛି। ସର୍ବପ୍ରଥମେ, ଗତ ବର୍ଷ ସେପ୍ଟେମ୍ବର ୧୭ ରେ, ପ୍ରଧାନମନ୍ତ୍ରୀ ମୋଦୀ ନାମିବିଆରୁ କୁନରେ ଆଣିଥିବା ୮ଟି ଚିତା ଛାଡିଥିଲେ । ଏହା ପରେ ନିକଟରେ ଆଫ୍ରିକାରୁ ଆଉ ୧୨ଟି ଚିତା ଅଣାଯାଇଛି। ଏହିପରି ଚିତାମାନଙ୍କର ମୋଟ ସଂଖ୍ୟା ୨୦କୁ ବୃଦ୍ଧି ପାଇଲା । କିନ୍ତୁ ଗୋଟିଏ ଚିତାର ମୃତ୍ୟୁ ପରେ ସଂଖ୍ୟା ୧୯କୁ କମିଯାଇଥିଲା। ଚାରି ଛୁଆ ଜନ୍ମ ପରେ ଏହି ସଂଖ୍ୟା ୨୩ କୁ ବୃଦ୍ଧି ପାଇଛି ।
