ପୃଥିବୀ ଶୁଖିଯାଉଛି, କୋଟି କୋଟି ଲୋକ ମଇଳା ପାଣି ପିଇବାକୁ ବାଧ୍ୟ ହେଉଛନ୍ତି ! ଜାତିସଂଘର ଆଶ୍ଚର୍ଯ୍ୟଜନକ ରିପୋର୍ଟ
ନୂଆଦିଲ୍ଲୀ : ମିଳିତ ଜାତିସଂଘ ଏକ ରିପୋର୍ଟ ଜାରି କରି କହିଛି ଯେ ଜଳର ଅତ୍ୟଧିକ ବ୍ୟବହାର ଏବଂ ବିକାଶ ହେତୁ ବିଶ୍ୱରେ ଜଳ ସ୍ତର କମି ଯାଉଛି । ଜଳକୁ ମାନବିକତାର ଜୀବନ ରକ୍ତ ବୋଲି ବର୍ଣ୍ଣନା କରି ରିପୋର୍ଟରେ କୁହାଯାଇଛି ଯେ ବିଶ୍ୱରେ ୨୬% ଲୋକ ବିଶୁଦ୍ଧ ଜଳ ଅଭାବରେ ପୀଡିତ ଅଛନ୍ତି । ଜଳ, ପ୍ରଦୂଷଣ ଏବଂ ଅନିୟନ୍ତ୍ରିତ ବ୍ୟବହାର ହେତୁ ବିଶ୍ୱ ଅନ୍ଧ ଭାବରେ ବିପଦପୂର୍ଣ୍ଣ ପଥରେ ଗତି କରୁଛି। ମିଳିତ ଜାତିସଂଘର ଜଳ ସମ୍ମିଳନୀ ପୂର୍ବରୁ ବୁଧବାର ଦିନ ଏହି ଜାତିସଂଘର ରିପୋର୍ଟ ପ୍ରକାଶ ପାଇଛି। ବୁଧବାର ଠାରୁ ଶୁକ୍ରବାର ପର୍ୟ୍ୟନ୍ତ ଚାଲିଥିବା ମିଳିତ ଜାତିସଂଘର ଜଳ ସମ୍ମିଳନୀରେ ୧୨ ଟି ଦେଶର ୬,୫୦୦ ଅଂଶଗ୍ରହଣକାରୀ ଅଂଶଗ୍ରହଣ କରିବେ ।
ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ , ଯଦି ଆମେ ଜଳ ସଂରକ୍ଷଣ କରିବା ପାଇଁ କିଛି କରୁ ନାହୁଁ, ତେବେ ବିଶ୍ୱରେ ପ୍ରାୟ ୪୦-୫୦% ଲୋକ ପରିମଳ ସୁବିଧା ପାଇବେ ନାହିଁ ଏବଂ ୨୦-୨୫% ଲୋକ ବିଶୁଦ୍ଧ ଜଳ ପାଇପାରିବେ ନାହିଁ। ବିଶୁଦ୍ଧ ଜଳ ଯୋଗାଣ ଉପଲବ୍ଧ ହେବ ନାହିଁ । ବିଶ୍ୱର ଜନସଂଖ୍ୟା ଦିନକୁ ଦିନ ବୃଦ୍ଧି ପାଉଛି, ତେଣୁ ଜଳ ଏବଂ ପରିମଳ ବ୍ୟବସ୍ଥା ପାଇ ନ ଥିବା ଲୋକଙ୍କ ସଂଖ୍ୟା ବଢିବାରେ ଲାଗିଛି ।
ରିପୋର୍ଟରେ ଦର୍ଶାଯାଇଛି ଯେ ବିଶ୍ୱର ପ୍ରାୟ ୧୦% ଲୋକ ସେହି ଦେଶରେ ବାସ କରନ୍ତି ଯେଉଁଠାରେ ଜଳ ସଙ୍କଟ ସର୍ବୋଚ୍ଚସ୍ତରରେ ରହିଛି । ଜଳର ଅଭାବ ଗରିବଙ୍କ ଉପରେ ଅଧିକ ପ୍ରଭାବ ପକାଇଉଛି । ତୁମେ କେଉଁଠି ରହୁଛ ତାହା ଯେତିକି ପ୍ରଭାବ ପକାଉଛି ତା ଠାରୁ ଅଧିକ ପ୍ରଭାବ ପକାଉଛି ତୁମେ ଧନୀ କି ଗରିବ । ଏକ ରିସର୍ଚ୍ଚରୁ ଜଣାପଡିଛି ଯେ, ଧନୀ ଶ୍ରେଣୀର ଲୋକଙ୍କୁ ଅତି ସହଜରେ ବଶୁଦ୍ଧ ଜଳ ମିଳିଯାଉଛି କିନ୍ତୁ ଗରିବ ଲୋକଙ୍କୁ ମିଳୁନାହିଁ ।
ଜାତିସଂଘର ରିପୋର୍ଟ ଅନୁଯାୟୀ, ‘ସର୍ବଭାରତୀୟ ସ୍ତରରେ ଅତି କମରେ ୨ ବିଲିୟନ ଲୋକ ପ୍ରଦୂଷିତ ପାନୀୟ ଜଳ ଉତ୍ସ ଉପରେ ନିର୍ଭର କରି ହଇଜା, ଟାଇଫଏଡ୍ ଏବଂ ପୋଲିଓ ରୋଗରେ ପଡୁଛନ୍ତି । ୨୦୩୦ ସୁଦ୍ଧା ସମସ୍ତଙ୍କ ପାଇଁ ବିଶୁଦ୍ଧ ପାନୀୟ ଜଳର ସୁନିଶ୍ଚିତ କରିବାକୁ ବର୍ତ୍ତମାନର ବିନିଯୋଗର ସ୍ତର ତିନିଗୁଣ ହେବା ଆବଶ୍ୟକ। ନେଦରଲ୍ୟାଣ୍ଡର ସ୍ୱତନ୍ତ୍ର ଦୂତ ହେଙ୍କ ଓଭିଙ୍କ କହିଛନ୍ତି ଯେ ବର୍ତ୍ତମାନ ଆମକୁ ଏଥିପ୍ରତି ଗୁରୁତର ହେବା ଆବଶ୍ୟକ କାରଣ ଜଳ ପ୍ରତି ଆମର ନିରାପତ୍ତା ଖାଦ୍ୟ ସୁରକ୍ଷା, ସ୍ୱାସ୍ଥ୍ୟ ସୁରକ୍ଷା, ଶକ୍ତି ନିରାପତ୍ତା, ସହରାଞ୍ଚଳ ବିକାଶ ତଥା ସାମାଜିକ ସମସ୍ୟାକୁ କ୍ଷୁର୍ଣ୍ଣ କରୁଛି। କଥାରେ ଅଛି, “ବର୍ତ୍ତମାନ ନୁହେଁ, ତ କେବେ ନୁହେଁ’ । ଏପରି ସୁଯୋଗ ଥରେ ଆସେ, ବାରମ୍ବାର ଆସେ ନାହିଁ ।
